Remedies to get rid of black lips : ಕಪ್ಪಾದ ತುಟಿಗಳಿಗೆ ಮತ್ತೆ ಗುಲಾಬಿ ಬಣ್ಣ ನೀಡುತ್ತದೆ ನಿಂಬೆ ಮತ್ತು ಈ ವಸ್ತುವಿನ ಮಿಶ್ರಣ

Best remedies to get rid of black lips : ಚಳಿಗಾಲದಲ್ಲಿ ಒಂದು ರೀತಿಯಲ್ಲಿ ತ್ವಚೆಯ ಸಮಸ್ಯೆ ಕಾಡಿದರೆ ಬೇಸಿಗೆಯಲ್ಲಿ ಮತ್ತೊಂದು ರೀತಿಯಲ್ಲಿ ಚಿಂತೆ ಕಾಡತೊಡಗುತ್ತದೆ. ಬಿಸಿಲು ಜಾಸ್ತಿಯಾಗುತ್ತಿದ್ದಂತೆಯೇ ಅದರ ಪರಿಣಾಮ ನೇರವಾಗಿ ತುಟಿಗಳ ಮೇಲೆ ಕಾಣಿಸಿಕೊಳ್ಳುತ್ತದೆ. ಬೇಸಿಗೆಯಲ್ಲಿ ನಮ್ಮ ತುಟಿಗಳು ಕಪ್ಪು ಬಣ್ಣಕ್ಕೆ ತಿರುಗಲು ಶುರುವಾಗುತ್ತದೆ. ಅತಿಯಾದ ಸೂರ್ಯನ ಬೆಳಕಿನಿಂದ ನಮ್ಮ ತುಟಿಗಳು ಕಂದುಬಣ್ಣಕ್ಕೆ ತಿರುಗುತ್ತದೆ. ಅದು ತುಟಿಗಳ ಸೌಂದರ್ಯದ ಮೇಲೆ ಪರಿಣಾಮ ಬೀರುತ್ತದೆ. ನಮ್ಮ ತುಟಿಗಳ ಚರ್ಮವು ನಮ್ಮ ಸಾಮಾನ್ಯ ಚರ್ಮಕ್ಕಿಂತ ಹೆಚ್ಚು ಸೂಕ್ಷ್ಮವಾಗಿರುತ್ತದೆ. ತುಟಿಗಳನ್ನು ಸರಿಯಾಗಿ ಆರೈಕೆ ಮಾಡಿಕೊಳ್ಳದಿದ್ದರೆ, ಅದರ ಬಣ್ಣ ಕಪ್ಪಾಗಲು ಪ್ರಾರಂಭಿಸುತ್ತದೆ. ಆದರೆ, ಕೆಲವು ಮನೆಮದ್ದುಗಳ  ಸಹಾಯದಿಂದ ತುಟಿಗಳ ಕಪ್ಪು ಬಣ್ಣವನ್ನು  ಮತ್ತೆ ಗುಲಾಬಿ ಬಣ್ಣಕ್ಕೆ ತಿರುಗಿಸಬಹುದು. 

ತುಟಿಗಳ ಕಪ್ಪು ಬಣ್ಣವನ್ನು ಶಾಶ್ವತವಾಗಿ ದೂರ ಮಾಡುವ ನೈಸರ್ಗಿಕ ಉಪಾಯ : 
ಬೇಸಿಗೆ ಆರಂಭವಾಗುತ್ತಿದ್ದಂತೆ ಬಿಸಿಲ ಬೇಗೆಯಿಂದ ತ್ವಚೆಯನ್ನು ಕಾಪಾಡಿಕೊಳ್ಳಲು ದುಬಾರಿ skin care productಗಳನ್ನೇ ಬಳಸಬೇಕು ಎನ್ನುವುದು ಅನಿವಾರ್ಯವಲ್ಲ. ತುಟಿಗಳ ಕಪ್ಪು ಬಣ್ವನ್ನು ಹೋಗಲಾಡಿಸಲು ನಿಂಬೆ ರಸ ಇದ್ದರೆ ಸಾಕು. ನಿಂಬೆಯಲ್ಲಿರುವ ನೈಸರ್ಗಿಕ ಬ್ಲೀಚಿಂಗ್ ಪರಿಣಾಮವು ನಿಮ್ಮ ತುಟಿಗಳ ಸೌಂದರ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ : Blood sugar Control tips : ಈ ಎಲೆಯನ್ನು ರಾತ್ರಿ ಹೊತ್ತು ಜಗಿದು ತಿಂದರೆ ಬ್ಲಡ್ ಶುಗರ್ ಕಡಿಮೆ ಮಾಡಲು ಔಷಧಿಯೇ ಬೇಕಿಲ್ಲ!

ತುಟಿಗಳ ಸೌಂದರ್ಯವನ್ನು ಕಾಪಾಡಿಕೊಳ್ಳುವ ಈ ವಿಧಾನವು ತುಂಬಾ ಸುಲಭ.   ಇದಕ್ಕಾಗಿ ನೀವು ಹೆಚ್ಚು ಶ್ರಮಪಡುವ ಅಗತ್ಯವಿಲ್ಲ. ಶುದ್ಧವಾದ ಬಟ್ಟಲಿನಲ್ಲಿ ಒಂದು ಚಮಚ ತಾಜಾ ನಿಂಬೆ ರಸವನ್ನು ತೆಗೆದುಕೊಂದು ಅದಕ್ಕೆ ಪುಡಿಮಾಡಿದ ಸಕ್ಕರೆ ಸೇರಿಸಿ. ಇದನ್ನು ಚೆನ್ನಾಗಿ ಮಿಶ್ರಣ ಮಾಡಿದ  ನಂತರ ಕನಿಷ್ಠ 15 ನಿಮಿಷಗಳ ಕಾಲ ಇರಿಸಿ. ನಂತರ ಇದಕ್ಕೆ ಅರ್ಧ ಚಮಚ ಜೇನುತುಪ್ಪವನ್ನು ಸೇರಿಸಿದರೆ,  ತುಟಿಗಳ ಮೇಲೆ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ.

ಸರಿಯಾದ ಬಳಕೆಯ ವಿಧಾನ :
ತುಟಿಗಳ ಕಪ್ಪನ್ನು ಹೋಗಲಾಡಿಸಲು ಈ ವಿಧಾನವನ್ನು ಅನುಸರಿಸುವುದು ತುಂಬಾ ಸುಲಭ. ಮೊದಲು ನಿಮ್ಮ ತುಟಿಗಳನ್ನು ಶುದ್ಧ ನೀರಿನಿಂದ ತೊಳೆಯಿರಿ ಮತ್ತು ಹತ್ತಿ ಬಟ್ಟೆಯಿಂದ ಒಣಗಿಸಿ. ನಂತರ, ತಯಾರಿಸಿಟ್ಟ ಮಿಶ್ರಣವನ್ನು ಹತ್ತಿಯ ಸಹಾಯದಿಂದ ತುಟಿಗಳ ಮೇಲೆ ಹಚ್ಚಿ. ಹೀಗೆ ಹಚ್ಚಿದ ಮಿಶ್ರಣವನ್ನು ಕನಿಷ್ಠ 20 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ಹೀಗೆ ಮಾಡಿದರೆ ತುಟಿಗಳ ಕಪ್ಪು ಬಣ್ಣ ಮಾಯವಾಗಿ ಬಿಡುತ್ತದೆ. 

ಇದನ್ನೂ ಓದಿ : Cinnamon Tea Benefits: ತೂಕ ಇಳಿಕೆ ಅಷ್ಟೇ ಅಲ್ಲ, ಹಲವು ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತೇ ಈ ಚಹಾ!