ಖ್ಯಾತ ನಟನ ಕೆನ್ನೆಗೆ ಬಾರಿಸಿದ ನಟಿ ಐಶ್ವರ್ಯಾ ರೈ ಬಚ್ಚನ್ !?

ಐಶ್ವರ್ಯಾ ರೈ 1994 ರಲ್ಲಿ ವಿಶ್ವ ಸುಂದರಿ ಪಟ್ಟ ಗೆದ್ದರು. ಆ ಬಳಿಕ ತಮಿಳು ಚಿತ್ರರಂಗದ ಮೂಲಕ ತಮ್ಮ ವೃತ್ತಿ ಬದುಕನ್ನು ಆರಂಭಿಸಿ, ಸಿನಿರಂಗಕ್ಕೆ ಕಾಲಿಟ್ಟರು. 

ತಮಿಳಿನ ಟಾಪ್ ನಟನ ಕೆನ್ನೆಗೆ ಐಶ್ವರ್ಯಾ ರೈ ಹೊಡೆದ ಬಗ್ಗೆ ವದಂತಿಯೊಂದು ಆ ಕಾಲದಲ್ಲಿ ಹಬ್ಬಿತ್ತು.   

ವರದಿಗಳ ಪ್ರಕಾರ, ಐಶ್ವರ್ಯಾ ರೈ ತಮಿಳಿನ ಸಿನಿಮಾ ಒಂದರ ಶೂಟಿಂಗ್ ವೇಳೆ ಕಾಲಿವುಡ್‌ ಖ್ಯಾತ ನಟನ ಕೆನ್ನೆಗೆ ಬಾರಿಸಿದ್ದರಂತೆ ಎಂದು ಹೇಳಲಾಗಿತ್ತು. 

ಐಶ್ವರ್ಯಾ ರೈ ಜೊತೆಗೆ ಸಿನಿಮಾದ ಪಾರ್ಟಿಯೊಂದರಲ್ಲಿ ಈ ಖ್ಯಾತ ನಟ ಅನುಚಿತವಾಗಿ ವರ್ತಿಸಿದ ಕಾರಣ ಕೆನ್ನೆಗೆ ಬಾರಿಸಿದ್ದರೆಂಬ ಗುಲ್ಲು ಹಬ್ಬಿತ್ತು. 

ಈ ವದಂತಿಗಳು ಐಶ್ವರ್ಯಾ ರೈ ಅಭಿಮಾನಿಗಳ ಅಚ್ಚರಿಗೆ ಕಾರಣವಾಗಿತ್ತು. 'ಕಂಡುಕೊಂಡೈನ್ ಕಂಡುಕೊಂಡೈನ್' ಸಿನಿಮಾದಲ್ಲಿ ಐಶ್ವರ್ಯಾ ರೈ ನಟಿಸುವಾಗ ಈ ವಿಚಾರ ವೈರಲ್‌ ಆಗಿತ್ತು. 

ಈ ಸಿನಿಮಾದಲ್ಲಿ ಮೂವರು ಸ್ಟಾರ್ ನಟರು ಅಭಿನಯಿಸಿದ್ದರು. ಮಲಯಾಳಂ ಸೂಪರ್‌ಸ್ಟಾರ್ ಮಮ್ಮುಟ್ಟಿ, ತಮಿಳಿನ ಸೂಪರ್‌ಸ್ಟಾರ್ ಅಜಿತ್ ಕುಮಾರ್ ಹಾಗೂ ತಮಿಳು ಸ್ಟಾರ್ ನಟ ಅಬ್ಬಾಸ್. 

ಈ ಮೂವರಲ್ಲಿ ಐಶ್ವರ್ಯಾ ರೈ ಯಾರ ಕೆನ್ನೆಗೆ ಬಾರಿಸಿದರು ಎಂಬ ಪ್ರಶ್ನೆ ಎದ್ದಾಗ ಅಬ್ಬಾಸ್ ಹೆಸರು ಜೋರಾಗಿ ಕೇಳಿಬಂದಿತ್ತು. ಆದರೆ ಇದು ಕೇವಲ ಊಹಾಪೋಹವಾಗಿದ್ದು, ಇಂದಿಗೂ ಸರಿಯಾದ ಸ್ಪಷ್ಟನೆ ಸಿಕ್ಕಿಲ್ಲ.