ಕಾಂಗ್ರೆಸ್‌ ಹಲವು ದಶಕಗಳಲ್ಲಿ ಸಾಧಿಸಲಾಗದ್ದನ್ನು ನಾವು 7 ವರ್ಷಗಳಲ್ಲಿ ಮಾಡಿದ್ದೇವೆ: ಬಿಜೆಪಿ

ಬೆಂಗಳೂರು: ಕಾಂಗ್ರೆಸ್‌ ಪಕ್ಷಕ್ಕೆ ಹಲವು ದಶಕಗಳಲ್ಲಿ ಸಾಧಿಸಲಾಗದಿದ್ದದ್ದನ್ನು ನಾವು ಕೇವಲ 7 ವರ್ಷಗಳಲ್ಲಿ ಮಾಡಿದ್ದೇವೆ ಎಂದು ಬಿಜೆಪಿ ಟೀಕಿಸಿದೆ. #GoodGovernanceDay ಹ್ಯಾಶ್ ಟ್ಯಾಗ್ ಬಳಿಸಿ ಸರಣಿ ಟ್ವೀಟ್ ಮಾಡಿರುವ ಬಿಜೆಪಿ ಪ್ರಧಾನಿ ಮೋದಿ ನೇತೃತ್ವದ ಬಿಜೆಪಿ ಸರ್ಕಾರ(BJP Government)ದ ಸಾಧನೆಗಳ ಬಗ್ಗೆ ಮಾಹಿತಿ ಹಂಚಿಕೊಂಡಿದೆ. ‘2014ರ ಮೊದಲು ದೇಶದ ಎಕ್ಸ್‌ಪ್ರೆಸ್‌ ಹೆದ್ದಾರಿ 866 ಕಿಮೀ ಇತ್ತು, ಬಳಿಕ ಅದು 1166 ಕಿಮೀ ಆಗಿದೆ. ಇದು ಯುಪಿಎ ಆಡಳಿತ ಮತ್ತು ಮೋದಿ ಆಡಳಿತದ ನಡುವಿನ ವ್ಯತ್ಯಾಸ’ವೆಂದು ಹೇಳಿದೆ.

‘ಮೋದಿ ಸರ್ಕಾರ ಆಡಳಿತಕ್ಕೆ ಬಂದ ಬಳಿಕ ದೇಶದ ರಾಷ್ಟ್ರೀಯ ಹೆದ್ದಾರಿ(National Highways)ನಿರ್ಮಾಣದಲ್ಲಿ ಅದ್ಭುತ ಸಾಧನೆ ತೋರಿದೆ. 2014ರವರೆಗೆ 91,287 ಕೀಮಿ ಇತ್ತು, 2021ಕ್ಕೆ ಇದು 1,40,937 ಕಿಮೀ ಆಗಿದೆ. ಮೋದಿ ಸರ್ಕಾರ ಬರುವ ಮೊದಲು ಮತ್ತು ಮೋದಿ ಸರ್ಕಾರ ಬಂದ ನಂತರ ನಿರ್ಮಾಣವಾದ ರಾಷ್ಟ್ರೀಯ ಹೆದ್ದಾರಿಯ ಅಂಕಿ ಅಂಶವಿದು. ಕೇವಲ 7 ವರ್ಷಗಳಲ್ಲಿ ಶೇ.54ರಷ್ಟು ಹೆಚ್ಚಳವಾಗಿದೆ’ ಎಂದು ಬಿಜೆಪಿ ಟ್ವೀಟ್ ಮಾಡಿದೆ.

‘ಹಲವು ದಶಕಗಳಿಂದ ಅಪೂರ್ಣವಾಗಿದ್ದ ಹಲವು ಕಾಮಗಾರಿಗಳನ್ನು ಮೋದಿ(Narendra Modi)ಸರ್ಕಾರ ಕೇವಲ 7 ವರ್ಷದಲ್ಲಿ ಪೂರ್ಣಗೊಳಿಸಿದೆ. ಈ ಪೈಕಿ ಸರಯೂ ನಹರ್‌ ರಾಷ್ಟ್ರೀಯ ಯೋಜನೆ 40 ವರ್ಷದ ಬಳಿಕ ಪೂರ್ಣ. ಸರ್ದಾರ್ ಸರೋವರ ಅಣೆಕಟ್ಟು  56 ವರ್ಷದ ಬಳಿಕ ಪೂರ್ಣ ಮತ್ತು ಭಾರತ ಮತ್ತು ಬಾಂಗ್ಲಾ ನಡುವಿನ ಭೂಮಿ ಹಂಚಿಕೆ 70 ವರ್ಷದ ಬಳಿಕ ಪೂರ್ಣಗೊಂಡಿದೆ. ಕೊಲ್ಲಂ ಬೈಪಾಸ್‌ ರಸ್ತೆ 47 ವರ್ಷಗಳ ಬಳಿಕ ಪೂರ್ಣ. ಒನ್‌ ರ್ಯಾಂಕ್‌ ಒನ್‌ ಪೆನ್ಶನ್‌ 41 ವರ್ಷಗಳ ಬಳಿಕ ಪೂರ್ಣ. ಬೋಗಿಬಿಲ್‌ ಸೇತುವೆ 21 ವರ್ಷಗಳ ಬಳಿಕ ಪೂರ್ಣ’ಗೊಂಡಿದೆ ಎಂದು ಬಿಜೆಪಿ ಟ್ವೀಟ್ ಮಾಡಿದೆ.

Congress) ನೀಡಿರುವ ಕೊಡುಗೆಯನ್ನು ಪ್ರಶ್ನಿಸಿರುವ ಬಿಜೆಪಿ, 2014‌ವರೆಗೆ 15,000 ಕೀಮಿ ಇದ್ದ ನೈಸರ್ಗಿಕ ಅನಿಲ ಪೈಪ್‌ಲೈನ್ 2014 -21ವರೆಗೆ – 16,000 ಕೀಮಿ ಆಗಿದೆ. 2014‌ವರೆಗೆ 250 ಕೀಮಿ ಇದ್ದ ಮೆಟ್ರೋ ಹಳಿ 2014 -21ವರೆಗೆ 700 ಕೀಮಿ ಆಗಿದೆ ಹಾಗೂ 2014‌ವರೆಗೆ ಕೇವಲ 2 ಮೆಗಾ ಫುಡ್ ಪಾರ್ಕ್ ಇದ್ದದ್ದು 2014 -21ವರೆಗೆ 19 ಆಗಿವೆ. ಅಧಿಕಾರದಲ್ಲಿದ್ದ ಹಲವು ದಶಕಗಳನ್ನು ನಕಲಿ ಗಾಂಧಿ ಪರಿವಾರದ ಖಜಾನೆ ತುಂಬಿಸುವ ಕಾರ್ಯದಲ್ಲಿ ಕಳೆದಿದ್ದು ದುರಂತ’ ಅಂತಾ ಟೀಕಿಸಿರುವ ಬಿಜೆಪಿ ಕಾಂಗ್ರೆಸ್‌ ಆಡಳಿತ ನಡೆಸಿದ್ದೇ, ಅಥವಾ ಪರಿವಾರದ ಜೋಳಿಗೆ ತುಂಬಿಸಿದ್ದೇ? ಅಂತಾ ಪ್ರಶ್ನಿಸಿದೆ.