Amy Jackson: ನಿಶ್ಚಿತಾರ್ಥ ಮಾಡಿಕೊಂಡ ದಿ-ವಿಲನ್ ಚೆಲುವೆ: ವರ ಯಾರು ಗೊತ್ತೇ?
ಬಹುಭಾಷಾ ನಟಿ ಸಿನಿಮಾಗಳಲ್ಲಿ ನಟಿ ಆಮಿ ಜಾಕ್ಸನ್ ತನ್ನ ಫ್ಯಾನ್ಸ್‌ಗೆ ಸಿಹಿ ಸುದ್ದಿ ನೀಡಿದ್ದು, ತಮ್ಮ ಬಹುಕಾಲದ ಗೆಳೆಯ, ನಟ, ಸಂಗೀತಗಾರ ಎಡ್ ವೆಸ್ಟ್‌ವಿಕ್ ಅವರೊಂದಿಗೆ ಎಂಗೇಜ್ ಆಗಿರುವ ವಿಚಾರವನ್ನು ಜನವರಿ 29ರಂದು ಸೋಮವಾರ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ಜೋಡಿ ಫೋಸ್ಟ್ ಹಂಚಿಕೊಂಡಿದ್ದಾರೆ.
ನಟಿ ಆಮಿ ಜಾಕ್ಸನ್‌ಗೆ ನಟ, ಸಂಗೀತಗಾರ ಎಡ್ ವೆಸ್ಟ್‌ವಿಕ್ ಸ್ವಿಟ್ಜರ್ಲೆಂಡ್‌ನಲ್ಲಿ ಸೇತುವೆಯೊಂದ ಮೇಲೆ ವೆಸ್ಟ್‌ವಿಕ್ ತನ್ನ ಮೊಣಕಾಲುಗಳ ಮೇಲೆ ಕುಳಿತು ಆಮಿ ಜಾಕಸನ್ ಅವರಿಗೆ ತಮ್ಮ ಪ್ರೇಮ ನಿವೇದನೆ ಮಾಡಿಕೊಂಡಿದ್ದಾರೆ.
ಬಹುಭಾಷಾ ತಾರೆ ಆಮಿ ಜಾಕ್ಸನ್ ಸೋಷಿಯಲ್‌ ಮಿಡಿಯಾದಲ್ಲಿ ಹಂಚಿಕೊಂಡಿರುವ ಫೋಟೋಗಳಲ್ಲಿ ನಟಿ ಬಿಳಿ ಸೂಟ್‌ನಲ್ಲಿ ಕಾಣಿಸಿಕೊಂಡಿದ್ದರೇ, ಇತ್ತ ಎಡ್ ವೆಸ್ಟ್‌ವಿಕ್ ಬೂದು ಬಣ್ಣದ ಜಾಕೆಟ್, ಆಲಿವ್ ಹಸಿರು ಪ್ಯಾಂಟ್ ಮತ್ತು ಬೂಟುಗಳನ್ನು ಧರಿಸಿದ್ದರು.
ಆಮಿ ಜಾಕ್ಸನ್ ಹಾಗೂ ಎಡ್ ವೆಸ್ಟ್‌ವಿಕ್ ಒಬ್ಬರನ್ನೊಬ್ಬರು ಖುಷಿಯಿಂದ ತಬ್ಬಿಕೊಂಡು ಕ್ಯಾಮರಾಗೆ ಪೋಸ್ ನೀಡಿದ್ದಾರೆ.
ಆಮಿ ಜೊತೆಗೆ ಎಂಗೇಜ್ ಆದ ಜ್ಯಾಕ್ ಪೀಟರ್ ವೆಸ್ಟ್‌ವಿಕ್ ಒಬ್ಬ ಇಂಗ್ಲಿಷ್ ನಟ ಮತ್ತು ಸಂಗೀತಗಾರ, ಗಾಸಿಪ್ ಗರ್ಲ್‌ನಲ್ಲಿ ಚಕ್ ಬಾಸ್ ಪಾತ್ರಕ್ಕಾಗಿ ಮತ್ತು ವೈಟ್ ಗೋಲ್ಡ್ ಟಿವಿ ಸರಣಿಯಲ್ಲಿ ವಿನ್ಸೆಂಟ್ ಸ್ವಾನ್ ಪಾತ್ರಕ್ಕೆ ಹೆಸರುವಾಸಿಯಾಗಿದ್ದಾರೆ.
ದಿ-ವಿಲನ್ ಸುಂದರಿ ಆಮಿ ಜಾಕ್ಸನ್ ಮುಂದಿನ ಚಿತ್ರ ಆಮಿ ಜಾಕ್ಸನ್ ತನ್ನ ಮುಂಬರುವ ಆಕ್ಷನ್ ಥ್ರಿಲ್ಲರ್ ಚಿತ್ರ 'ಕ್ರಾಕ್' ಅನ್ನು ಘೋಷಿಸಿದ ಕೇವಲ ಒಂದು ತಿಂಗಳ ನಂತರ ಈ ಎಂಗೇಜ್ ಸುದ್ದಿ ಬಂದಿದೆ.
ನಟಿ ಆಮಿ ಜಾಕ್ಸನ್ ಕನ್ನಡದ 'ದಿ ವಿಲನ್', ಸಿಂಗ್ ಈಸ್ ಬ್ಲಿಂಗ್, ಏಕ್ ದೀವಾನಾ ಥಾ ಮುಂತಾದ ಬಾಲಿವುಡ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ತಮಿಳಿನ 'ಐ', ಮದ್ರಾಸಿಪಟ್ಟಣಂ ಸೇರಿ ಅನೇಕ ಸಿನಿಮಾಗಳ ಮೂಲಕ ಸೌತ್ ಸಿನಿ ಪ್ರೇಮಿಗಳ ಮನಗೆದ್ದ ಈ ಬೆಡಗಿ ಈಗ ತಮ್ಮ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ.