ಕಲ್ಟ್ ಸಿನಿಮಾಕ್ಕೆ ರಚಿತಾ ರಾಮ್ ಪಡೆಯುತ್ತಿರುವ ಸಂಭಾವನೆ ಎಷ್ಟು ಗೊತ್ತಾ? ಕನ್ನಡದಲ್ಲಿ ಅತಿ ಹೆಚ್ಚು ಸಂಭಾವನೆ ಇದೇನಾ?

ಗುಳಿ ಕೆನ್ನೆಯ ಸುಂದರಿ ರಚಿತಾ ರಾಮ್ ಸಿನಿಮಾ ಕೆರಿಯರ್ ಮುಗಿದೋಯ್ತು, ಇನ್ನೇನಿದ್ರೂ ಅವರು ಕಿರುತೆರೆಗೆ ಸೀಮಿತಾ ಅನ್ನುವವರಿಗೆ ಸಖತ್ ತಿರುಗೇಟು ಕೊಟ್ಟಿದ್ದಾರೆ ಡಿಂಪಲ್ ಕ್ವೀನ್. ಹೊಸ ಚಿತ್ರದೊಂದಿಗೆ ಭರ್ಜರಿಯಾಗಿಯೇ ಕಮ್ ಬ್ಯಾಕ್ ಆಗುತ್ತಿದ್ದಾರೆ.

ಉದಯೋನ್ಮುಖ ನಾಯಕ ನಟ ಝೈದ್ ಖಾನ್ ಅವರ ಎರಡನೇ ಚಿತ್ರ ‘ಕಲ್ಟ್’ ಸಿನಿಮಾ ಮೂಲಕ ರಚಿತಾ ರಾಮ್ ಅವರು ಮತ್ತೊಮ್ಮೆ ಬಿಗ್ ಸ್ಕ್ರೀನ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. 

ರಚಿತಾ ರಾಮ್ ಕಮ್ ಬ್ಯಾಕ್ ಆಗುತ್ತಿದ್ದಾರೆ ಎನ್ನುವುದಕ್ಕಿಂತಲೂ ಅವರು 'ಕಲ್ಟ್' ಚಿತ್ರದಲ್ಲಿ ಸಖತ್ ಸಂಭಾವನೆ ಪಡೆಯುತ್ತಿದ್ದಾರೆ ಎನ್ನುವುದೇ ಸದ್ಯದ ಹಾಟ್ ನ್ಯೂಸ್. 

ಗಾಂಧಿನಗರದ ಮೂಲಗಳ ಪ್ರಕಾರ ರಚಿತಾ ರಾಮ್ ‘ಕಲ್ಟ್’ ಸಿನಿಮಾ ಮೂಲಕ ಸ್ಯಾಂಡಲ್ ವುಡ್ ನಲ್ಲಿ ಹೊಸ ದಾಖಲೆ ಬರೆಯುತ್ತಿದ್ದಾರೆ. ಅದು ಸಂಭಾವನೆ ಪಡೆಯುವ ವಿಷಯದಲ್ಲಿ.   

‘ಕಲ್ಟ್’ ಸಿನಿಮಾಕ್ಕೆ ರಚಿತಾ ರಾಮ್ ಬರೋಬ್ಬರಿ ಒಂದು ಕೋಟಿ ರೂಪಾಯಿಗಳ ಸಂಭಾವನೆ ಪಡೆಯುತ್ತಿದ್ದಾರಂತೆ. ಇದು ಸ್ಯಾಂಡಲ್ ವುಡ್ ಮಟ್ಟಿಗೆ ದಾಖಲೆಯೇ ಸರಿ.   

ಕನ್ನಡದ ನಿರ್ಮಾಪಕರು ಇಲ್ಲಿಯವರೆಗೆ ಅನೇಕ ಬಾಲಿವುಡ್ ನಟಿಯರನ್ನು ಕರೆಸಿದ್ದಾರೆ. ಅವರಿಗೆ ಸಿಕ್ಕಾಪಟ್ಟೆ ದುಡ್ಡು ಕೊಟ್ಟಿರಬಹುದು. ಆದರೆ ಅಪ್ಪಟ ಕನ್ನಡದ ನಟಿಯರಿಗೆ ಇಷ್ಟು ಸಂಭಾವನೆ ಕೊಡುತ್ತಿರುವುದು ಇದೇ ಮೊದಲು.

ಹಿಂದೆ ಮೋಹಕ ತಾರೆ ರಮ್ಯಾ ಮತ್ತು ನ್ಯಾಷನಲ್ ಕ್ರಷ್ ರಶ್ಮಿಕಾ ಮಂದಣ್ಣ ಅವರಿಗೂ ಕನ್ನಡದ ಚಿತ್ರಗಳಿಗೆ ಇಷ್ಟೊಂದು ಸಂಭಾವನೆ ಸಿಕ್ಕಿರಲಿಲ್ಲ. ರಚಿತಾ ರಾಮ್ ಈ ನಿಟ್ಟಿನಲ್ಲಿ ಹೊಸ ಸಾಧನೆ ಮಾಡುತ್ತಿದ್ದಾರೆ.

ಸಾಮಾನ್ಯವಾಗಿ ಸಿನಿಮಾ ನಟ-ನಟಿಯರು ತಮ್ಮ ಸಂಭಾವನೆ ಬಗ್ಗೆ ಅಧಿಕೃತವಾಗಿ ಹೇಳುವುದಿಲ್ಲ. ಕಲ್ಟ್ ಸಿನಿಮಾ ಚಿತ್ರ ತಂಡ ಕೂಡ ಇದನ್ನು ಅಧಿಕೃತವಾಗಿ ಹೇಳಿಲ್ಲ. ಆದರೆ, ಸಂಭಾವನೆ ವಿಚಾರದಲ್ಲಿ ನಟಿ ರಚಿತಾ ರಾಮ್ ಹೊಸ ದಾಖಲೆ ಬರೆದಿದ್ದಾರೆ ಎಂಬ ಟಾಕ್ ಜೋರಾಗಿದೆ.