ಎದೆಯೆಂಬ ಹಣತೆಯಲ್ಲಿ ಅಕ್ಷರವೆಂಬ ದೀಪ ಬೆಳಗಿಸಿ ಬಾಳಿಗೆ ಭವ್ಯ ಬೆಳಕು ನೀಡಿದ ಗುರುಗಳಿಗೆ ವಂದನೆ

Teachers Day : ಶಾಲೆಯಲ್ಲಿ ಶಿಕ್ಷಕರು ಬರೀ ಶಿಕ್ಷಕರಲ್ಲ ತಾಯಿ ಹಾಗೂ ತಂದೆಯೂ ಕೂಡ. ಹೌದು ಚಿಕ್ಕ ಮಕ್ಕಳಿಗೆ ಪಠ್ಯದೊಂದಿಗೆ, ಜೀವನದ ಪಾಠ ಹೇಳುತ್ತಾರೆ. ಅವರ ಪ್ರತಿ ಮಾರ್ಗದರ್ಶನದ ಹಿಂದೆ ನಮ್ಮನ್ನು ಮುಂದಿನ ಜೀವನಕ್ಕೆ ಸಿದ್ಧಪಡಿಸುವ ಉದ್ದೇಶವಿರುತ್ತದೆ. 

ಹೌದು ನಮ್ಮ ಜೀವನದಲ್ಲಿ ಶಿಕ್ಷಕರು ಅತೀ ಪ್ರಮುಖ ಪಾತ್ರವನ್ನು ವಹಿಸುತ್ತಾರೆ. ನಾವು ನಮ್ಮ ಜೀವನದುದ್ದಕ್ಕೂ ಅವರನ್ನು ನೆನೆಯುವ ಹಲವಾರು ಸಂದರ್ಭಗಳು ನಮಗೆ ಎದುರಾಗುತ್ತಲೇ ಇರುತ್ತವೆ. ಇನ್ನು ಪ್ರತಿ ವರ್ಷ  ಸೆಪ್ಟೆಂಬರ್ 5 ಬಂದರಂತೂ ಬದುಕಿನಲ್ಲಿ ಬಂದಂತಹ ಎಲ್ಲ ಗುರುಗಳು ನೆನಪಿಗೆ ಬರುತ್ತಾರೆ. 

ಇದನ್ನೂ ಓದಿ-ಮಾದರಿ ಶಿಕ್ಷಕಿ: ಹದಿನಾಲ್ಕು ವರ್ಷಗಳಿಂದ ಸರ್ಕಾರಿ ಶಾಲೆಯಲ್ಲಿ ಸೇವೆ, ಬಿ.ಇಡಿ ನಲ್ಲಿ ಗೋಲ್ಡ್ ಮೆಡಲಿಸ್ಟ್

ಭಾರತದ ರಾಷ್ಟ್ರಪತಿ ಡಾ ಸರ್ವಪಲ್ಲಿ ರಾಧಾಕೃಷ್ಣನ್ ಅವರ ಸ್ಮರಣಾರ್ಥವಾಗಿ 1962ರಿಂದ ಶಿಕ್ಷಕರ ದಿನವನ್ನು ಆಚರಿಸಲಾಯಿತು. ಎಲ್ಲರ ಜೀವನದಲ್ಲಿ ಶೀಕ್ಷಕರು ಎಷ್ಟು ಪ್ರಮುಖ ಪಾತ್ರವವನ್ನು ವಹಿಸುತ್ತಾರೆ ಎನ್ನುವುದನ್ನು ನೆನಪಿಸಲು ಡಾ. ರಾಧಾಕೃಷ್ಣನ್ ಅವರ ಜನ್ಮದಿನವನ್ನು ದೇಶದಾದ್ಯಂತ ಶಿಕ್ಷಕರ ದಿನವನ್ನಾಗಿ ಆಚರಿಸಲಾಗುತ್ತದೆ.

ಗುರುವಿಲ್ಲದೇ ಜ್ಞಾನದ ಹಾದಿ ಕಷ್ಟ..ಜಗತ್ತಿನಲ್ಲಿ ಗುರು ಎಂದರೇ ದೇವರ ಇನ್ನೊಂದು ರೂಪ. “ ಗುರುರ್ ಬ್ರಹ್ಮ ಗುರುರ್ ವಿಷ್ಣು ಗುರುರ್ ದೇವೋ ಮಹೇಶ್ವರಃ ಗುರುರ್ ಸಾಕ್ಷಾತ್ ಪರಬ್ರಹ್ಮ: ತಸ್ಮೈ ಶ್ರೀ ಗುರವೇ ನಮಃ” ಎಂದು ಪ್ರತಿಯೊಬ್ಬ ಗುರುವಿಗೂ ನಮಸ್ಕರಿಸುತ್ತಿದ್ದೇವೆ. ಎಲ್ಲ ಗುರುಗಳಿಗೂ ಶಿಕ್ಷಕರ ದಿನಾಚರಣೆಯ ಶೂಭಾಶಯಗಳು. ನಿಮ್ಮ ಪ್ರತಿಯೊಂದು ಮಾರ್ಗದರ್ಶನಗಳು ಇಂದು ನಮ್ಮ ಜೀವನವನ್ನು ಬೆಳಗುತ್ತಿವೆ. ಅದಕ್ಕೆ ನಾವು ಚಿರಋಣಿ.