Numerology: ಈ ದಿನ ಜನಿಸಿದವರು ನಾಯಕತ್ವ ಗುಣ ಹೊಂದಿರುತ್ತಾರೆ!

ನವದೆಹಲಿ: ವೈದಿಕ ಜ್ಯೋತಿಷ್ಯದಂತೆ ಸಂಖ್ಯಾಶಾಸ್ತ್ರವು ತನ್ನದೇಯಾದ ಪ್ರಾಮುಖ್ಯತೆಯನ್ನು ಹೊಂದಿದೆ. ಸಂಖ್ಯಾಶಾಸ್ತ್ರದಲ್ಲಿ ವ್ಯಕ್ತಿಯ ಜನ್ಮ ದಿನಾಂಕದ ಆಧಾರದ ಮೇಲೆ ರಾಡಿಕ್ಸ್ ಅನ್ನು ತೆಗೆದುಕೊಂಡು ಅವನ ಭವಿಷ್ಯದ ಬಗ್ಗೆ ಲೆಕ್ಕಾಚಾರ ಮಾಡಲಾಗುತ್ತದೆ. ಸಂಖ್ಯಾಶಾಸ್ತ್ರದಲ್ಲಿ 1ರಿಂದ 9ರವರೆಗಿನ ರಾಡಿಕ್ಸ್ ಸಂಖ್ಯೆಗಳಿವೆ. ಹುಟ್ಟಿದ ದಿನಾಂಕವನ್ನು ಅವಲಂಬಿಸಿ ಪ್ರತಿಯೊಬ್ಬರೂ ವಿಭಿನ್ನ ರಾಡಿಕ್ಸ್ ಹೊಂದಬಹುದು. ಇಂದು ರಾಡಿಕ್ಸ್ ಸಂಖ್ಯೆ 1ರ ಜನರ ಬಗ್ಗೆ ಮಾತನಾಡುತ್ತೇವೆ. ಯಾವುದೇ ತಿಂಗಳ 1, 10, 19 ಅಥವಾ 28 ರಂದು ಜನಿಸಿದವರ ರೇಡಿಕ್ಸ್ 1 ಆಗಿದೆ. ರಾಡಿಕ್ಸ್ 1ರಲ್ಲಿ ಜನಿಸಿದ ಜನರು ತುಂಬಾ ತೀಕ್ಷ್ಣ ಮನಸ್ಸಿನವರು. ಇಂತಹ ಜನರು ಜೀವನದಲ್ಲಿ ತ್ವರಿತ ಯಶಸ್ಸು ಸಾಧಿಸುತ್ತಾರೆ ಮತ್ತು ನಾಯಕತ್ವದ ಸಾಮರ್ಥ್ಯವನ್ನು ಸಹ ಹೊಂದಿರುತ್ತಾರೆ.

ವೃತ್ತಿ: ಸಂಖ್ಯಾಶಾಸ್ತ್ರದ ಪ್ರಕಾರ ರಾಡಿಕ್ಸ್ 1ರ ಜನರು ತುಂಬಾ ಪ್ರತಿಭಾವಂತರು ಮತ್ತು ಅಧ್ಯಯನದಲ್ಲಿ ತುಂಬಾ ಮುಂದಿರುತ್ತಾರೆ. ಈ ಮಕ್ಕಳು ಬಾಲ್ಯದಿಂದಲೂ ತಮ್ಮ ಅಧ್ಯಯನ ಮತ್ತು ವೃತ್ತಿಯ ಬಗ್ಗೆ ತುಂಬಾ ಗಂಭೀರವಾಗಿರುತ್ತಾರೆ. ಈ ಸಂಖ್ಯೆಯಲ್ಲಿ ಜನಿಸಿದವರು ಯಾವುದೇ ಕ್ಷೇತ್ರದಲ್ಲಿ ಉನ್ನತ ಸ್ಥಾನಮಾನ ಪಡೆಯುತ್ತಾರೆ.

ಇದನ್ನೂ ಓದಿ: Grah Yuti 2023: ಈ ರಾಶಿಯವರಿಗೆ ಅದೃಷ್ಟದೊಂದಿಗೆ ಹಠಾತ್ ಧನಲಾಭವಾಗಲಿದೆ!

ಆತ್ಮವಿಶ್ವಾಸಿಗಳು: ಸೂರ್ಯದೇವರು ರಾಡಿಕ್ಸ್ 1ನ್ನು ಹೊಂದಿರುವ ಜನರ ಅಧಿಪತಿ ಎಂದು ಪರಿಗಣಿಸಲಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ಸೂರ್ಯನು ಅವರ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಾನೆ. ಸೂರ್ಯನ ಪ್ರಭಾವದಿಂದ ಈ ಜನರು ಪ್ರಕಾಶಮಾನವಾದ ಆತ್ಮವಿಶ್ವಾಸ ಹೊಂದಿರುತ್ತಾರೆ ಜೊತೆಗೆ ಮನಸ್ಸಿನಲ್ಲಿ ತುಂಬಾ ತೀಕ್ಷ್ಣವಾಗಿರುತ್ತಾರೆ. ಈ ಜನರು ಯಾವಾಗಲೂ ಅಧ್ಯಯನದಲ್ಲಿ ಅಗ್ರಸ್ಥಾನದಲ್ಲಿರುತ್ತಾರೆ.

ರಿಸ್ಕ್ ತೆಗೆದುಕೊಳ್ಳುತ್ತಾರೆ: ರಾಡಿಕ್ಸ್ 1 ಹೊಂದಿರುವ ಜನರು ನಿರ್ಭೀತರಾಗಿರುತ್ತಾರೆ. ಇವರು ಬಾಲ್ಯದಿಂದಲೂ ಜವಾಬ್ದಾರಿಗಳನ್ನು ತೆಗೆದುಕೊಳ್ಳುತ್ತಾರೆ. ಹೀಗಾಗಿ ಇವರು ಸಹಜ ನಾಯಕತ್ವದ ಗುಣ ಹೊಂದಿರುತ್ತಾರೆ. ಇವರು ತುಂಬಾ ಶ್ರಮಜೀವಿಗಳು, ಹಿಡಿದ ಕೆಲಸವನ್ನು ಸಮಯಕ್ಕೆ ಸರಿಯಾಗಿ ಮುಗಿಸುತ್ತಾರೆ.

ಇದನ್ನೂ ಓದಿ: Vastu Tips: ಊಟ ಮಾಡುವಾಗ ವಾಸ್ತು ಶಾಸ್ತ್ರದ ಈ ಸಲಹೆಗಳನ್ನು ಮರೆಯಬೇಡಿ!

ರಾಡಿಕ್ಸ್ 1 ಹೊಂದಿರುವವರು ಈ ಕೆಲಸ ಮಾಡಿ

ಪ್ರತಿದಿನ ಬೆಳಿಗ್ಗೆ ಸ್ನಾನದ ನಂತರ ಸೂರ್ಯ ದೇವರಿಗೆ ಅರ್ಘ್ಯವನ್ನು ಅರ್ಪಿಸಿ. ಆಹಾರದಲ್ಲಿ ಬೆಲ್ಲವನ್ನು ಬಳಸಬೇಕು. ಹಳದಿ ಮತ್ತು ಕಿತ್ತಳೆ ಬಣ್ಣವನ್ನು ಹೆಚ್ಚು ಬಳಸಿ. ಮನೆಯ ಪೂರ್ವ ದಿಕ್ಕನ್ನು ಯಾವಾಗಲೂ ಸ್ವಚ್ಛವಾಗಿಡಿ.

 (ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ದೃಢಪಡಿಸುವುದಿಲ್ಲ.)