ದಕ್ಷಿಣ ಭಾರತದಲ್ಲೇ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿ ನಯನತಾರಾ: ಈಕೆ ಎಷ್ಟು ಕೋಟಿ ಆಸ್ತಿಯ ಒಡತಿ, ಪತಿಯ ಆಸ್ತಿಯೆಷ್ಟು!

‘ಬಾಹುಬಲಿ’ ಸಿನಿಮಾ ನಂತರ ಅನುಷ್ಕಾ ಶೆಟ್ಟಿ ಅವರಿಂದಾಗಲಿ, ‘ಪುಷ್ಪ’, ‘ಅನಿಮಲ್’ ಸಿನಿಮಾಗಳ ಬಳಿಕ ರಶ್ಮಿಕಾ ಮಂದಣ್ಣ ಅವರಾಗಲಿ ಇಂದಿಗೂ ನಯನಾ ತಾರಾ ಅವರನ್ನು ಮೀರಿಸಲು ಸಾಧ್ಯವಾಗಿಲ್ಲ. ಈಗಲೂ ಸೌತ್ ಬ್ಯೂಟಿಯರ ಪೈಕಿ 10 ಕೋಟಿ ಸಂಭಾವನೆ ಪಡೆಯುತ್ತಿರುವುದು ನಟಿ ನಯನ ತಾರಾ ಒಬ್ಬರೇ.

ಬಾಲಿವುಡ್ ಚಿತ್ರಗಳಲ್ಲೂ ಬೇಡಿಕೆ ಇರುವ ನಯನಾ ತಾರಾ ಇಂದು ತಮ್ಮ 40 ನೇ ಜನ್ಮದಿನವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ನಯನತಾರಾ ವಿಗ್ನೇಶ್ ಶಿವನ್ ಅವರೊಂದಿಗೆ ಸುಖ ಸಂಸಾರವನ್ನು ನಡೆಸುತ್ತಿದ್ದಾರೆ. 

ಇತ್ತೀಚಿಗೆ ಶಾರುಖ್ ಖಾನ್ ಅವರ ‘ಜವಾನ್’ ಸಿನಿಮಾಕ್ಕೆ 10 ಕೋಟಿ ಸಂಭಾವನೆ ಪಡೆದಿದ್ದರು. ನಯನ ತಾರಾ ಭಾರತದ ಪ್ರಮುಖ ಬ್ರ್ಯಾಂಡ್ ಅಂಬಾಸಿಡರ್. ಒಂದು ಬ್ರ್ಯಾಂಡ್ ಪ್ರಚಾರಕ್ಕೆ ಅವರು 5 ಕೋಟಿ ರೂಪಾಯಿ ಪಡೆಯುತ್ತಾರೆ. 

ಇಡೀ ದಕ್ಷಿಣ ಭಾರತದಲ್ಲೇ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಯನ ತಾರಾ ಅವರ ಕುಟುಂಬದ ಸದ್ಯದ ಒಟ್ಟು ಆಸ್ತಿಯ ಮೌಲ್ಯ 215 ಕೋಟಿ ರೂಪಾಯಿ.

ಹಲವು ಕಡೆ ಪ್ರಾಪರ್ಟಿ ಹೊಂದಿರುವ ನಯನ ತಾರಾ ಅವರ ದೇಶದ ಬೇರೆ ಬೇರೆ ಭಾಗಗಳಲ್ಲಿ ಹೊಂದಿರುವ ಆಸ್ತಿಯ ಮೌಲ್ಯವೇ 100 ಕೋಟಿ ರೂಪಾಯಿಗೂ ಹೆಚ್ಚು ಎಂದು ಹೇಳಲಾಗುತ್ತದೆ.

ತೆಲುಗು, ತಮಿಳು ಮತ್ತು ಮಲೆಯಾಳಂನಲ್ಲಿ ಭಾರೀ ಬೇಡಿಕೆ ಹೊಂದಿರುವ ನಯನ ತಾರಾ ಹೈದರಾಬಾದ್, ಚೆನ್ನೈ ಮತ್ತು ತಿರುವಂತನಂತಪುರಗಳಲ್ಲಿ ಮನೆ ಹೊಂದಿದ್ದಾರೆ. 

ನಯನ ತಾರಾ ಅವರ ಹೈದರಾಬಾದ್ ಮನೆಯ ಬೆಲೆ 15 ಕೋಟಿ ಎಂದು ಹೇಳಲಾಗುತ್ತದೆ. ಚೆನ್ನೈನಲ್ಲಿ 4 ಬಿಎಚ್ ಕೆ ಮನೆ ಇದೆ. ಇದಲ್ಲದೆ ನಯನ ತಾರಾ ಖಾಸಗಿ ಜೆಟ್ ಖರೀದಿ ಮಾಡಿದ್ದಾರೆ ಎಂದು ತಿಳಿದುಬಂದಿದೆ.

ನಯನ ತಾರಾ ತನ್ನ ಪತಿ ವಿಘ್ನೇಶ್ ಅವರಿಗಿಂತಲೂ ಸಿರಿವಂತೆ. ನಯನ ತಾರಾ ಅವರ ಒಟ್ಟು ಆಸ್ತಿಯ ಮೌಲ್ಯ 165 ಕೋಟಿಯಾದರೆ ವಿಘ್ನೇಶ್ ಅವರ ಆಸ್ತಿಯ ಮೌಲ್ಯ ಕೇವಲ 50 ಕೋಟಿ ರೂಪಾಯಿ ಎನ್ನಲಾಗಿದೆ.