ಹಸೆಮಣೆ ಏರಿದ ದಿನವೇ ಪರೀಕ್ಷೆಗೆ ಹಾಜರಾದ ನವವಧು!

ಶಿವಮೊಗ್ಗ : ಪರೀಕ್ಷೆ ನಂತರ ಪ್ರಿಯಕರ ತನ್ನದೇ ಬೈಕ್ ನಲ್ಲಿ ಯುವತಿಯನ್ನು ಪುನಃ ಮಧುವೆಯ ಅಂಗಳಕ್ಕೆ ಬಂದ ಜೋಡಿ ಉಳಿದ ಮದುವೆ ಶಾಸ್ತ್ರಗಳನ್ನು ಮುಗಿಸಿದ್ದಾರೆ. ಒಂದೆಡೆ ಪ್ರೀತಿಸಿದ ಯುವಕನನ್ನು ಮದುವೆಯಾಗುವ ಅಮೃತ ಘಳಿಗೆ ಮತ್ತೊಂದೆಡೆ ಅದೇ ದಿನ ಪರೀಕ್ಷೆ ಬರೆಯಬೇಕಾದ ಸಂದರ್ಭ ಎದುರಾದಾಗ ಆ ಯುವತಿ ಎರಡು ಪರೀಕ್ಷೆಗಳನ್ನು ಗೆದ್ದು ಬೀಗಿದ್ದಾಳೆ. 

ಹೌದು ಶಿವಮೊಗ್ಗ ನಗರದ ಬರ್ಮಪ್ಪ ಕೇರಿಯ ಯುವತಿ ಎರಡು ಪರೀಕ್ಷೆಗಳನ್ನು ಶೇಕ್ ಇಟ್ ಸತ್ಯವತಿ ಮಾಡಿದ್ದಾಳೆ. ಕಲ್ಯಾಣ ಮಂಟಪದಲ್ಲಿ ಪ್ರಿಯಕರನಿಂದ ತಾಳಿಕಟ್ಟಿಸಿಕೊಂಡು ಅದೇ ಪ್ರಿಯಕರನ ಬೈಕ್ ನಲ್ಲಿಯೇ ಪರೀಕ್ಷಾ ಕೇಂದ್ರಕ್ಕೆ ಹಾಜರಾಗಿ ಪರೀಕ್ಷೆ ಬರೆದಿದ್ದಾಳೆ. 

ಇದನ್ನೂ ಓದಿ-"ಸರಕಾರಕ್ಕೆ ಯಾವುದೇ ರೀತಿಯ ಆರ್ಥಿಕ ತೊಂದರೆ ಇಲ್ಲ"

ಶಿವಮೊಗ್ಗದ ಕಮಲಾ ನೆಹರು ಕಾಲೇಜಿನ ಅಂತಿಮ ವರ್ಷದ ಬಿಎ ವಿದ್ಯಾರ್ಥಿನಿ ಸತ್ಯವತಿ ಇಂದು ಎಕನಾಮಿಕ್ಸ್ ಪರೀಕ್ಷೆಯನ್ನು ಬರೆದಿದ್ದಾಳೆ. ಎರಡು ವರ್ಷದ ಹಿಂದೆ ಸೋಷಿಯಲ್ ಮಿಡಿಯಾದಲ್ಲಿ ಪರಿಚಯವಾದ ಚೆನ್ನೈ ಮೂಲದ ಪ್ರಾನ್ಸಿಸ್ ಎಂಬ ಯುವಕನೊಂದಿಗೆ ಸತ್ಯವತಿಗೆ ಪ್ರೇಮಾಂಕುರವಾಗಿದೆ. 

ಎರಡು ವರ್ಷ ಇನ್ ಸ್ಟಾಗ್ರಾಂನಲ್ಲಿ ಚಾಟ್ ಮಾಡಿಕೊಂಡಿದ್ದ ಪ್ರೇಮಿಗಳು ನಂತರ ಮದುವೆಯಾಗುವ ನಿರ್ದಾರ ತಳೆದಿದ್ದಾರೆ. ಇಬ್ಬರು ತಮ್ಮ ಪೋಷಕರನ್ನು ಒಪ್ಪಿಸಿ ಸರಳ ವಿವಾಹವಾಗಿದ್ದಾರೆ. ಪ್ರಾನ್ಸಿಸ್ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದು,,ಹಿಂದು ಧಾರ್ಮಿಕ ಪದ್ಧತಿಯಂತೆ ವಿವಾಹವಾಗಿದ್ದಾರೆ. ಇವರ ದಾಂಪತ್ಯ ಜೀವನ ಚೆನ್ನಾಗಿರಲೆಂದು ಪೋಷಕರು ಬಂಧುಗಳು ಹರಸಿದ್ದಾರೆ.