BJP: `ನಮ್ಮದು ಬಾಂಬೆ ಟೀಮ್‌ ಅಲ್ಲ, ನಾವೀಗ ಬಿಎಸ್ ವೈ, ಬಿಜೆಪಿ ಟೀಮ್`

ಮೈಸೂರು: ಸದ್ಯ ನಮ್ಮದು ಯಾವ ಬಾಂಬೆ ಟೀಮ್‌ ಅಲ್ಲ. ನಾವಿರುವುದು ಬಿಎಸ್ ವೈ ಟೀಮ್, ಬಿಜೆಪಿ ಟೀಮ್‌ನಲ್ಲಿ ಎಂದು ಕೃಷಿ ಸಚಿವ ಬಿ‌.ಸಿ‌. ಪಾಟೀಲ್ ಸ್ಪಷ್ಟಪಡಿಸಿದ್ದಾರೆ.

ಕಾರ್ಯಕ್ರಮವೊಂದಕ್ಕೆ ಹೋಗುವ ವೇಳೆ ಮೈಸೂರಿಗೆ ಆಗಮಿಸಿದ್ದ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ಸಚಿವ ಬಿ‌.ಸಿ‌. ಪಾಟೀಲ್(B.C.Patil), ಸಂಪುಟ ಪುನಾರಚನೆಯ ವೇಳೆ ಅಸಮಾಧಾನ ಹಲವರಿಗೆ ಇದೆ. ನಮ್ಮ ಐದು ಬೆರಳುಗಳೇ ಸಮವಿಲ್ಲ, ಶಾಸಕರು ಕೆಲ ಇಲಾಖೆಯನ್ನು ನಿರ್ವಹಿಸುವ ಇಚ್ಛೆ ಇರುವುದರಿಂದ ಅಸಮಾಧಾನ ಇರುವುದು ಸಹಜ. ಬಳಿಕ ಶಮನ ಆಗಲಿದೆ ಎಂದು ತಿಳಿಸಿದರು.

ಇನ್ನು ಬಾಂಬೆ ಟೀಮ್‌ ಬಿಜೆಪಿಗೆ ಬಂದು ಸೇರಿಕೊಂಡ ಮೇಲೆ ಎಲ್ಲರಿಗೂ ಪಕ್ಷವೇ ಟೀಮ್‌ ಆಗಿದೆ. ಗೋಹತ್ಯೆ ಮಾಡುವುದು ಅಪರಾಧ. ಪಾಲಕರಿಗೆ ವಯಸ್ಸಾಗಿದೆ ಎಂದು ಬಿಟ್ಟುಬರಲಾಗದು ಎಂದು ಹೇಳಿದರು.