ಬಾಳೆಹಣ್ಣಿನಿಂದ ಕೂದಲು ಉದುರುವ ಸಮಸ್ಯೆಯನ್ನು ನಿವಾರಿಸುವ ಮಾರ್ಗಗಳು!

Banana Hair Mask : ಪ್ರಸ್ತುತ ಜೀವನಶೈಲಿ, ಆಹಾರ ಪದ್ಧತಿ ಕೂದಲಗೆ ಹಾನಿ ಉಂಟು ಮಾಡುತ್ತವೆ. ನಮ್ಮ ಕೂದಲಿನ ಹಾನಿಯನ್ನು ಸರಿಪಡಿಸಲು ಕೂದಲಿನ ಆರೈಕೆಯನ್ನು ಮಾಡಬಹುದು. ಹಣ್ಣುಗಳು ನೈಸರ್ಗಿಕವಾಗಿ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿವೆ. ನಿರ್ದಿಷ್ಟವಾಗಿ ಬಾಳೆಹಣ್ಣುಗಳು ಅತ್ಯುತ್ತಮ ಪ್ರಮಾಣದ ಜೀವಸತ್ವಗಳು, ಮೆಗ್ನೀಸಿಯಮ್, ಪೊಟ್ಯಾಸಿಯಮ್ ಮತ್ತು ಸಿಲಿಕಾನ್‌ಗಳೊಂದಿಗೆ ವಿವಿಧ ಪೌಷ್ಟಿಕಾಂಶದ ಅಂಶಗಳನ್ನು ಒಳಗೊಂಡಿರುತ್ತವೆ. ಹಾನಿಗೊಳಗಾದ ಕೂದಲನ್ನು ಸರಿಪಡಿಸಲು ಇದು ಸಹಾಯ ಮಾಡುತ್ತದೆ. ಬಾಳೆಹಣ್ಣಿನ ಪ್ಯಾಕ್ ಕೂದಲಿನ ಬೆಳವಣಿಗೆಗೆ ನೈಸರ್ಗಿಕ ಕಂಡಿಷನರ್ ಆಗಿದೆ. ಬಾಳೆಹಣ್ಣಿನ ಹೇರ್ ಮಾಸ್ಕ್ ಆಂಟಿಮೈಕ್ರೊಬಿಯಲ್ ಗುಣಲಕ್ಷಣಗಳನ್ನು ಹೊಂದಿದೆ. ಇದರಿಂದ ತಲೆಹೊಟ್ಟು ನಿವಾರಣೆಯಾಗುತ್ತದೆ.

ಇದನ್ನೂ ಓದಿ: ಈ 3 ವಸ್ತುಗಳನ್ನು ಹೀಗೆ ಬಳಸಿದ್ರೆ ಬಿಳಿ ಕೂದಲು ಶಾಶ್ವತವಾಗಿ ಕಪ್ಪಾಗುತ್ತದೆ!

ಕೂದಲಿನ ಬಣ್ಣ ಮತ್ತು ಸ್ಟೈಲಿಂಗ್ ಉತ್ಪನ್ನಗಳಲ್ಲಿ ಕಂಡುಬರುವ ವಿಷಕಾರಿ ರಾಸಾಯನಿಕಗಳು ಕೂದಲು ಉದುರುವಿಕೆಗೆ ಕಾರಣವಾಗುತ್ತವೆ. ನಿಮ್ಮ ಕೂದಲಿಗೆ ಸರಿಯಾದ ಉತ್ಪನ್ನಗಳನ್ನು ಆಯ್ಕೆ ಮಾಡುವುದು ಮತ್ತು ಬಳಸುವುದು ಉತ್ತಮ. ನಿಮ್ಮ ಕೂದಲಿನ ಆರೋಗ್ಯಕ್ಕೆ ಬಾಳೆಹಣ್ಣಿನ ಹೇರ್ ಮಾಸ್ಕ್ ಬಳಸಿ. 

ಬಾಳೆಹಣ್ಣಿನ ಹೇರ್ ಮಾಸ್ಕ್ ಮಾಡುವ ವಿಧಾನ : 1 ಬಾಳೆಹಣ್ಣು, 1 ಚಮಚ ಅಲೋವೆರಾ ಜೆಲ್ ಮತ್ತು 1 ಚಮಚ ಆಲಿವ್ ಎಣ್ಣೆಯನ್ನು ಮಿಕ್ಸರ್‌ನಲ್ಲಿ ರುಬ್ಬಿಕೊಳ್ಳಿ. ಇದನ್ನು ನಿಮ್ಮ ಕೂದಲಿಗೆ ಹಚ್ಚಿ 20 ನಿಮಿಷಗಳ ಕಾಲ ಬಿಟ್ಟು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಪ್ರತಿ ಹದಿನೈದು ದಿನಗಳಿಗೊಮ್ಮೆ ಇದನ್ನು ಬಳಸಲು ಮರೆಯದಿರಿ. 

ಒಣ ಮತ್ತು ಸುಕ್ಕುಗಟ್ಟಿದ ಕೂದಲನ್ನು ಸರಿಪಡಿಸಲು ನೀವು ಮನೆಯಲ್ಲಿಯೇ ಪ್ರಯತ್ನಿಸಬಹುದಾದ ಇನ್ನೊಂದು ವಿಧಾನವೆಂದರೆ ಒಂದು ಚಮಚ ಕಂಡೀಷನರ್, ಅರ್ಧ ಹಿಸುಕಿದ ಬಾಳೆಹಣ್ಣು, ಒಂದು ಕಪ್ ನಿಂಬೆ ರಸ, ಒಂದು ಚಮಚ ಆಲಿವ್ ಎಣ್ಣೆ, 2 ಟೇಬಲ್‌ ಸ್ಪೂನ್ ಮೊಸರು ಒಟ್ಟಿಗೆ ಮಿಶ್ರಣ ಮಾಡಿ. ಇದನ್ನು ನಿಮ್ಮ ತಲೆಯ ಮೇಲೆ ಹಚ್ಚಿ 20 ನಿಮಿಷಗಳ ನಂತರ ತೊಳೆಯಿರಿ. 

ಇದನ್ನೂ ಓದಿ:  ಸಕ್ಕರೆಯ ಈ ಸರಳ ಪರಿಹಾರ ನಿಮ್ಮ ಅದೃಷ್ಟ ಬೆಳಗುವುದು.. ಸಿರಿ ಸಂಪತ್ತು ಹೊತ್ತು ಮನೆಗೆ ಬರುವಳು ಧನಲಕ್ಷ್ಮೀ!