Onion Curry: ಮನೆಯಲ್ಲಿ ತರಕಾರಿ ಇಲ್ವಾ? ಈರುಳ್ಳಿಯಿದ್ದರೆ ಸಾಕು, ಹತ್ತೇ ನಿಮಿಷದಲ್ಲಿ ಮಾಡಿ ಈ ರುಚಿಯಾದ ಪಲ್ಯ

Onion Curry Recipe : ಆಹಾರದ ರುಚಿಯನ್ನು ಹೆಚ್ಚಿಸುವ ಈರುಳ್ಳಿಯಿಂದ ಮಾಡುವ ಪಲ್ಯವನ್ನು ಒಮ್ಮೆ ತಿಂದವರು ಅದರ ರುಚಿಗೆ ಮರುಳಾಗದೆ ಇರಲಾರರು. ಹಲವು ಬಾರಿ ಮಳೆಗಾಲದಲ್ಲಿ ಮನೆಯಲ್ಲಿ ತರಕಾರಿ ಕೊರತೆ ಎದುರಾಗುತ್ತದೆ. ಈ ಪರಿಸ್ಥಿತಿಯಲ್ಲಿ ಮಸಾಲೆಯುಕ್ತ ಈರುಳ್ಳಿ ಪಲ್ಯ ಮಾಡಬಹುದು. ಕೆಲವೇ ನಿಮಿಷಗಳಲ್ಲಿ ತಯಾರಾಗುವ ಈರುಳ್ಳಿ ಪಲ್ಯ ಆಹಾರದ ರುಚಿಯನ್ನು ಸಂಪೂರ್ಣವಾಗಿ ಬದಲಾಯಿಸುತ್ತದೆ ಮತ್ತು ಅದನ್ನು ತಿಂದ ನಂತರ ಎಲ್ಲರೂ ಅದರ ರುಚಿಯನ್ನು ಹೊಗಳುವುದನ್ನು ಕಾಣಬಹುದು. ಮನೆಯಲ್ಲಿ ತರಕಾರಿ ಇಲ್ಲದಿರುವಾಗ ನೀವೂ ಈರುಳ್ಳಿ ಪಲ್ಯವನ್ನು ದಿಢೀರನೆ ತಯಾರಿಸಬಹುದು. ಈರುಳ್ಳಿ ಪಲ್ಯ ರುಚಿಯಾಗಿ ಇರುವುದಲ್ಲದೇ, ಅದನ್ನು ಮಾಡುವುದು ಸಹ ತುಂಬಾ ಸುಲಭ. ಈರುಳ್ಳಿ ಪಲ್ಯವನ್ನು ಮಾಡುವ ವಿಧಾನವನ್ನು ಇಲ್ಲಿ ತಿಳಿಯೋಣ. 

ಇದನ್ನೂ ಓದಿ: ಉಳಿದ ಇಡ್ಲಿಯಿಂದ ತಯಾರಿಸಿ ಟೇಸ್ಟಿ ಉಪಹಾರ, 10 ನಿಮಿಷಗಳಲ್ಲಿ ರೆಡಿಯಾಗುತ್ತೆ

ಈರುಳ್ಳಿ ಪಲ್ಯ ಮಾಡಲು ಬೇಕಾಗುವ ಸಾಮಾಗ್ರಿಗಳು

ಈರುಳ್ಳಿ (ಸಣ್ಣ ಗಾತ್ರ) - 5-6
ಟೊಮೆಟೊ - 4-5
ಹಸಿರು ಮೆಣಸಿನಕಾಯಿ - 4-5
ಬೆಳ್ಳುಳ್ಳಿ ಎಸಳು - 3-4
ಶುಂಠಿ - 1 ಟೀಸ್ಪೂನ್
ಜೀರಿಗೆ ಪುಡಿ - 1/2 ಟೀಸ್ಪೂನ್
ಕೊತ್ತಂಬರಿ ಪುಡಿ - 1 ಟೀಸ್ಪೂನ್
ಕೆಂಪು ಮೆಣಸಿನ ಪುಡಿ - 1/2 ಟೀಸ್ಪೂನ್
ಅರಿಶಿನ - 1/4 ಟೀಸ್ಪೂನ್
ಕೊತ್ತಂಬರಿ ಸೊಪ್ಪು - 2 ಟೀಸ್ಪೂನ್
ಇಂಗು - 1 ಪಿಂಚ್
ಕಸೂರಿ ಮೇಥಿ - 1/2 ಟೀಸ್ಪೂನ್
ಗರಂ ಮಸಾಲಾ - 1/2 ಟೀಸ್ಪೂನ್
ಪಾವ್ ಭಾಜಿ ಮಸಾಲಾ - 1 ಟೀಸ್ಪೂನ್
ಸಾಸಿವೆ - 1/2 ಟೀಸ್ಪೂನ್
ಎಣ್ಣೆ - 2-3 ಟೀಸ್ಪೂನ್
ಉಪ್ಪು - ರುಚಿಗೆ ತಕ್ಕಂತೆ

ಈರುಳ್ಳಿ ಪಲ್ಯ ಮಾಡುವ ವಿಧಾನ

ಟೇಸ್ಟಿ ಈರುಳ್ಳಿ ಕರಿ ಮಾಡಲು, ಮೊದಲು ಈರುಳ್ಳಿಯ ಸಿಪ್ಪೆ ತೆಗೆದುಹಾಕಿ ಮತ್ತು ಮೇಲಿನ ಭಾಗದಲ್ಲಿ ಮೂರರಿಂದ ನಾಲ್ಕು ಕಡೆ ಈರುಳ್ಳಿಯನ್ನು ಅರ್ಧದಷ್ಟು ಕತ್ತರಿಸಿ. ಈಗ ಬಾಣಲೆಗೆ ಎಣ್ಣೆ ಹಾಕಿ ಮಧ್ಯಮ ಉರಿಯಲ್ಲಿ ಬಿಸಿ ಮಾಡಿ. ಎಣ್ಣೆ ಬಿಸಿಯಾದಾಗ, ಅದರಲ್ಲಿ ಸಾಸಿವೆ ಹಾಕಿ, ಸಿಡಿದ ನಂತರ. ಈರುಳ್ಳಿ ಸೇರಿಸಿ ಮತ್ತು ಸುಮಾರು 5 ನಿಮಿಷ ಬೇಯಲು ಬಿಡಿ. ಈ ಸಮಯದಲ್ಲಿ ಪ್ಯಾನ್ ಅನ್ನು ಮುಚ್ಚಿ. ಆಗಾಗ ಕೈಯಾಡಿಸುತ್ತಿರಿ. 

ಟೊಮೆಟೊವನ್ನು ತುಂಡುಗಳಾಗಿ ಕತ್ತರಿಸಿ ಮಿಕ್ಸಿ ಮಾಡಿ, ಅದರ ಪೇಸ್ಟ್‌ ತಯಾರಿಸಿ. ನಂತರ ಇದಕ್ಕೆ ಹಸಿಮೆಣಸಿನಕಾಯಿ, ಬೆಳ್ಳುಳ್ಳಿ ಮತ್ತು ಶುಂಠಿಯ ತುಂಡುಗಳನ್ನು ಸೇರಿಸಿ ಪ್ಯೂರಿಯನ್ನು ತಯಾರಿಸಿ. ಒಂದು ಪಾತ್ರೆಯಲ್ಲಿ ಟೊಮೆಟೊ ಪ್ಯೂರಿಯನ್ನು ತೆಗೆದುಕೊಂಡು ಅದನ್ನು ಪಕ್ಕಕ್ಕೆ ಇರಿಸಿ. ಈರುಳ್ಳಿ ತಿಳಿ ಗೋಲ್ಡನ್ ಬಣ್ಣಕ್ಕೆ ತಿರುಗಿ ಗರಿಗರಿಯಾಗಿ ಕಾಣಲು ಪ್ರಾರಂಭಿಸಿದಾಗ, ಅದಕ್ಕೆ ಸಿದ್ಧಪಡಿಸಿದ ಟೊಮೆಟೊ ಪ್ಯೂರಿಯನ್ನು ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ.

ಇದಕ್ಕೆ ರುಚಿಗೆ ತಕ್ಕಂತೆ ಕೊತ್ತಂಬರಿ ಪುಡಿ, ಕೆಂಪು ಮೆಣಸಿನ ಪುಡಿ, ಗರಂ ಮಸಾಲಾ, ಪಾವ್ ಭಾಜಿ ಮಸಾಲಾ, ಕಸೂರಿ ಮೆಥಿ ಮತ್ತು ಉಪ್ಪನ್ನು ಹಾಕಿ, ಚೆನ್ನಾಗಿ ಮಿಶ್ರಣ ಮಾಡಿ. ನಂತರ 3-4 ಹಸಿರು ಮೆಣಸಿನಕಾಯಿಯನ್ನು ಹಾಕಿ, ಮುಚ್ಚಳ ಮುಚ್ಚಿ ಮತ್ತು 5-7 ನಿಮಿಷ ಬೇಯಿಸಿ. ಈರುಳ್ಳಿ ಸಂಪೂರ್ಣವಾಗಿ ಮೃದುವಾದಾಗ ಗ್ಯಾಸ್‌ ಆಫ್ ಮಾಡಿ, ಇದಕ್ಕೆ ಕೊತ್ತಂಬರಿ ಸೊಪ್ಪನ್ನು ಹಾಕಿ ಕೈಯಾಡಿಸಿ. ಈಗ ರುಚಿಯಾದ ಈರುಳ್ಳಿ ಪಲ್ಯ ಸವಿಯಲು ಸಿದ್ಧ. 

ಇದನ್ನೂ ಓದಿ: Chinese Fried Rice : ಉಳಿದ ಅನ್ನದಿಂದ ಚೈನೀಸ್‌ ಫ್ರೈಡ್ ರೈಸ್ ಮಾಡುವ ವಿಧಾನ