Hair Wash Rules: ಈ ದಿನ ಕೂದಲು ತೊಳೆಯುವುದು ಶುಭ, ತಾಯಿ ಲಕ್ಷ್ಮಿಯ ಕೃಪೆ ಸದಾ ನಿಮ್ಮ ಮೇಲಿರುತ್ತದೆ

Hair Washing Rules: ಜ್ಯೋತಿಷ್ಯದಲ್ಲಿ, ಸ್ತ್ರೀಯರ ಕೂದಲು ತೊಳೆಯಲು ಒಂದು ದಿನವನ್ನು ನಿಗದಿಪಡಿಸಲಾಗಿದೆ. ನಂಬಿಕೆಯ ಪ್ರಕಾರ, ಮಹಿಳೆಯರು ಶುಕ್ರವಾರ ತಮ್ಮ ಕೂದಲನ್ನು ತೊಳೆಯಬೇಕು. ಶುಕ್ರವಾರ ತಾಯಿ ಲಕ್ಷ್ಮಿಯ ದಿನ. ಈ ದಿನ ಮಹಿಳೆಯರು ತಮ್ಮ ಕೂದಲನ್ನು ಸ್ವಚ್ಛಗೊಳಿಸಬೇಕು. ಈ ದಿನ ಕೂದಲುಗಳನ್ನು ತೊಳೆದರೆ ತಾಯಿ ಲಕ್ಷ್ಮಿ ಪ್ರಸನ್ನಳಾಗುತ್ತಾಳೆ ಮತ್ತು ತನ್ನ ಕೃಪೆಯನ್ನು ತೋರುತ್ತಾಳೆ. ಇದೇ ವೇಳೆ, ನೀವು ಪುತ್ರನಿಗೆ ತಾಯಿಯಾಗಿದ್ದರೆ ಅಥವಾ ಪುತ್ರನನ್ನು ಹೊಂದಲು ಬಯಸುತ್ತಿದ್ದರೆ, ನೀವು ಶುಕ್ರವಾರ ನಿಮ್ಮ ಕೂದಲನ್ನು ತೊಳೆಯಬೇಕು ಎಂದು ಹೇಳಲಾಗಿದೆ. ಶುಕ್ರವಾರ ಕ್ಷೌರವನ್ನು ಸಹ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ.

ಕೂದಲು ತೊಳೆಯುವ ನಿಯಮಗಳು
ಜ್ಯೋತಿಷ್ಯದ ಪ್ರಕಾರ, ಅವಿವಾಹಿತ ಯವತಿಯರು ಬುಧವಾರ ತಮ್ಮ ಕೂದಲನ್ನು ತೊಳೆಯಬಾರದು. ಕಿರಿಯ ಸಹೋದರರನ್ನು ಹೊಂದಿರುವ ಯುವತಿಯರು ಬುಧವಾರದಂದು ತಮ್ಮ ಕೂದಲನ್ನು ತೊಳೆಯುವುದನ್ನು ತಡೆಯಬೇಕು ಎಂದು ಹೇಳಲಾಗುತ್ತದೆ. ಬುಧವಾರದಂದು ಕೂದಲು ತೊಳೆದವರು ಹಲವು ರೀತಿಯ ಸಂಕಷ್ಟಗಳನ್ನು ಎದುರಿಸಬೇಕಾಗುತ್ತದೆ ಎಂಬುದು ಧಾರ್ಮಿಕ ನಂಬಿಕೆ. ಹೀಗಾಗಿ ಬುಧವಾರದಂದು ಮರೆತೂ ಕೂಡ ಕೂದಲು ತೊಳೆಯಬೇಡಿ.

ಶುಭ ಮುಹೂರ್ತದಲ್ಲಿ ಕೂದಲು ಕತ್ತರಿಸಬೇಡಿ
ಸಾಮಾನ್ಯವಾಗಿ ಮಹಿಳೆಯರು ಯಾವುದೇ ಶುಭ ಅಥವಾ ಹಬ್ಬಕ್ಕೆ ಮುನ್ನ ಕೂದಲ ಚಿಕಿತ್ಸೆ ಮಾಡಿಸಿಕೊಳ್ಳುವುದು ಕಂಡುಬರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ, ಕೂದಲನ್ನು ಕತ್ತರಿಸಿ ತೊಳೆಯಬೇಕು. ಜ್ಯೋತಿಷ್ಯ ಶಾಸ್ತ್ರದಲ್ಲಿ, ಯಾವುದೇ ಶುಭ ಸಮಯ ಮತ್ತು ಮಂಗಳಕರ ಹಬ್ಬಗಳಲ್ಲಿ, ವಿಶೇಷವಾಗಿ ಹುಣ್ಣಿಮೆಯ ದಿನ, ಏಕಾದಶಿ ಮತ್ತು ಅಮವಾಸ್ಯೆಯಂದು ಕೂದಲನ್ನು ತೊಳೆಯಬಾರದು. ಈ ಎಲ್ಲಾ ಕೆಲಸಗಳನ್ನು ಶುಭ ದಿನಾಂಕದ ಮೊದಲು ಸರಿಯಾಗಿ ಮಾಡಿಕೊಳ್ಳಿ.

ಉಪವಾಸದ ಸಮಯದಲ್ಲಿ ಕೂದಲು ತೊಳೆಯಬೇಡಿ
ಜ್ಯೋತಿಷ್ಯ ಶಾಸ್ತ್ರದಲ್ಲಿ ನೀವು ಯಾವುದೇ ದಿನದಂದು ಉಪವಾಸವನ್ನು ಆಚರಿಸಿದರೆ, ನಿಮ್ಮ ಕೂದಲನ್ನು ಮರೆತೂ ಕೂಡ ತೊಳೆಯಬಾರದು ಎಂದು ಹೇಳಲಾಗಿದೆ. ಉಪವಾಸಕ್ಕೆ ಒಂದು ದಿನ ಮೊದಲು ನಿಮ್ಮ ಕೂದಲನ್ನು ತೊಳೆದು ಸ್ವಚ್ಛಗೊಳಿಸಿ. ಮತ್ತೊಂದೆಡೆ, ಕೆಲವು ಕಾರಣಗಳಿಂದ ಉಪವಾಸದ ದಿನದಂದು ಕೂದಲನ್ನು ತೊಳೆಯಬೇಕಾಗಿ ಬಂದರೆ, ಹಸಿ ಹಾಲನ್ನು ಕೂದಲಿಗೆ ಹಚ್ಚಿ ಕೂದಲನ್ನು ತೊಳೆಯಬಹುದು.

ಇದನ್ನೂ ಓದಿ-Hair Growth Tips: ಉಗುರುಗಳನ್ನು ಉಜ್ಜುವುದರಿಂದ ಕೂದಲಿನ ಬೆಳವಣಿಗೆ ನಿಜವಾಗಿಯೂ ಹೆಚ್ಚುತ್ತದೆಯೇ?

ಇದೇ ವೇಳೆ, ಜ್ಯೋತಿಷ್ಯದ ಪ್ರಕಾರ, ಮಹಿಳೆಯರು ಮಾತ್ರವಲ್ಲ, ಪುರುಷರು ಕೂಡ ಗುರುವಾರ ತಮ್ಮ ಕೂದಲನ್ನು ತೊಳೆಯಬಾರದು. ಗುರುವಾರ ಕೂದಲು ತೊಳೆಯುವುದು ವ್ಯಕ್ತಿಯ ಆರ್ಥಿಕ ಸ್ಥಿತಿಯನ್ನು ದುರ್ಬಲಗೊಳಿಸುತ್ತದೆ. ಇದರೊಂದಿಗೆ ಶನಿವಾರವು ಶನಿ ದೇವನಿಗೆ ಪ್ರಿಯವಾಗಿದೆ, ಆದ್ದರಿಂದ ಈ ದಿನ ನಿಮ್ಮ ಕೂದಲಿಗೆ ಎಣ್ಣೆ ಹಾಕಬೇಡಿ ಅಥವಾ ನಿಮ್ಮ ಕೂದಲನ್ನು ಸ್ವಚ್ಛಗೊಳಿಸಬೇಡಿ.

ಇದನ್ನೂ ಓದಿ-ಸಾಡೇ ಸಾತಿ ಶನಿ ಧೈಯಾ ಸಮಯದಲ್ಲಿಯೂ ಈ ರಾಶಿಯವರನ್ನು ಕಾಡುವುದಿಲ್ಲವಂತೆ ಶನಿ ದೇವ..!

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಪುಷ್ಠಿ ಕರಿಸುವುದಿಲ್ಲ)

ಇದನ್ನೂ ನೋಡಿ-