ಆಂಕರ್ ಅನುಶ್ರೀ ವೆಡ್ಡಿಂಗ್ ಕಾರ್ಡ್ ರಿವೀಲ್‌! ಲಗ್ನ ಪತ್ರಿಕೆಗೆ ಪೂಜೆಯೂ ಮುಗಿದೋಯ್ತು!
ಅನುಶ್ರೀ ಕನ್ನಡ ಕಿರುತೆರೆಯ ಬಹುಬೇಡಿಕೆಯ ನಿರೂಪಕಿ. ಅನುಶ್ರೀ ಮದುವೆ ವಿಚಾರ ಸಾಕಷ್ಟು ಸುದ್ದಿಯಾಗುತ್ತಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಅನುಶ್ರೀ ಮದುವೆಯ ಮತ್ತೊಂದು ವಿಚಾರ ಈಗ ವೈರಲ್‌ ಆಗಿದೆ. ಅನುಶ್ರೀ 2025 ರ ಮಾರ್ಚ್‌ನಲ್ಲಿ ಮದುವೆ ಆಗಲಿದ್ದೇನೆ ಎಂದಾಗಿನಿಂದ ಒಂದಲ್ಲ ಒಂದು ಸಂಗತಿ ವೈರಲ್‌ ಆಗುತ್ತಲೇ ಇದೆ.
ಈಗ ಡ್ಯಾನ್ಸ್‌ ಕರ್ನಾಟಕ ಡ್ಯಾನ್ಸ್‌ ವೇದಿಕೆ ಮೇಲೆಯೇ ಅನುಶ್ರೀ ಮದುವೆಯ ವೆಡ್ಡಿಂಗ್ ಕಾರ್ಡ್ ರಿವೀಲ್‌ ಆಗಿದೆ. ಅನುಶ್ರೀ ಮದುವೆಯ ಲಗ್ನ ಪತ್ರಿಕೆಯ ಪೂಜೆ ಕೂಡ ನಡೆದಿದೆ.
ದೇವಸ್ಥಾನಕ್ಕೆ ಹೋಗಿ, ಟ್ರೆಡಿಷನಲ್ ಲುಕ್‌ನಲ್ಲಿ ಬಂದ ಗಿಲ್ಲಿ ನಟ ಅನುಶ್ರೀ ಅವರನ್ನು ಸಿಕ್ಕಾಪಟ್ಟೆ ರೇಗಿಸಿದ್ದಾರೆ. ನನ್ನನ್ನು ಅಕ್ಕ ಅಂತಿಯೆಲ್ಲೋ, ಈ ಅಕ್ಕನಿಗೆ ಏನು ಪೂಜೆ ಮಾಡಿಸಿಕೊಂಡು ಬಂದಿಲ್ವೇನೋ ? ಎಂದು ಅನುಶ್ರೀ ಕೇಳಿದ್ದಾರೆ.
ಇದಕ್ಕೆ ಗಿಲ್ಲಿ ನಟ ಇರಿ ಅಕ್ಕ ಎನ್ನುತ್ತಲೇ ವೆಡ್ಡಿಂಗ್ ಕಾರ್ಡ್ ತರಿಸಿದ್ದಾರೆ. ಆ ರೇಂಜಿಗೆ ಬಂದ ವೆಡ್ಡಿಂಗ್ ಕಾರ್ಡ್ ನೋಡಿ ಅನುಶ್ರೀ ಫುಲ್‌ ಶಾಕ್‌ ಆಗಿದ್ದಾರೆ.
ವೇದಿಕೆಗೆ ತಂದ ವೆಡ್ಡಿಂಗ್ ಕಾರ್ಡ್ ಅನ್ನು ಗಿಲ್ಲಿ ಎಲ್ಲರಿಗೂ ತೋರಿಸಿದ್ದಾರೆ. ಇದು ಸ್ಪೆಷಲ್‌ ವೆಡ್ಡಿಂಗ್ ಕಾರ್ಡ್ ಎಂದಿದ್ದಾರೆ. ಆ ಕಾರ್ಡ್ ನೋಡಿದರೆ ಏನು ಪ್ರಿಂಟ್ ಆಗಿಲ್ಲ. ತೆಗೆದು ನೋಡಿದಾಗ ಖಾಲಿ ಇದೆ.
ಅನುಶ್ರೀ ಇದಕ್ಕೆ ಶಾಕ್‌ ಆಗಿ ಒಳಗೆ ಹೊರಗೆ ಎರಡೂ ಕಡೆ ಖಾಲಿ ಇದೆ. ಅದಕ್ಕೆ ನಿಮ್ಮ ಕೈ ಗೆ ಕೊಟ್ಟಿರುವುದು ಬೇಗ ಪ್ರಿಂಟ್ ಹಾಕಿಸಿ ಎಂದು ಗಿಲ್ಲಿ ಹೇಳಿದ್ದಾರೆ.
ಮದುವೆ ಆಗಬೇಕೆಂದು ನಿರ್ಧಾರ ಮಾಡಿದ್ದೇನೆ ಎಂದು ಅನುಶ್ರೀ ಹೇಳಿದ್ದರು. ಹುಡುಗ ಯಾರು, ಮದುವೆ ಯಾವಾಗ ಎಂಬುದನ್ನು ಪುನೀತ್‌ ರಾಜ್‌ಕುಮಾರ್‌ ಹುಟ್ಟು ಹಬ್ಬದ ದಿನ ಅಂದರೆ ಮಾರ್ಚ್ 17ರಂದು ಅನೌನ್ಸ್ ಮಾಡಲಿದ್ದಾರೆ ಎನ್ನಲಾಗಿದೆ.