ಬಿಗ್ ಬಾಸ್‌ ಅರ್ಧಕ್ಕೆ ಕೈಬಿಟ್ಟ ಕಿಚ್ಚ ಸುದೀಪ್‌: ಇನ್ಮುಂದೆ ಈ ಸೀಸನ್‌ನ್ನು ಹೋಸ್ಟ್ ಮಾಡೋದು ಇವರೇ! ಕನ್ನಡದ ರಾಷ್ಟ್ರಪ್ರಶಸ್ತಿ ವಿಜೇತ ನಟನಿಗೆ ʼಬಿಗ್ʼ ಜವಾಬ್ದಾರಿ!?
ಕರುನಾಡ ಹೆಸರಾಂತ ರಿಯಾಲಿಟಿ ಶೋ ಬಿಗ್ ಬಾಸ್‌ ಕನ್ನಡ ತನ್ನ ಹನ್ನೊಂದನೆಯ ಸೀಸನ್ ಅನ್ನು ನಡೆಸುತ್ತಿದೆ. ಭರ್ಜರಿ ರೆಸ್ಪಾನ್ಸ್‌ ಪಡೆದಿರುವ ಈ ಶೋ ನಲ್ಲಿ ಸದ್ಯ ಸ್ಪಷ್ಟವಾಗಿ, ಅಚ್ಚುಕಟ್ಟಾಗಿ ಕಿಚ್ಚ ಸುದೀಪ್‌ ಅವರು ಹೋಸ್ಟ್ ಮಾಡುತ್ತಿದ್ದಾರೆ.
ಕಳೆದ ದಿನ ವಾರದ ಪಂಚಾಯ್ತಿ ಮುಕ್ತಾಯಗೊಳಿಸಿದ ಬಳಿಕ ಶಾಕಿಂಗ್‌ ನಿರ್ಧಾರವನ್ನು ಕಿಚ್ಚ ಸುದೀಪ್‌ ಸೋಶಿಯಲ್‌ ಮೀಡಿಯಾದಲ್ಲಿ ಬಹಿರಂಗಪಡಿಸಿದ್ದರು. ಇದು ತಮ್ಮ ಕೊನೆಯ ಸೀಸನ್ ಎಂದು ಉಲ್ಲೇಖಿಸಿದ್ದರು. ಆ ಪೋಸ್ಟ್‌ ನೋಡಿದ್ದೇ ತಡ ಎಲ್ಲರಲ್ಲೂ ಆಶ್ಚರ್ಯವನ್ನುಂಟು ಮಾಡಿದೆ.
"ಬಿಗ್ ಬಾಸ್‌ ಕನ್ನಡ ಸೀಸನ್ 11ಕ್ಕೆ ನೀವು ತೋರಿಸುತ್ತಿರುವ ಉತ್ತಮ ಪ್ರತಿಕ್ರಿಯೆಗಾಗಿ ಎಲ್ಲರಿಗೂ ಧನ್ಯವಾದಗಳು. ಕಾರ್ಯಕ್ರಮ ಮತ್ತು ನನ್ನ ಬಗ್ಗೆ ನೀವೆಲ್ಲರೂ ತೋರಿದ ಪ್ರೀತಿಗೆ ನಮನ. ಇದು ಉತ್ತಮ 10+1 ವರ್ಷಗಳ ಪ್ರಯಾಣವಾಗಿದೆ. ಅಂತೆಯೇ ಇನ್ಮುಂದೆ ನಾನು ಏನು ಮಾಡಬೇಕೆಂದು ನಿರ್ಧರಿಸಲು ಇದು ಉತ್ತಮ ಸಮಯ. ಹೀಗಾಗಿ BBKಗೆ ಹೋಸ್ಟ್ ಆಗಿ ನನ್ನ ಕೊನೆಯ ಸೀಸನ್ ಆಗಿರುತ್ತದೆ. ನನ್ನ ನಿರ್ಧಾರವನ್ನು ಕಲರ್ಸ್‌ ವಾಹಿನಿ ಮತ್ತು ಈ ಎಲ್ಲಾ ವರ್ಷಗಳಿಂದ ಬಿಗ್ ಬಾಸ್‌ ಅನ್ನು ಫಾಲೋ ಮಾಡಿಕೊಂಡು ಬಂದಿರುವ ಎಲ್ಲರೂ ಗೌರವಿಸುತ್ತಾರೆ ಎಂದು ನಂಬುತ್ತೇನೆ. ಈ ಸೀಸನ್ ಅನ್ನು ಅತ್ಯುತ್ತಮವಾಗಿ ಮಾಡೋಣ. ಹಾಗೆಯೇ ನಾನು ಕೂಡ ನನ್ನ ಅತ್ಯುತ್ತಮವಾಗಿರುವುದನ್ನು ನೀಡಿ ಮನರಂಜಿಸುತ್ತೇನೆ" ಎಂದು ಬರೆದುಕೊಂಡಿದ್ದಾರೆ.
ಈ ಪೋಸ್ಟ್‌ ನೋಡಿದ ಅನೇಕರಲ್ಲಿ ಮೂಡಿದ ಪ್ರಶ್ನೆ ಏನೆಂದರೆ, ಕಿಚ್ಚ ಅವರು ಬಿಗ್ ಬಾಸ್‌ ಸೀಸನ್ 11ರ ಹೋಸ್ಟ್ ಆಗಿ ಮುಂದುವರೆಯುತ್ತಾರಾ? ಅಥವಾ ಸೀಸನ್ 11ರ ನಂತರ ಗುಡ್‌ ಬೈ ಹೇಳುತ್ತಾರಾ? ಎಂಬುದು. ಈ ಪ್ರಶ್ನೆಗೆ ಉತ್ತರ ಇಲ್ಲಿದೆ.
ಕಿಚ್ಚ ಸದ್ಯ ಸೀಸನ್ 11ರಲ್ಲಿ ಹೋಸ್ಟ್ ಆಗಿ ಮುಂದುವರೆಯಲಿದ್ದಾರೆ. ಆದರೆ ಈ ಸೀಸನ್ ನಂತರ ಅವರು ತಮ್ಮ ವೈಯಕ್ತಿಕ ವಿಚಾರಕ್ಕೆ ಸಮಯ ಕೊಡಲಿರುವ ಕಾರಣಕ್ಕೆ ಗುಡ್‌ ಬೈ ಹೇಳಲಿದ್ದಾರೆ.
ಇನ್ನೊಂದೆಡೆ 10 ಸೀಸನ್ ಮಾತ್ರವೇ ಸುದೀಪ್‌ ಹೋಸ್ಟ್ ಮಾಡಲಿದ್ದಾರೆ ಎಂಬ ಮಾತು ಈ ಹಿಂದೆಯೇ ಕೇಳಿಬಂದಿತ್ತು. ಆದರೆ 11ರಲ್ಲಿ ಕಾಣಿಸಿಕೊಂಡು ಅಭಿಮಾನಿಗಳಿಗೆ ಖುಷಿ ನೀಡಿದ್ದರು. ಇದೀಗ ಬಿಗ್ ಬಾಸ್‌ ಸೀಸನ್ 11 ಆರಂಭವಾಗಿ 2 ವಾರ ಕಳೆಯುವಷ್ಟರಲ್ಲಿ ಶಾಕಿಂಗ್‌ ವಿಚಾರವನ್ನು ಬಹಿರಂಗಪಡಿಸಿದ್ದಾರೆ.
ಇದೆಲ್ಲದರ ಜೊತೆ, ಮುಂದೆ ಯಾರು ಬಿಗ್ ಬಾಸ್‌ ಹೋಸ್ಟ್ ಮಾಡಲಿದ್ದಾರೆ ಎಂಬ ಚರ್ಚೆ ಈಗಾಗಲೇ ಶುರುವಾಗಿದೆ. ಈ ರೇಸ್‌ನಲ್ಲಿ ಕನ್ನಡದ ಕೆಲ ನಟರಿದ್ದು, ರಮೇಶ್‌ ಅರವಿಂದ್‌, ಡಾ. ಶಿವರಾಜ್‌ ಕುಮಾರ್‌, ಗೋಲ್ಡನ್‌ ಸ್ಟಾರ್‌ ಗಣೇಶ್ ಹೆಸರು ಕೇಳಿಬರುತ್ತಿದೆ.
ಆದರೆ ಇವರೆಲ್ಲರನ್ನೂ ಮೀರಿದ ಹೆಸರು ಈಗಾಗಲೇ ಫಿಕ್ಸ್‌ ಆಗಿದೆ ಎನ್ನಲಾಗುತ್ತಿದೆ. 11ನೇ ಸೀಸನ್‌ಗೇ ಆ ನಟ ಹೋಸ್ಟ್ ಆಗಿ ಬರಬೇಕಿತ್ತು. ಆದರೆ ಪ್ರಮುಖ ಸಿನಿಮಾವೊಂದರ ಶೂಟಿಂಗ್‌ ಹಿನ್ನೆಲೆಯಲ್ಲಿ ಅಸಾಧ್ಯವಾಗಿತ್ತು ಎನ್ನಲಾಗಿದೆ. ಅಂದಹಾಗೆ ಆ ನಟ ಬೇರಾರು ಅಲ್ಲ, ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನಟ ರಿಷಬ್‌ ಶೆಟ್ಟಿ.
ಕಾಂತಾರಾ ಭಾಗ ಒಂದರ ಶೂಟಿಂಗ್‌ ಕಾರಣದಿಂದ 11 ನೇ ಸೀಸನ್ ಹೋಸ್ಟ್ ಮಾಡಲು ಕಷ್ಟವಾಗಿತ್ತು. ಇದೀಗ ಮುಂಬರುವ ಸೀಸನ್‌ನಲ್ಲಿ ಇವರೇ ನಿರೂಪಣೆ ಮಾಡಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಇನ್ನು ಈ ಬಗ್ಗೆ ವಾಹಿನಿ ಏನು ಅಪ್ಡೇಟ್‌ ನೀಡುತ್ತೆ ಎಂಬುದನ್ನು ಕಾದುನೋಡಬೇಕಿದೆ.