ಮನುಷ್ಯರು ತಿನ್ನೋದಲ್ಲ, ನಾಯಿ ತಿನ್ನುವ ಈ ಆಹಾರವೇ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣಗೆ ಫೇವರೇಟ್!
ಕೊಡಗಿನ ಚೆಲುವೆ ರಶ್ಮಿಕಾ ಮಂದಣ್ಣ ಸ್ಯಾಂಡಲ್ವುಡ್ ಮೂಲಕ ಸಿನಿರಂಗಕ್ಕೆ ಕಾಲಿಟ್ಟು ಯಶಸ್ಸು ಪಡೆದ ಬಳಿಕ ದಕ್ಷಿಣ ಭಾರತದ ತೆಲುಗು, ತಮಿಳು ಸಿನಿಮಾಗಳಲ್ಲಿ ನಟಿಸಿ ಭೇಷ್ ಎನಿಸಿಕೊಂಡಿದ್ದಾರೆ.
ಟಾಲಿವುಡ್ ಮಾತ್ರವಲ್ಲದೆ ಬಾಲಿವುಡ್, ಕಾಲಿವುಡ್’ನಲ್ಲೂ ಪ್ರೇಕ್ಷಕರ ಮನ ಕದ್ದ ಚೆಲುವೆ ಈಕೆ. ತೆಲುಗು ಸಿನಿ ಇಂಡಸ್ಟ್ರೀಯಲ್ಲಿ ವಿಜಯ್ ದೇವರಕೊಂಡ ಅವರ ಗೀತ ಗೋವಿಂದಂ, ಮಹೇಶ್ ಬಾಬು ಜೊತೆಗಿನ ಸರಿಲೇರು ನೀಕೆವ್ವರು ಮತ್ತು ನಿತಿನ್ ಜೊತೆ ಭೀಷ್ಮ ಚಿತ್ರಗಳನ್ನು ನಟಿಸುವ ಮೂಲಕ ಸ್ಟಾರ್ ಗಿರಿ ಪಡೆದುಕೊಂಡರು.
ಇದೀಗ ಬಾಲಿವುಡ್’ನಲ್ಲೂ ಅದೃಷ್ಟ ಪರೀಕ್ಷೆಗಿಳಿದಿದ್ದ ನಟಿ, ಅಲ್ಲಿಯೂ ಯಶಸ್ಸು ಕಂಡಿದ್ದಾರೆ. ಇದಲ್ಲದೆ ಪ್ಯಾನ್ ಇಂಡಿಯಾ ಚಿತ್ರ ಪುಷ್ಪಾನಲ್ಲೂ ಕ್ರೇಜ್ ಸೃಷ್ಟಿಸಿದ್ದ ನಟಿ, ಇದೀಗ ಇಂಡಸ್ಟ್ರಿಯ ಟಾಕ್ ಆಗಿದ್ದಾರೆ.
ಅಂದಹಾಗೆ ರಶ್ಮಿಕಾ ಮಂದಣ್ಣ ಅವರ ಬಗ್ಗೆ ನಟ ನಿತಿನ್ ಶಾಕಿಂಗ್ ವಿಚಾರವೊಂದನ್ನು ಬಹಿರಂಗಪಡಿಸಿದ್ದು ಅಭಿಮಾನಿಗಳು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಸಾಮಾನ್ಯವಾಗಿ ಎಲ್ಲರೂ ಸಾಯಂಕಾಲದ ತಿಂಡಿಯಂತೆ ಚಿಪ್ಸ್ ಅಥವಾ ಜಂಕ್ ಫುಡ್ ತಿನ್ನುತ್ತಾರೆ, ಆದರೆ ರಶ್ಮಿಕಾ ನಾಯಿ ಬಿಸ್ಕೆಟ್ ತಿನ್ನುತ್ತಾರೆ ಎಂದು ಹೇಳಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಈ ವಿಡಿಯೋ ವೈರಲ್ ಆಗಿದ್ದೇ ತಡ, “ಅದರಲ್ಲಿ ತಪ್ಪೇನಿದೆ! ನಾಯಿ ತಿನ್ನುವ ಬಿಸ್ಕೆಟ್ ತಿಂದರೆ ತಪ್ಪೇನು?” ಎಂದೆಲ್ಲಾ ಕಮೆಂಟ್ ಮಾಡಿದ್ದಾರೆ.