Healthy Morning Tips: ಮುಂಜಾನೆ ಈ ಐದು ಕೆಲಸಗಳನ್ನು ಮಾಡಿದರೆ ದಿನವಿಡೀ ಉಲ್ಲಾಸದಾಯಕವಾಗಿರುತ್ತದೆ

ಬೆಂಗಳೂರು : ಮುಂಜಾನೆಯ ಆರಂಭವು ಉತ್ತಮವಾಗಿದ್ದರೆ, ಇಡೀ ದಿನ ಉಲ್ಲಾಸದಾಯಕವಾಗಿ ಉತ್ಸಾಹಭರಿತವಾಗಿ ಕಳೆಯುತ್ತದೆ. ಈ ಕಾರಣಕಾಗಿಯೇ ಬೆಳಗಿನ ದಿನಚರಿಯನ್ನು ಉತ್ತಮವಾಗಿ ಇಟ್ಟುಕೊಳ್ಳಬೇಕು. ಸಾಮಾನ್ಯವಾಗಿ ಬೆಳಗಿನ ಉಪಾಹಾರ ಮುಗಿಸಿ ಆಫೀಸಿಗೆ ಹೋಗಿ, ಕೆಲಸ ಮಾಡುವಾಗ ಆಲಸ್ಯ ಅನಿಸುತ್ತದೆ. ಈ ಕಾರಣದಿಂದಾಗಿ ಬೆಳಗಿನ ಚಟುವಟಿಕೆಗಳನ್ನು ಸರಿಯಾಗಿ ಯೋಜಿಸುವುದಿಲ್ಲ.

ಬೆಳಿಗ್ಗೆ ಈ 5 ಕೆಲಸಗಳನ್ನು ತಪ್ಪದೇ  ಮಾಡಿ :
ಈ ಕೆಳಗಿನ ಅಭ್ಯಾಸಗಳನ್ನು ಬೆಳಗಿನ ದಿನಚರಿಯಲ್ಲಿ ಸೇರಿಸಿಕೊಳ್ಳಬೇಕು ಇದರಿಂದ ದೇಹದ ಶಕ್ತಿಯು ದಿನವಿಡೀ ಹಾಗೇ ಇರುತ್ತದೆ ಮತ್ತು ಆಯಾಸವಾಗುವುದಿಲ್ಲ. ಹೀಗೆ ಮಾಡುವುದರಿಂದ ಸೋಮಾರಿತನ ದೂರವಾಗುವುದಲ್ಲದೆ, ಚಯಾಪಚಯ ಕ್ರಿಯೆ ಮತ್ತು ಜೀರ್ಣಕ್ರಿಯೆಯೂ ಚೆನ್ನಾಗಿರುತ್ತದೆ. 

ಇದನ್ನೂ ಓದಿ : Male Fertility : ಪುರುಷರೆ ನಿಮ್ಮ ಆರೋಗ್ಯಕ್ಕೆ ತಪ್ಪದೆ ಸೇವಿಸಿ ಹಾಲು-ಖರ್ಜೂರ!

1. ಪ್ರತಿದಿನ ಒಂದೇ ಸಮಯಕ್ಕೆ ನಿದ್ರೆಯಿಂದ ಏಳುವುದು :
ಬೆಳಿಗ್ಗೆ ನಿದ್ರೆಯಿಂದ ಏಳಲು ಸಮಯವನ್ನು ನಿಗದಿಪಡಿಸಿ,. ನೀವು ಪ್ರತಿದಿನ ಒಂದೇ ಸಮಯಕ್ಕೆ ಎದ್ದರೆ,  ಬಾಡಿ ಸೈಕಲ್ ಸ್ಥಿರವಾಗಿರುತ್ತದೆ. ದಿನಕ್ಕೊಂದು ಸಮಯದಂತೆ ಎದ್ದರೆ ಅದು ಮಾನಸಿಕವಾಗಿಯೂ  ತೊಂದರೆ ನೀಡಬಹುದು. 

2. ಬೆಳಿಗ್ಗೆ ಒಂದು ಲೋಟ ನೀರು ಕುಡಿಯಿರಿ :
ಬೆಳಗ್ಗೆ ಎದ್ದ ನಂತರ ನೀರು ಕುಡಿಯುವುದನ್ನು ರೂಢಿಸಿಕೊಳ್ಳಿ, ಇದರಿಂದ ದೇಹವು ಹೈಡ್ರೇಟ್ ಆಗುವುದಲ್ಲದೆ, ಕರುಳಿನ ಚಲನವಲನದಲ್ಲಿ ತೊಂದರೆಯಾಗುವುದಿಲ್ಲ ಮತ್ತು ದಿನವಿಡೀ ಹೊಟ್ಟೆಯಲ್ಲಿ ಗ್ಯಾಸ್ ಸಮಸ್ಯೆ ಇರುವುದಿಲ್ಲ. 

3. ಬೆಳಗಿನ ಉಪಾಹಾರದಲ್ಲಿ ಪ್ರೋಟೀನ್ ಸೇವಿಸಿ :
ಬೆಳಿಗ್ಗೆ ಎಣ್ಣೆಯುಕ್ತ ಆಹಾರವನ್ನು ಸೇವಿಸುವ ಬದಲು ಆರೋಗ್ಯಕರ ಆಹಾರವನ್ನು ತೆಗೆದುಕೊಳ್ಳಲು ಪ್ರಯತ್ನಿಸಿ. ಬೆಳಗಿನ ಉಪಾಹಾರದಲ್ಲಿ ಪ್ರೋಟೀನ್ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಿ, ಏಕೆಂದರೆ ಇದು ಶಕ್ತಿಯ ಸಮೃದ್ಧ ಮೂಲವಾಗಿದೆ.  ಆದ್ದರಿಂದ ನೀವು ದಿನವಿಡೀ ಆಯಾಸವನ್ನು ಅನುಭವಿಸುವುದಿಲ್ಲ.

ಇದನ್ನೂ ಓದಿ : ಸ್ನಾನದ ವೇಳೆ ಮಾಡುವ ಈ ತಪ್ಪು ಮೆದುಳಿಗೆ ಹಾನಿಯುಂಟು ಮಾಡಬಹುದು.!

4. ಬೆಳಿಗ್ಗೆ ವಾಕ್ ಮಾಡುವುದು ಅವಶ್ಯಕ :
ಬೆಳಿಗ್ಗೆ ಎದ್ದ ತಕ್ಷಣ ಕಚೇರಿಗೆ ಹೋಗಲು ಆತುರಪಡಬೇಡಿ. ನಿದ್ರೆಯಿಂದ ಎದ್ದ ನಂತರ ನೀವು ಸುಮಾರು 20 ರಿಂದ 30 ನಿಮಿಷಗಳ ಕಾಲ ವಾಕ್ ಮಾಡಬೇಕು. ಅಥವಾ ಜಾಗಿಂಗ್ ಮಾಡಬೇಕು . ಇದರಿಂದ ದೇಹದಲ್ಲಿ ರಕ್ತ ಸಂಚಾರ ಹೆಚ್ಚಿ ಆರೋಗ್ಯ ವೃದ್ದಿಸುತ್ತದೆ. 

5. ಬೆಡ್ ಟೀ ಅಭ್ಯಾಸವನ್ನು ಬಿಟ್ಟು ಬಿಡಿ : 
ಅನೇಕ ಜನರು ಬೆಳಿಗ್ಗೆ ಎದ್ದ ತಕ್ಷಣ ಚಹಾ ಕುಡಿಯುವ ಅಭ್ಯಾಸವನ್ನು ಹೊಂದಿದ್ದಾರೆ, ಇದನ್ನು ಸಾಮಾನ್ಯವಾಗಿ ಬೆಡ್ ಟೀ ಎಂದು ಕರೆಯಲಾಗುತ್ತದೆ. ಖಾಲಿ ಹೊಟ್ಟೆಯಲ್ಲಿ ಚಹಾ ಸೇವನೆಯು ಹೊಟ್ಟೆಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ವಿಶೇಷವಾಗಿ ನೀವು ಮಲಬದ್ಧತೆ ಹೊಂದಿದ್ದರೆ ಈ ಕೆಟ್ಟ ಅಭ್ಯಾಸವನ್ನು ಬಿಟ್ಟುಬಿಡಿ.