ಒಳ್ಳೆಯ ಕಲ್ಲಂಗಡಿ ಕೊಳ್ಳುವುದು ಒಂದು ಕಲೆಯೇ ಗುರು.. ಈ ಟಿಪ್ಸ್‌ ಫಾಲೋ ಮಾಡಿ ನಿಮಗೆ ನಿರಾಸೆಯಾಗುವುದಿಲ್ಲ!!

Watermelon: ಬೇಸಿಗೆ ಎಂದರೆ ಅಸಹನೀಯ ಬಿಸಿಲ ಬೇಗೆ ಮಾತ್ರವಲ್ಲ, ಕೆಲವು ಸಿಹಿ ಹಣ್ಣುಗಳನ್ನು ಆನಂದಿಸುವ ಸಮಯವೂ ಸಹ! ಬೇಸಿಗೆಯಲ್ಲಿ ವಿಶೇಷವಾಗಿ ಸಿಗುವ ಮಾವು, ಕಲ್ಲಂಗಡಿ ಹಣ್ಣುಗಳು ಎಲ್ಲರ ಬಾಯಲ್ಲಿ ನೀರೂರಿಸುತ್ತದೆ. ಈ ಹಣ್ಣುಗಳು ಎಲ್ಲರಿಗೂ ಇಷ್ಟವಾಗಿದ್ದರೂ ಉತ್ತಮ ಹಣ್ಣುಗಳನ್ನು ಆಯ್ಕೆ ಮಾಡಿ ಖರೀದಿಸುವ ಸಾಮರ್ಥ್ಯ ಕೆಲವರಿಗೆ ಇದೆ. 

ಮಾರುಕಟ್ಟೆಯಲ್ಲಿ ಸಿಹಿ ಮತ್ತು ರಸಭರಿತವಾದ ಕಲ್ಲಂಗಡಿಯನ್ನು ಹುಡುಕುವುದು ಮತ್ತು ಖರೀದಿಸುವುದು ಅಷ್ಟು ಸುಲಭವಲ್ಲ. ಕೆಲವೊಮ್ಮೆ ಇದರಿಂದ ನಿರಾಸೆಯೂ ಆಗಿರುತ್ತದೆ.. ನಿಮಗೂ ಇದೇ ರೀತಿಯ ಅನುಭವವಾಗಿದ್ದರೆ ಈ ಕೆಲವು ಸಲಹೆಗಳನ್ನು ಅನುಸರಿಸಿದರೆ ಸಿಹಿ ಕಲ್ಲಂಗಡಿಯನ್ನು ಗುರುತಿಸಬಹುದು.  

ಇದನ್ನೂ ಓದಿ-Beverages For Hydration: ಬೇಸಿಗೆ ಕಾಲದಲ್ಲಿ ದೇಹದಲ್ಲಿ ಜಲಸಂಚಲಯನವನ್ನು ಕಾಪಾಡಿಕೊಳ್ಳಲು ಈ ಉತ್ತಮ ಪಾನಿಯಗಳನ್ನು ಕುಡಿಯಿರಿ!

ಉತ್ತಮವಾದ ಕಲ್ಲಂಗಡಿ ದಪ್ಪ, ನಯವಾದ ತೊಗಟೆಯನ್ನು ಹೊಂದಿರುತ್ತದೆ. ಅದನ್ನು ಒತ್ತಿದಾಗ, ಅದು ಸ್ವಲ್ಪ ಒಳಗೆ ಹೋಗುತ್ತದೆ. ತೊಗಟೆ ತುಂಬಾ ಗಟ್ಟಿಯಾಗಿದ್ದರೆ ಕಲ್ಲಂಗಡಿ ಹಣ್ಣಾಗಿಲ್ಲ ಎಂದರ್ಥ. ಇದು ತುಂಬಾ ಮೃದು ಮತ್ತು ಮೆತ್ತಗೆ ಆಗಿದ್ದರೆ, ಅದು ಹಣ್ಣಾಗಿದೆ ಎಂದು ಕೊಳ್ಳಬೇಕು. 

ಇದನ್ನೂ ಓದಿ-Scrubs: ನೈಸರ್ಗಿಕವಾಗಿ ಟ್ಯಾನಿಂಗ್‌ ತೆಗೆದುಹಾಕಲು ಮನೆಯಲ್ಲಿಯೇ ತಯಾರಿಸಿ ಈ ಅದ್ಭುತ ಸ್ಕ್ರಬ್‌ಗಳು!!

ಕಲ್ಲಂಗಡಿ ಹಣ್ಣಾದಾಗ, ಅದು ಸಿಹಿ ಮತ್ತು ಮಾಗಿದ ವಾಸನೆಯನ್ನು ಹೊಂದಿರುತ್ತದೆ.. ವಾಸನೆಯು ಹೆಚ್ಚಾಗಿದ್ದರೆ ಕಲ್ಲಂಗಡಿ ಬಹಳ ಹಣ್ಣಾಗಿರಬಹುದು. ವಾಸನೆಯು ಇಲ್ಲದಿದ್ದರೆ, ಕಲ್ಲಂಗಡಿ ಸಂಪೂರ್ಣವಾಗಿ ಹಣ್ಣಾಗಿರುವುದಿಲ್ಲ..

ಕಲ್ಲಂಗಡಿ ಹಣ್ಣಾಗಿದ್ದರೆ, ಅದರ ಕೆಳಭಾಗದಲ್ಲಿ ಹಳದಿ ಅಥವಾ ಬಿಳಿ ಚುಕ್ಕೆ ಇರುತ್ತದೆ. ಸಂಪೂರ್ಣವಾಗಿ ಹಣ್ಣಾಗದ ಕಲ್ಲಂಗಡಿ ಈ ಗುರುತನ್ನು ಹೊಂದಿರುವುದಿಲ್ಲ. ಹಣ್ಣಾಗಿರುವ ಕಲ್ಲಂಗಡಿಯನ್ನು ಗುರುತಿಸುವಾಗ ಹಣ್ಣಿನ ಮೇಲೆ ಟ್ಯಾಪ್‌ ಮಾಡಿದಾಗ ಶಬ್ದ ಸ್ಪಷ್ಟವಾಗಿದ್ದರೆ ಕಲ್ಲಂಗಡಿ ಪೂರ್ತಿಯಾಗಿ ಹಣ್ಣಾಗಿದೆ ಎಂದರ್ಥ..