ಮನೆಯ ಈ ದಿಕ್ಕಿನಲ್ಲಿ ಕನ್ನಡಿ ಹಾಕಿದರೆ ಬೆಳಗುವುದು ಮನೆ ಮಂದಿಯ ಭಾಗ್ಯ ! ಪ್ರತಿ ಕೆಲಸದಲ್ಲಿಯೂ ಸಿಗುವುದು ಯಶಸ್ಸು

Mirror vastu : ವಾಸ್ತು ಶಾಸ್ತ್ರದಲ್ಲಿ ಯಾವ ವಸ್ತುವನ್ನು ಯಾವ ದಿಕ್ಕಿನಲ್ಲಿ ಇಡಬೇಕು ಎನ್ನುವುದನ್ನು ವಿವರವಾಗಿ ಹೇಳಲಾಗಿದೆ. ವಾಸ್ತು ಪ್ರಕಾರ ಮನೆಯಲ್ಲಿ ವಸ್ತುಗಳನ್ನು ಇರಿಸಿದರೆ ಮನೆಯ ವಾಸ್ತು ದೋಷಗಳು ನಿವಾರಣೆಯಾಗುತ್ತವೆ ಎಂದು ಹೇಳಲಾಗುತ್ತದೆ. ವಾಸ್ತುವಿನಲ್ಲಿ ಮನೆಯ ಯಾವ ದಿಕ್ಕಿನಲ್ಲಿ ಕನ್ನಡಿ ಹಾಕಬೇಕು ಎನ್ನುವುದನ್ನು ಕೂಡಾ ಹೇಳಲಾಗಿದೆ. ಕನ್ನಡಿಯನ್ನು  ಸರಿಯಾದ ಸ್ಥಳದಲ್ಲಿ ಇರಿಸದಿದ್ದರೆ ಮನೆಯಲ್ಲಿ  ನಕಾರಾತ್ಮಕತೆ ತರಬಹುದು.ವಾಸ್ತು ಶಾಸ್ತ್ರದಲ್ಲಿ ಕನ್ನಡಿಗೆ ಸಂಬಂಧಿಸಿದ ಹಲವು ನಿಯಮಗಳಿದ್ದು, ಈ ನಿಯಮಗಳನ್ನು ಅನುಸರಿಸಿದರೆ ವ್ಯಕ್ತಿಯ ಅದೃಷ್ಟ ಬೆಳಗುತ್ತದೆ ಎಂದು ಹೇಳಲಾಗುತ್ತದೆ. 

ಮನೆಯಲ್ಲಿ ಕನ್ನಡಿ ಅಳವಡಿಸುವಾಗ ಈ ವಿಷಯಗಳ ಬಗ್ಗೆ ವಿಶೇಷ ಕಾಳಜಿ ವಹಿಸಿ  :
ಮನೆಯಲ್ಲಿ ಕನ್ನಡಿಗಳನ್ನು ಹಾಕುವಾಗ ಎರಡು ಕನ್ನಡಿಗಳನ್ನು ಪರಸ್ಪರ ಮುಖಾಮುಖಿಯಾಗಿ ಇಡಬಾರದು. ಎರಡು ಕನ್ನಡಿಯನ್ನು ಎದುರು ಬದುರಾಗಿ ಹಾಕಿದರೆ ಮನೆಯ ಶಾಂತಿ ಕದಡುತ್ತದೆ ಎಂದು ಹೇಳಲಾಗುತ್ತದೆ. 

ಇದನ್ನೂ ಓದಿ : India's Richest Temple: ಭಾರತದ ಶ್ರೀಮಂತ ದೇವಾಲಯಗಳು ಯಾವುವು ಎಂದು ನಿಮಗೆ ತಿಳಿದಿದೆಯೇ?

ವಾಸ್ತು ಶಾಸ್ತ್ರದ ಪ್ರಕಾರ ಮಲಗುವ ಕೋಣೆಯಲ್ಲಿಯೂ ಕನ್ನಡಿ ಅಳವಡಿಸಬಾರದು. ಅದರಲ್ಲಿಯೂ ಹಾಸಿಗೆ ಕನ್ನಡಿಗೆ ಕಾಣುವಂತೆ ಇರಲೇ ಬಾರದು.ಯಾವ ಮನೆಯಲ್ಲಿ ಪತಿ ಪತ್ನಿ ಮಲಗುವ ಹಾಸಿಗೆ ಕನ್ನಡಿಯಲ್ಲಿ ಕಾಣಿಸುತ್ತದೆಯೋ ಅಲ್ಲಿ ಪತಿ-ಪತ್ನಿ ನಡುವೆ ಜಗಳ  ಆರಂಭವಾಗುತ್ತದೆ. ಒಂದು ವೇಳೆ ಜಾಗದ ಕೊರತೆಯಿಂದ ಅಲ್ಲಿಂದ ಕನ್ನಡಿ ತೆಗೆಯಲು ಸಾಧ್ಯವಾಗದಿದ್ದರೆ ಮಲಗುವಾಗ ಕನ್ನಡಿಯನ್ನು ಬಟ್ಟೆಯಿಂದ ಮುಚ್ಚಿ.

ಇದಲ್ಲದೆ,ಮನೆಯಲ್ಲಿ ಎಂದಿಗೂ ಒಡೆದ ಕನ್ನಡಿ ಇರಬಾರದು ಎನ್ನುವುದನ್ನು ಕೂಡಾ ನೆನಪಿನಲ್ಲಿಡಿ. ಒಡೆದ ಕನ್ನಡಿಯನ್ನು ಮನೆಯಲ್ಲಿ ಇಡುವುದು ಅಶುಭವೆಂದು ಹೇಳಲಾಗಿದೆ.  ಬೆಳಗ್ಗೆ ಎದ್ದ ತಕ್ಷಣ ಒಡೆದ ಕನ್ನಡಿ ನೋಡಿದರೆ ದಿನವಿಡೀ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. 

ವಾಸ್ತು ಶಾಸ್ತ್ರದ ಪ್ರಕಾರ ಮನೆಯ ಅಡುಗೆ ಮನೆಯಲ್ಲಿ ಕನ್ನಡಿ ಇಡಬಾರದು.ಇದರಿಂದ ಕುಟುಂಬದ ಸದಸ್ಯರ ಆರೋಗ್ಯ ಹದಗೆಡುತ್ತಿದೆ.

ಇದನ್ನೂ ಓದಿ : Spring Onions: ಈರುಳ್ಳಿ ಕಾಂಡದಿಂದ ಹಲವಾರು ಪ್ರಯೋಜನಗಳಿವೆ.. ತಿಳಿದರೆ ಬೆಚ್ಚಿ ಬೀಳುತ್ತೀರಾ..!

ಮನೆಯ ಈ ಸ್ಥಳದಲ್ಲಿ ಕನ್ನಡಿ ಇರಿಸಿ : 
ಮನೆ ಅಥವಾ ಕಚೇರಿಯ ಪೂರ್ವ ದಿಕ್ಕಿನಲ್ಲಿರುವ ಮುಖ್ಯ ದ್ವಾರದ ಮೇಲೆ ಕನ್ನಡಿಯನ್ನು ಇಡುವುದು ಶುಭ. ಈ ಸ್ಥಳದಲ್ಲಿ ಕನ್ನಡಿ ಇರಿಸಿದರೆ ಅದು ಉದಯಿಸುತ್ತಿರುವ ಸೂರ್ಯನನ್ನು ಪ್ರತಿನಿಧಿಸುತ್ತದೆ.ಈಶಾನ್ಯ ಗೋಡೆಯ ಮೇಲೆ ಅಳವಡಿಸಲಾಗಿರುವ ಕನ್ನಡಿ ಪ್ರಗತಿಯನ್ನು ಹೊತ್ತು ತರುತ್ತದೆ ಎಂದು ಹೇಳಲಾಗುತ್ತದೆ.