ಕೂದಲನ್ನು ನೈಸರ್ಗಿಕವಾಗಿ ಕಪ್ಪಾಗಿಸುತ್ತೆ ಈ ಡ್ರಿಂಕ್, ತಯಾರಿಸುವುದು ಕೂಡ ತುಂಬಾ ಸಿಂಪಲ್ಲಾಗಿದೆ!

ಬೆಂಗಳೂರು: 40 ರಿಂದ 45 ವರ್ಷ ವಯಸ್ಸಿನ ನಂತರ ಕೂದಲು ಬೂದು ಬಣ್ಣಕ್ಕೆ ತಿರುಗಲು ಪ್ರಾರಂಭಿಸುವ ಒಂದು ಕಾಲವಿತ್ತು. ಆದರೆ ಇಂದು ಯುವಕರ ಕೂದಲು ಕೂಡ ಬೂದು ಬಣ್ಣಕ್ಕೆ ತಿರುಗಲಾರಂಭಿಸಿದೆ. ದೇಶಾದ್ಯಂತ ಲಕ್ಷಾಂತರ ಯುವಕರು ಈ ಸಮಸ್ಯೆಯಿಂದ ಹೋರಾಡುತ್ತಿದ್ದಾರೆ. ಚಿಕ್ಕ ವಯಸ್ಸಿನಲ್ಲೇ ಕೂದಲು ಬೂದು ಬಣ್ಣಕ್ಕೆ ತಿರುಗಲು ಹಲವು ಕಾರಣಗಳಿರಬಹುದು. ಕೆಲವೊಮ್ಮೆ ಇದು ಪೌಷ್ಟಿಕಾಂಶದ ಕೊರತೆಯಿಂದ ಸಂಭವಿಸಬಹುದು ಮತ್ತು ಕೆಲವೊಮ್ಮೆ ಔಷಧಿಗಳ ಸೇವನೆಯಿಂದಲೂ ಸಂಭವಿಸಬಹುದು. ಇದಕ್ಕೆ ಆನುವಂಶಿಕ ಕಾರಣಗಳೂ ಇರಬಹುದು. ಕೂದಲಿಗೆ ಅತಿ ಹೆಚ್ಚು ಕೆಮಿಕಲ್ ಇರುವ ಉತ್ಪನ್ನಗಳ ಬಳಕೆಯಿಂದ ಅಕಾಲಿಕವಾಗಿ ಕೂದಲು ಬಿಳಿಯಾಗುವ ಸಮಸ್ಯೆಯನ್ನು ಯುವಕರು ಎದುರಿಸುತ್ತಿದ್ದಾರೆ. ಈಗ ಕಾರಣ ಏನೇ ಇರಲಿ, ಬೂದು ಕೂದಲಿನಿಂದಾಗಿ ನಿಮ್ಮ ಇಮೇಜ್  ಹಾಳು ಮಾಡಲು ಸಾಧ್ಯವಿಲ್ಲ. ಇದೇವೇಳೆ, ಪ್ರತಿ ದಿನಗಳಿಗೊಮ್ಮೆ ರಾಸಾಯನಿಕ ಬಣ್ಣವನ್ನು ಬಳಸಲು ಕೂಡ ಸಾಧ್ಯವಿಲ್ಲ. ಇವು ನಿಮ್ಮ ಕೂದಲನ್ನು ಹಾಳು ಮಾಡುವುದಲ್ಲದೆ ನಿಮ್ಮ ಬಜೆಟ್ ಅನ್ನು ಕೂಡ ಹಾಳು ಮಾಡುತ್ತವೆ. ಆದ್ದರಿಂದ ಬಳಸಲು ತುಂಬಾ ಸುಲಭ, ಸುರಕ್ಷಿತ ಮತ್ತು ಬಜೆಟ್ ಸ್ನೇಹಿ ಇಂತಹ ನೈಸರ್ಗಿಕ ಉತ್ಪನ್ನಗಳನ್ನು ಏಕೆ ಬಳಸಬಾರದು? ಬನ್ನಿ ತಿಳಿದುಕೊಳ್ಳೋಣ.

ನಿಮ್ಮ ಜೀವನಶೈಲಿಯನ್ನು ಸುಧಾರಿಸುವ ಮೂಲಕ ಮತ್ತು ನಿಮ್ಮ ಆಹಾರಕ್ರಮಕ್ಕೆ ಗಮನ ಕೊಡುವ ಮೂಲಕ, ನಿಮ್ಮ ಕೂದಲನ್ನು ನೈಸರ್ಗಿಕವಾಗಿ ಆರೋಗ್ಯಕರವಾಗಿ ಮಾಡಬಹುದು. ನಿಮ್ಮ ದೈನಂದಿನ ಆಹಾರದಲ್ಲಿ ಕೂದಲು ಬಿಳಿಯಾಗುವುದನ್ನು ತಡೆಗಟ್ಟುವ ಆಹಾರವನ್ನು ಶಾಮೀಲುಗೋಳಿಸಿ  ಮತ್ತು ಕೂದಲನ್ನು ಆರೋಗ್ಯಕರವಾಗಿರಿಸಿ. ಹಾರ್ಮೋನ್ ಮತ್ತು ಕರುಳಿನ ಆರೋಗ್ಯ ಸಲಹೆಗಾರ್ತಿ ಮನ್‌ಪ್ರೀತ್ ಕಲ್ರಾ ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಕೂದಲನ್ನು ಮತ್ತೆ ಕಪ್ಪು ಮಾಡಲು ಉತ್ತಮ ಮತ್ತು ಸುಲಭವಾದ ಮಾರ್ಗವನ್ನು ಹಂಚಿಕೊಂಡಿದ್ದಾರೆ. ಇದರ ಸಹಾಯದಿಂದ ನೀವು ಮನೆಯಲ್ಲಿ ನಿಮ್ಮ ಕೂದಲನ್ನು ಕಪ್ಪಾಗಿಸಬಹುದು. ಇದಕ್ಕಾಗಿ ನೀವು ಪ್ರತಿದಿನ ವಿಶೇಷ ಪಾನೀಯವನ್ನು ಕುಡಿಯಬೇಕು, ಅದನ್ನು ನೀವು ಮನೆಯಲ್ಲಿ ಸುಲಭವಾಗಿ ತಯಾರಿಸಬಹುದು.

ಈ ಮೂರು ವಸ್ತುಗಳು ಕೂದಲನ್ನು ಸೂಪರ್ ಸ್ಟ್ರಾಂಗ್ ಮತ್ತು ಕಪ್ಪಾಗಿಸುತ್ತವೆ
ದಾಸವಾಳ, ಕಪ್ಪು ಎಳ್ಳು ಮತ್ತು ಕರಿಬೇವಿನ ಎಲೆಗಳು ಮೂರೂ ನಿಮ್ಮ ಕೂದಲಿಗೆ ವರದಾನಕ್ಕಿಂತ ಕಡಿಮೆಯಿಲ್ಲ. ದಾಸವಾಳದ ಹೂವಿನ ದಳಗಳು ವಿಟಮಿನ್ ಸಿ ಜೊತೆಗೆ ಹಲವು ರೀತಿಯ ಅಮೈನೋ ಆಮ್ಲಗಳನ್ನು ಹೊಂದಿರುತ್ತವೆ, ಅವು ಕೂದಲನ್ನು ಬಲಪಡಿಸುವುದು ಮಾತ್ರವಲ್ಲದೆ ಅವುಗಳ ಬೆಳವಣಿಗೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದರೊಂದಿಗೆ, ಅವು ಆಕ್ಸಿಡೇಟಿವ್ ಹಾನಿಯಿಂದ ಕೂದಲನ್ನು ರಕ್ಷಿಸುತ್ತದೆ. ತಾಮ್ರ, ಸತು ಮತ್ತು ಕಬ್ಬಿಣದಂತಹ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿರುವ ಕಪ್ಪು ಎಳ್ಳು ಮೆಲನಿನ್ ಉತ್ಪಾದನೆಯನ್ನು ವೇಗಗೊಳಿಸುತ್ತದೆ. ಮೆಲನಿನ್ ಎಂಬ ಈ ಅಂಶ ಕೂದಲು ಹಾಗೂ ತ್ವಚೆಗೆ ಪ್ರಯೋಜನಕಾರಿಯಾಗಿದೆ. ಕರಿಬೇವಿನ ಸೊಪ್ಪಿನ ಗುಣಗಳ ಬಗ್ಗೆ ನಮಗೆಲ್ಲರಿಗೂ ಗೊತ್ತು. ಇದು ಪ್ರಬಲ  ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತದೆ. ವಿಟಮಿನ್ ಬಿ ಕಾಂಪ್ಲೆಕ್ಸ್ ಮತ್ತು ಇತರ ಅನೇಕ ಖನಿಜಗಳ ಕಾರಣ, ಇದು ಕೂದಲಿನ ನೈಸರ್ಗಿಕ ವರ್ಣದ್ರವ್ಯವನ್ನು ನಿರ್ವಹಿಸುತ್ತದೆ, ಇದರಿಂದಾಗಿ ಕೂದಲು ಬೂದು ಬಣ್ಣಕ್ಕೆ ತಿರುಗುವುದಿಲ್ಲ.

ಈ ಪಾನೀಯವನ್ನು ಸುಲಭವಾಗಿ ತಯಾರಿಸಿ ಕುಡಿಯಿರಿ
ಬೇಕಾಗುವ ಸಾಮಗ್ರಿಗಳು:
>> 5 ರಿಂದ 6 ದಾಸವಾಳದ ದಳಗಳು ಅಥವಾ ಅರ್ಧ ಟೀಚಮಚ ಪುಡಿ
>> 5 ರಿಂದ 6 ಕರಿಬೇವಿನ ಎಲೆಗಳು
>> ಕಪ್ಪು ಎಳ್ಳು ಬೀಜಗಳು ಅರ್ಧ ಟೀಸ್ಪೂನ್
>> ನೀರು 200 ಮಿಲಿ

ಇದನ್ನೂ ಓದಿ-ಕೂದಲುದುರುವಿಕೆ ಸಮಸ್ಯೆಗೆ ಪರಿಹಾರ ಈ ಹಳದಿ ಹೂವಿನಲ್ಲಡಗಿದೆ, ಹೇಗೆ ಬಳಸಬೇಕು? ಇಲ್ಲಿದೆ ವಿಧಾನ!

ತಯಾರಿಸುವ ವಿಧಾನ
ಬ್ಯಾಸ್ ಆನ್ ಮಾಡಿ ಮತ್ತು ಒಂದು ಪಾತ್ರೆಯಲ್ಲಿ 200 ಮಿಲಿ ನೀರನ್ನು ಸುರಿಯಿರಿ. ಈಗ ಎಲ್ಲಾ ಪದಾರ್ಥಗಳನ್ನು ಸೇರಿಸಿ ಮತ್ತು ನೀರು ಅರ್ಧದಷ್ಟು ಕಡಿಮೆಯಾಗುವವರೆಗೆ ಮಿಶ್ರಣವನ್ನು ಕುದಿಸಿ. ಈಗ ಅದನ್ನು ಫಿಲ್ಟರ್ ಮಾಡಿ ಮತ್ತು ಈ ಸೂಪರ್ ಪಾನೀಯವನ್ನು ಒಂದೊಂದೇ ಗುಟುಕು ಸೇವಿಸಿ.  ಈ ಪಾನೀಯವನ್ನು ನಿಯಮಿತವಾಗಿ ಸೇವಿಸುವುದರಿಂದ ನಿಮ್ಮ ಕೂದಲು ಬಿಳಿಯಾಗುವುದನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ-ಅಡುಗೆ ಮನೆಯಲ್ಲಿರುವ ಈ ಹಳದಿ ಮಸಾಲೆ ಬೋಳು ತಲೆ ಸಮಸ್ಯೆಗೆ ಶಾಶ್ವತ ಪರಿಹಾರ ನೀಡುತ್ತೇ!

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ. ಅನುಸರಿಸುವ ಮುನ್ನ ವಿಷಯ ತಜ್ಞರ ಸಲಹೆ ಪಡೆದುಕೊಳ್ಳಲು ಮರೆಯಬೇಡಿ)

ಇದನ್ನೂ ನೋಡಿ-