ಜಮೀನಿನಲ್ಲಿದ್ದ ಕುರುಡನ ಮೇಲೆ ಕಾಡಾನೆ ದಾಳಿ- ಕೈ-ಕಾಲು ಮುರಿತ

ಚಾಮರಾಜನಗರ: ಅಂಧ ವ್ಯಕ್ತಿಯೋರ್ವನ ಮೇಲೆ  ಕಾಡಾನೆ ದಾಳಿ ಮಾಡಿರುವ ಘಟನೆ ಹನೂರು ತಾಲೂಕಿನ ಕತ್ತೆಕಾಲು ಪೋಡಿನಲ್ಲಿ ಭಾನುವಾರ ನಡೆದಿದೆ. 

ಹನೂರು ತಾಲೂಕಿನ ಹುತ್ತೂರು ಗ್ರಾಪಂ ವ್ಯಾಪ್ತಿಯ  ಕತ್ತೆಕಾಲುಪೊಡು ಗ್ರಾಮದ ನಿವಾಸಿ ಮಾದೇಶ್(45) ಗಾಯಗೊಂಡಾತ.ಮಾದೇಶ್ ಅಂಧ ವ್ಯಕ್ತಿಯಾಗಿದ್ದು ಮಧ್ಯಾಹ್ನ ಜಮೀನಿನಲ್ಲಿದ್ದಾಗ ಕಾಡಾನೆ ದಾಳಿ ಮಾಡಿದೆ.‌ ಪರಿಣಾಮ ಕೈ ಹಾಗೂ ಕಾಲು ಮುರಿದಿದೆ. ಸಂಜೆ ಹೊತ್ತಿಗೆ ದನಗಾಹಿ ಯುವಕರಿಂದ ಆನೆದಾಳಿ ಪ್ರಕರಣ ಬೆಳಕಿಗೆ ಬಂದಿದೆ. ಸದ್ಯ, ವ್ಯಕ್ತಿಯನ್ನು 
ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಗಿದ್ದು ಗಂಭೀರವಾಗಿ ಗಾಯಗೊಂಡಿರುವುದಾಗಿ ತಿಳಿದುಬಂದಿದೆ.ತುರ್ತು ವಾಹನ ಬಾರದ ಹಿನ್ನೆಲೆ ಅರಣ್ಯ ಇಲಾಖೆಯ  ಸಿಬ್ಬಂದಿಗಳು ಇಲಾಖೆ ವಾಹನವನ್ನು ಕೊಟ್ಟು ಸಮಯ ಪ್ರಜ್ಞೆ ಮೆರೆದಿದ್ದಾರೆ.