ಆಂಧ್ರ ಪ್ರದೇಶದಲ್ಲಿ ಯಶ್‌ ಬಂಧನ, ಸಿಎಂ ಜಗನ್‌ ವಿರುದ್ಧ ಆಕ್ರೋಶ

NRI Yash Bodduluri Arrest: ಟಿಡಿಪಿ ಎನ್‌ಆರ್‌ಐ ನಾಯಕ ಯಶ್ ಅವರನ್ನು ಸಿಐಡಿ ಪೊಲೀಸರು ಶಂಶಾಬಾದ್ ವಿಮಾನ ನಿಲ್ದಾಣದಲ್ಲಿ ಬಂಧಿಸಿದ್ದಾರೆ. ಅಮೆರಿಕದಿಂದ ಬಂದ ಕೆಲವೇ ದಿನಗಳಲ್ಲಿ ಆತನನ್ನು ಬಂಧಿಸಿ ಮಂಗಳಗಿರಿಗೆ ಕರೆದೊಯ್ಯಲಾಯಿತು. ಈತನ ಮೇಲೆ ಲುಕ್‌ಔಟ್‌ ನೋಟಿಸ್‌ ಇದೆಯಂತೆ ಎಂದು ಹೇಳಲಾಗಿದೆ. ಈ ಬಂಧನಕ್ಕೆ ಟಿಡಿಪಿ ಆಕ್ರೋಶ ವ್ಯಕ್ತಪಡಿಸಿದೆ. 

ಅನಾರೋಗ್ಯದಿಂದ ಬಳಲುತ್ತಿದ್ದ ತಾಯಿಯನ್ನು ನೋಡಲು ಅಮೆರಿಕದಿಂದ ಬಂದಿದ್ದ ಎನ್‌ಆರ್‌ಐ ಯಶ್‌ನನ್ನು ಶಂಶಾಬಾದ್‌ನಲ್ಲಿ ಆಂಧ್ರಪ್ರದೇಶದ ಸಿಐಡಿ ತಂಡ ಬಂಧಿಸಿದೆ. ಯಶ್ ಬಂಧನದ ಬಗ್ಗೆ ಟಿಡಿಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ನಾರಾ ಲೋಕೇಶ್ ಪ್ರತಿಕ್ರಿಯಿಸಿದ್ದಾರೆ. ಹೈದರಾಬಾದ್ ವಿಮಾನ ನಿಲ್ದಾಣದಲ್ಲಿ ಎನ್‌ಆರ್‌ಐ ಯಶ್ ಅವರನ್ನು ಅನ್ಯಾಯವಾಗಿ ಬಂಧಿಸಿರುವ ಬಗ್ಗೆ ತಿಳಿದು ಆಘಾತವಾಯಿತು ಎಂದು ಹೇಳಿದರು. 

ಇದನ್ನೂ ಓದಿ: ದೇವಸ್ಥಾನದ ಗೋಡೆ ಮೇಲೆ ಭಾರತ ವಿರೋಧಿ ಘೋಷಣೆ, ಇದು ಖಲಿಸ್ತಾನಿಗಳ ಕೆಲಸವೇ!?

ಸರ್ಕಾರದ ವಿರುದ್ಧ ದನಿ ಎತ್ತುವವರ ಬಾಯಿ ಮುಚ್ಚಿಸಲು ಯತ್ನಿಸುತ್ತಿದ್ದಾರೆ. ವಿದೇಶದಿಂದ ಮರಳಿದ ಮೇಲೆ ಆತನನ್ನು ಭಯೋತ್ಪಾದಕನಂತೆ ಬಂಧಿಸಿರುವುದು ಅತಿರೇಕವಾಗಿದೆ. ನ್ಯಾಯ ಸಿಗುವವರೆಗೂ ಹೋರಾಟ ನಿಲ್ಲುವುದಿಲ್ಲ ಎಂದರು.

ಸೋಲಿನ ಭಯದಿಂದಲೇ ಇಂತಹ ಬಂಧನಗಳು ನಡೆಯುತ್ತಿವೆ. ವಿದೇಶದಲ್ಲಿದ್ದರೂ ತನ್ನ ಭೂಮಿಯ ಮೇಲೆ ಅಭಿಮಾನದಿಂದ ಸಾರ್ವಜನಿಕ ಸಮಸ್ಯೆಗಳಿಗೆ ನಿರ್ಭೀತಿಯಿಂದ ಸ್ಪಂದಿಸುವ ಎನ್‌ಆರ್‌ಐ ಯಶ್‌ರನ್ನು ಬಂಧಿಸಿರುವುದು ಸರ್ಕಾರದ ಸೈಕೋ ಕ್ರಮಗಳನ್ನು ಬಿಂಬಿಸುತ್ತದೆ. ಅನಾರೋಗ್ಯ ಪೀಡಿತ ತಾಯಿಯನ್ನು ಭೇಟಿ ಮಾಡಿದ್ದು ಅಪರಾಧವೇ? ವಿಮಾನ ನಿಲ್ದಾಣದಲ್ಲಿ ಬಂದಿಳಿದ ಆತನನ್ನು ಅನ್ಯಾಯವಾಗಿ ಬಂಧಿಸಲಾಗಿತ್ತು. ಯಶ್ ಭದ್ರತೆಯ ಹೊಣೆಯನ್ನು ಮುಖ್ಯಮಂತ್ರಿಯೇ ಹೊರಬೇಕು. ಜಗನ್ ಮೋಹನ್ ರೆಡ್ಡಿ ಅವರ ವರ್ತನೆಯನ್ನು ಜಗತ್ತಿನಾದ್ಯಂತ ಇರುವ ಅನಿವಾಸಿ ಭಾರತೀಯರು ಖಂಡಿಸಬೇಕು ಎಂದಿದ್ದಾರೆ. 

ಇದನ್ನೂ ಓದಿ: ಭಾರತ - ಅಮೆರಿಕಾ ಸಂಬಂಧದ ಮೇಲೆ ಪನ್ನುನ್ ಪ್ರಕರಣದ ಕಾರ್ಮೋಡ: ಭಾರತ ಭೇಟಿಯನ್ನು ರದ್ದುಗೊಳಿಸಿದ ಅಧ್ಯಕ್ಷ ಬಿಡೆನ್