Actors Who Were cricketers: ನಟನೆಗೂ ಮೊದಲು ವೃತ್ತಿಪರ ಕ್ರಿಕೆಟಿಗರಾಗಿದ್ದ ಸೆಲೆಬ್ರಿಟಿಗಳಿವರು!

ನಟ ಅಂಗದ್ ಬೇಡಿ ಕೂಡ ತಂದೆ ಬಿಷನ್ ಸಿಂಗ್ ಬೇಡಿ ಅವರ ಹಾದಿಯಲ್ಲಿ ಕ್ರಿಕೆಟಿಗನಾಗಲು ಬಯಸಿದ್ದರು. ಅದರಂತೆ ಅವರು ಕ್ರಿಕೆಟ್ ಆಡುತ್ತಿದ್ದರು. ಆದರೆ ಅವರು ನಟನೆಯ ಹಾದಿಯನ್ನು ಆರಿಸಿಕೊಂಡರು ಮತ್ತು ಬಾಲಿವುಡ್‍ನ ಸಿನಿಲೋಕದ ಬಸ್ ಹಿಡಿದರು. ಅವರು ಹಲವಾರು ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

‘83’ ಚಿತ್ರದಲ್ಲಿ ಕ್ರಿಕೆಟಿಗನ ಪಾತ್ರವನ್ನು ನಿರ್ವಹಿಸಿದ ಹಾರ್ಡಿ ಸಂಧು ನಟನಾಗುವ ಮೊದಲು ಕ್ರಿಕೆಟ್ ಆಡುತ್ತಿದ್ದರು. ಅವರು 19 ವರ್ಷದೊಳಗಿನ ಭಾರತ ತಂಡ ಮತ್ತು ದೆಹಲಿ ರಣಜಿ ತಂಡದಲ್ಲಿ ಆಡಿದ್ದರು. ಆದರೆ ನಂತರ ಅವರು ನಟನೆ ಮತ್ತು ಗಾಯನದ ಹಾದಿಯನ್ನು ಆರಿಸಿಕೊಂಡರು.

ಕರಣ್ ವಾಹಿ ಟಿವಿ ಮತ್ತು ಸಾಕಷ್ಟು ಬಾಲಿವುಡ್ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದು, ಜನರ ಮನಸ್ಸು ಗೆದ್ದಿದ್ದಾರೆ. ಆದರೆ ಅವರು ದೆಹಲಿಯ ಅಂಡರ್-19 ತಂಡದಲ್ಲಿ ಶಿಖರ್ ಧವನ್ ಮತ್ತು ವಿರಾಟ್ ಕೊಹ್ಲಿ ಅವರೊಂದಿಗೆ ಆಡಿದ್ದಾರೆ. ಗಾಯದಿಂದಾಗಿ ಕ್ರಿಕೆಟ್ ನಿಂದ ದೂರ ಸರಿದ ಅವರು ನಟನಾ ವೃತ್ತಿಯನ್ನು ಆರಿಸಿಕೊಂಡರು.

ಕಿರುತೆರೆ ನಟ ಸಮರ್ಥ್ ಅವರು ಉದರಿಯಾ ಮತ್ತು ಮೈತ್ರಿಯಂತಹ ಧಾರಾವಾಹಿಗಳಿಂದ ಮನ್ನಣೆ ಪಡೆದಿದ್ದಾರೆ. ಆದರೆ ಅವರು ನಟನೆಗೆ ಬರುವ ಮೊದಲು ಕ್ರಿಕೆಟ್ ಆಡುತ್ತಿದ್ದರು ಎಂಬುದು ಅನೇಕರಿಗೆ ತಿಳಿದಿಲ್ಲ. ವೃತ್ತಿಪರ ರಾಜ್ಯ ಮಟ್ಟದ ಕ್ರಿಕೆಟಿಗನಾಗಿ ಅವರು ಗುರುತಿಸಿಕೊಂಡಿದ್ದರು.  

ಸಲೀಲ್ ಅಂಕೋಲಾ 20 ಏಕದಿನ ಹಾಗೂ 1 ಟೆಸ್ಟ್ ಪಂದ್ಯ ಆಡಿರುವುದು ನಿಜಕ್ಕೂ ಅಚ್ಚರಿ ಮೂಡಿಸುವ ವಿಷಯ. ಆದರೆ ಸಲೀಲ್ ಕ್ರಿಕೆಟ್ ಬದಲು ನಟನಾ ವೃತ್ತಿಯಲ್ಲಿ ಮುಂದುವರಿಯುತ್ತಾರೆ.