ವಿಚ್ಛೇದನ ವದಂತಿಗಳ ನಡುವೆ ಮಗಳೊಂದಿಗೆ ನ್ಯೂಯಾರ್ಕ್‌ಗೆ ಹಾರಿದ ಐಶ್ವರ್ಯ ರೈ..ದೂರವಾಗಿಯೇ ಬಿಟ್ರಾ ದಂಪತಿ..?
ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ಬಹಳ ಸಮಯದಿಂದ ವಿಚ್ಛೇದನ ಸುದ್ದಿಗಳಿಂದ ಭಾರಿ ಸುದ್ದಿಯಲ್ಲಿದ್ದಾರೆ. ಇಬ್ಬರಿಗೂ ಮದುವೆಯಾಗಿ 17 ವರ್ಷಗಳಾಗಿವೆ ಮತ್ತು ದಂಪತಿಗೆ ಮುದ್ದಾದ ಮಗಳಿದ್ದಾಳೆ, ಅವರ ಹೆಸರು ಆರಾಧ್ಯ. ಕೆಲವು ದಿನಗಳಿಂದ ಐಶ್-ಅಭಿಷೇಕ್ ಜೋಡಿಯ ಬಗ್ಗೆ ಅಭಿಮಾನಿಗಳು ಚಿಂತಿತರಾಗಿದ್ದಾರೆ. ಬಚ್ಚನ್ ಕುಟುಂಬ ಮತ್ತು ಐಶ್ವರ್ಯಾ ರೈ ನಡುವೆ ಬಹಳ ದಿನಗಳಿಂದ ಜಗಳ ನಡೆಯುತ್ತಿರುವುದರಿಂದ ದಂಪತಿಗಳು ಪರಸ್ಪರ ವಿಚ್ಛೇದನ ಪಡೆಯಲು ಬಯಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಅಂಬಾನಿ ಕುಟುಂಬದ ಮದುವೆಯಲ್ಲಿ, ದಂಪತಿಗಳು ಪ್ರತ್ಯೇಕವಾಗಿ ಆಗಮಿಸಿದರು ಮತ್ತು ನಂತರ ನಟಿ ತನ್ನ ಏಕೈಕ ಪುತ್ರಿಯೊಂದಿಗೆ ಕಾಣಿಸಿಕೊಂಡರು. ಈ ಸುದ್ದಿ ಜನರ ಮನಸ್ಸಿನಲ್ಲಿ ಅನುಮಾನ ಮೂಡಿಸಿತ್ತು. ಇನ್ನೂ, ಅಭಿಷೇಕ್ ಎಕ್ಸ್‌ನಲ್ಲಿ ವಿಚ್ಛೇದನದ ಪೋಸ್ಟ್ ಅನ್ನು ಲೈಕ್‌ ಕೊಟಾಗ ಈ ವದಂತಿಗಲಿಗೆ ಇನ್ನಷ್ಟು ಪು಼ಷ್ಠಿ ನೀಡಿತ್ತು. ಈ ವದಂತಿಗಳ ನಡುವೆ ಇದೀಗ ನಟಿ ಮಗಳ ಜೊತೆ ನ್ಯೂಯಾರ್ಕ್‌ನಲ್ಲಿರುವುದು ಬೆಳಕಿಗೆ ಬಂದಿದೆ.
ವಿಚ್ಛೇದನದ ವದಂತಿಗಳ ನಡುವೆ, ಐಶ್ವರ್ಯಾ ರೈ ನ್ಯೂಯಾರ್ಕ್‌ನಲ್ಲಿ ತನ್ನ ಕುಟುಂಬ ಮತ್ತು ಪತಿಯಿಂದ ದೂರವಿದ್ದು, ರಜೆಯನ್ನು ಆನಂದಿಸುತ್ತಿದ್ದಾರೆ. ಬಚ್ಚನ್ ಕುಟುಂಬದೊಂದಿಗಿನ ಜಗಳದ ವರದಿಗಳ ನಡುವೆ, ಸುಮಾರು 15 ದಿನಗಳ ನಂತರ ಐಶ್ವರ್ಯಾ ಮೊದಲ ಬಾರಿಗೆ ಕಾಣಿಸಿಕೊಂಡಿದ್ದಾರೆ. ಇತ್ತೀಚೆಗೆ ಅವರು ನ್ಯೂಯಾರ್ಕ್‌ನಲ್ಲಿ ತಮ್ಮ ಅಭಿಮಾನಿಯೊಬ್ಬರೊಂದಿಗೆ ಕಾಣಿಸಿಕೊಂಡರು.
ನ್ಯೂಯಾರ್ಕ್ ನಿವಾಸಿ ಜೆರ್ರಿ ರೇನಾ ಎಂಬ ಅಭಿಮಾನಿ ಐಶ್ವರ್ಯಾ ರೈ ಜೊತೆಗಿನ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಐಶ್ವರ್ಯಾ ಕೆಂಪು ಮತ್ತು ಕಪ್ಪು ಬಣ್ಣದ ಡ್ರೆಸ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರವು ರೆಸ್ಟೋರೆಂಟ್‌ನಲ್ಲಿರುವಂತೆ ತೋರುತ್ತಿದೆ. ಚಿತ್ರದಲ್ಲಿ ನಟಿ ಅಭಿಮಾನಿಯೊಂದಿಗೆ ನಗುತ್ತಿರುವಂತೆ ಕಾಣಿಸಿಕೊಂಡಿದ್ದಾರೆ.
"ಜೀವನದಲ್ಲಿ ನಿಮ್ಮ ಆರಾಧ್ಯರನ್ನು ಭೇಟಿಯಾಗುವುದು ನನ್ನ ಅದೃಷ್ಟ, ಯಾವಾಗಲೂ ನನ್ನೊಂದಿಗೆ ದಯೆ ತೋರಿದ್ದಕ್ಕಾಗಿ ಧನ್ಯವಾದಗಳು ಆಶ್. ನನ್ನ ಜೀವನದಲ್ಲಿ ನಿಮ್ಮ ಪ್ರಭಾವದ ಬಗ್ಗೆ ನಾನು ನಿಮಗೆ ಹೇಳಿದಾಗ, ನೀವು ಬಹಳ ಎಚ್ಚರಿಕೆಯಿಂದ ಆಲಿಸಿದ್ದೀರಿ. ಇದಕ್ಕಾಗಿ ನಿಮಗೆ ಧನ್ಯವಾದ ಹೇಳುವುದು ನನ್ನ ಕನಸಾಗಿತ್ತು. ಈ ಜಗತ್ತಿನಲ್ಲಿ ನಿಮಗೆ ಎಲ್ಲಾ ಸಂತೋಷ ಸಿಗಲಿ ಎಂದು ನಾನು ಬಯಸುತ್ತೇನೆ" ಎಂದು ಬರೆಯುವ ಮೂಲಕ ಐಶ್ವರ್ಯ ಅವರ ಅಭಿಮಾನಿ ಪೋಸ್ಟ್ ಹಂಚಿಕೊಂಡಿದ್ದಾರೆ.
ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಮದುವೆಯಲ್ಲಿ ಭಾಗವಹಿಸಿದ ನಂತರ ಐಶ್ವರ್ಯಾ ತಕ್ಷಣ ಮುಂಬೈನಿಂದ ಹೊರಗೆ ಹೋಗಿದ್ದರು. ನಟಿ ಮಗಳು ಆರಾಧ್ಯ ಅವರೊಂದಿಗೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಮದುವೆಯಲ್ಲಿ ಬಚ್ಚನ್ ಕುಟುಂಬದ ಪ್ರವೇಶದ ನಂತರ, ಅವರು ರೆಡ್ ಕಾರ್ಪೆಟ್ ಮೇಲೆ ನಡೆಯುವ ಮೂಲಕ ಸುದ್ದಿ ಮಾಡಿದರು. ಮದುವೆಯಲ್ಲಿ ರೇಖಾ ಜೊತೆ ಇರುವ ವಿಡಿಯೋ ಕೂಡ ವೈರಲ್ ಆಗಿತ್ತು.