ಜಾತಕದಲ್ಲಿ ಈ ಯೋಗವಿದ್ದರೆ ಭಿಕ್ಷುಕ ಕೂಡಾ ರಾಜನಾಗಬಲ್ಲ, ನಿಮ್ಮ ಕುಂಡಲಿ ಭಾಗ್ಯ ಹೇಗಿದೆ?

ನವದೆಹಲಿ : ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ (Astrology) ಜಾತಕದ ಶುಭ ಯೋಗ, ದೋಷ ಮತ್ತು ಗೃಹಗತಿಗಳಿಗೆ ವಿಶೇಷ ಮಹತ್ವವಿದೆ. ಜಾತಕದಲ್ಲಿ ಯಾವುದೇ ಯೋಗವು ಗ್ರಹಗಳು ಮತ್ತು ಗೃಹಗಳ  ಒಕ್ಕೂಟದಿಂದ ರೂಪುಗೊಳ್ಳುತ್ತದೆ. ಜಾತಕದಲ್ಲಿ ಗ್ರಹಗಳ ಶುಭ ಸ್ಥಾನವು ಶುಭ ಯೋಗವನ್ನು ಉಂಟುಮಾಡುತ್ತದೆ. ಆದರೆ ಅಶುಭ ಗ್ರಹಗಳಿಂದ ಜಾತಕದಲ್ಲಿ ಅಶುಭ ಯೋಗವು ರೂಪುಗೊಳ್ಳುತ್ತದೆ. ಜ್ಯೋತಿಷ್ಯದಲ್ಲಿ (Astrology) ಅನೇಕ ಯೋಗಗಳನ್ನು ಹೇಳಲಾಗಿದೆ. ಅವುಗಳಲ್ಲಿ ಕೆಲವನ್ನು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ. ಅವುಗಳಲ್ಲಿ ಒಂದು ಅಖಂಡ ಸಾಮ್ರಾಜ್ಯ ಯೋಗ (akhanda samrajya yoga). 

ಏನಿದು ಅಖಂಡ ಸಾಮ್ರಾಜ್ಯ ಯೋಗ? 
ಅಖಂಡ ಸಾಮ್ರಾಜ್ಯ ಯೋಗವು (akhanda samrajya yoga) ತುಂಬಾ ಮಂಗಳಕರವಾಗಿದೆ. ಈ ಯೋಗದಿಂದ ವ್ಯಕ್ತಿಯು ಸಂಪತ್ತು ಮತ್ತು ಸಂತೋಷವನ್ನು ಪಡೆಯುತ್ತಾನೆ. ಜಾತಕದಲ್ಲಿ ಈ ಯೋಗ ಇರುವ ವ್ಯಕ್ತಿಗೆ ಅದೃಷ್ಟದ ಸಂಪೂರ್ಣ ಬೆಂಬಲ ಸಿಗುತ್ತದೆ. ಬಡ ಕುಟುಂಬದಲ್ಲಿ ಜನಿಸಿದರೂ, ಅಂತಹವರು ತಾಯಿ ಲಕ್ಷ್ಮಿಯ (Godess Lakshmi) ಕೃಪೆಯಿಂದ ಹಗಲಿರುಳು ಪ್ರಗತಿ ಸಾಧಿಸುತ್ತಾರೆ. ಇದಲ್ಲದೆ, ಅಂತಹ ಜನರು ಜೀವನದ ಪ್ರತಿಯೊಂದು ಸಂತೋಷವನ್ನು ಅನುಭವಿಸುತ್ತಾರೆ. ಅಷ್ಟೇ ಅಲ್ಲ, ಅಖಂಡ ಸಾಮ್ರಾಜ್ಯದ ಯೋಗವಿರುವ ಜನರು ಯಶಸ್ವಿ ರಾಜಕಾರಣಿಯೂ ಆಗುತ್ತಾರೆ. ಈ ಯೋಗದ ಪ್ರಭಾವವು 75 ವರ್ಷಗಳವರೆಗೆ ಇರುತ್ತದೆ. 

ಇದನ್ನೂ ಓದಿ : ಈ 4 ಅಭ್ಯಾಸಗಳಿಂದಾಗಿ ಸಂಗಾತಿಯನ್ನು ದ್ವೇಷಿಸಲು ಪ್ರಾರಂಭಿಸುತ್ತಾರೆ ಮಹಿಳೆಯರು!

 ಹೇಗೆ ರೂಪುಗೊಳ್ಳುತ್ತದೆ ಅಖಂಡ ಸಾಮ್ರಾಜ್ಯ ಯೋಗ ? :
ಜ್ಯೋತಿಷ್ಯ ಶಾಸ್ತ್ರದ (Astrology) ಪ್ರಕಾರ, ಅಖಂಡ ಸಾಮ್ರಾಜ್ಯದ ಯೋಗವು ವೃಷಭ, ಸಿಂಹ, ವೃಶ್ಚಿಕ ಮತ್ತು ಕುಂಭ ಲಗ್ನದ ಜಾತಕದಲ್ಲಿ ರೂಪುಗೊಳ್ಳುತ್ತದೆ. ಜಾತಕದಲ್ಲಿ ಗುರುವು ಎರಡನೇ, ಐದನೇ ಅಥವಾ ಹನ್ನೊಂದನೇ ಮನೆಯ ಅಧಿಪತಿಯಾದಾಗ ಈ ಯೋಗವು ರೂಪುಗೊಳ್ಳುತ್ತದೆ. ಇದಲ್ಲದೇ ಜಾತಕದ 2, 9 ಮತ್ತು 11ನೇ ಮನೆಯಲ್ಲಿ ಗುರುವಿನೊಡನೆ ಚಂದ್ರನು ಬಲಿಷ್ಠ ಸ್ಥಾನದಲ್ಲಿದ್ದರೆ ಅಖಂಡ ಸಾಮ್ರಾಜ್ಯ ಯೋಗ ಉಂಟಾಗುತ್ತದೆ. ಇನ್ನು ಜಾತಕದ ಎರಡು, 10 ಮತ್ತು 11 ನೇ ಮನೆಯ ಅಧಿಪತಿ ಗ್ರಹಗಳು ಕೇಂದ್ರದಲ್ಲಿ ಒಟ್ಟಾಗಿದ್ದಾಗ ಮಾತ್ರ ಈ ಅಪರೂಪದ ಯೋಗವು ರೂಪುಗೊಳ್ಳುತ್ತದೆ. 

ಅಖಂಡ ಸಾಮ್ರಾಜ್ಯದ ಯೋಗದ ಪ್ರಯೋಜನಗಳು :
ಯಾರ ಜಾತಕದಲ್ಲಿ ಅಖಂಡ ಸಾಮ್ರಾಜ್ಯದ ಯೋಗವು (akhanda samrajya yoga) ರೂಪುಗೊಳ್ಳುತ್ತದೆಯೋ, ಅವನು ತನ್ನ ಜೀವನದುದ್ದಕ್ಕೂ ಸಂಪತ್ತಿನ ಕೊರತೆಯನ್ನು ಎದುರಿಸುವುದೇ ಇಲ್ಲ. ಅಂತಹವರಿಗೆ ತಂದೆಯ ಆಸ್ತಿಯ ಮೇಲೆ ಸಂಪೂರ್ಣ ಹಕ್ಕೂ ಸಿಗುತ್ತದೆ. ಇದಲ್ಲದೆ, ಈ ಯೋಗದ ಪ್ರಭಾವದಿಂದಾಗಿ, ಒಬ್ಬ ವ್ಯಕ್ತಿಯು ವೃತ್ತಿ ಮತ್ತು ವ್ಯವಹಾರದಲ್ಲಿ ಅದ್ಭುತ ಯಶಸ್ಸನ್ನು ಸಾಧಿಸುತ್ತಾನೆ. ಅಷ್ಟೇ ಅಲ್ಲ, ಈ ಯೋಗದ ಪ್ರಭಾವದಿಂದ ವ್ಯಕ್ತಿಯು ಜೀವನದಲ್ಲಿ ಎಲ್ಲಾ ರೀತಿಯ ಸೌಕರ್ಯಗಳನ್ನು ಅನುಭವಿಸುತ್ತಾನೆ. 

ಇದನ್ನೂ ಓದಿ : ಸದಾ ಸಿರಿವಂತರಾಗಿಯೇ ಇರುತ್ತಾರೆ ಈ ದಿನಾಂಕದಂದು ಜನಿಸಿದವರು..!

(Disclaimer:  ಸಾಮಾನ್ಯ ಜ್ಞಾನ ಮತ್ತು ನಂಬಿಕೆಯ ಆಧಾರದ ಮೇಲೆ ಈ ಮೇಲಿನ ಮಾಹಿತಿ ನೀಡಲಾಗಿದೆ. ZEE KANNADA NEWS ಇದನ್ನು ಪುಷ್ಟಿಕರಿಸುವುದಿಲ್ಲ )