BBK 11: ಮೊದಲ ವಾರವೇ ಈ ಒಂದು ಕಾರಣಕ್ಕೆ ಮನೆಯಿಂದ ಹೊರ ಹೋಗ್ತಾರಾ ರಜತ್‌ ಕಿಶನ್‌ ?
ಬಿಗ್‌ ಬಾಸ್‌ ಕನ್ನಡ ಸೀಸನ್‌ 11 ರಲ್ಲಿ ಮೂರನೇ ವೈಲ್ಡ್‌ ಕಾರ್ಡ್‌ ಸ್ಪರ್ಧಿಯಾಗಿ ಎಂಟ್ರಿಕೊಟ್ಟ ರಜತ್‌ ಕಿಶನ್‌ ಸಾಕಷ್ಟು ಸುದ್ದಿಯಲ್ಲಿದ್ದಾರೆ. ಮೊದಲ ವಾರವೇ ಈ ಒಂದು ಕಾರಣಕ್ಕೆ ರಜತ್‌ ಔಟ್‌ ಆಗ್ತಾರಾ ಎಂಬ ಪ್ರಶ್ನೆ ಮೂಡಿದೆ.
ಬಿಗ್‌ ಬಾಸ್‌ ಕನ್ನಡ ಸೀಸನ್‌ 11 ಶುರುವಾಗಿ 8 ನೇ ವಾರ ನಡೆಯುತ್ತಿದೆ. ಶೋಭಾ ಮತ್ತು ರಜತ್‌ ವೈಲ್ಡ್‌ ಕಾರ್ಡ್‌ ಎಂಟ್ರಿ ಬಳಿಕ ಬಿಗ್‌ ಬಾಸ್‌ ಆಟಕ್ಕೆ ತಿರುವು ಸಿಕ್ಕಿದೆ.
ಇಬ್ಬರೂ ಗೇಮ್‌ ಚೇಂಜರ್‌ಗಳಂತೆ ಕಾಣುತ್ತಿದ್ದು, ತಮ್ಮ ಆಟದ ಶೈಲಿಯ ಮೂಲಕ ಒಂದೇ ವಾರದಲ್ಲಿಯೇ ಜನರ ಮೇಲೆ ಪ್ರಭಾವ ಬೀರಿದ್ದಾರೆ.
ರಜತ್‌ ಕಿಶನ್‌ ಮತ್ತು ಗೋಲ್ಡ್‌ ಸುರೇಶ್‌ ನಡುವೆ ಟಾಸ್ಕ್‌ ಮಧ್ಯೆ ಒಂದು ಬಿಗ್‌ ಫೈಟ್‌ ನಡೆಯಿತು. ಈ ವೇಳೆ ರಜತ್‌ ತಮ್ಮ ನಿಯಂತ್ರಣ ಕಳೆದುಕೊಂಡಂತಿತ್ತು.
ಜಗಳದ ವೇಳೆ ರಜತ್‌ ಕೆಟ್ಟ ಪದಗಳನ್ನು ಬಳಕೆ ಮಾಡಿದ್ದಾರೆ ಎಂಬುದು ಸುರೇಶ್‌ ಸೇರಿದಂತೆ ಮನೆಯ ಇತರ ಸ್ಪರ್ಧಿಗಳ ಆರೋಪವಾಗಿದೆ.
ಈ ರೀತಿ ಪದೆ ಪದೇ ಕೆಟ್ಟ ಪದಗಳನ್ನು ಬಳಸಿಯೇ ಲಾಯರ್‌ ಜಗದೀಶ್‌ ಮನೆಯಿಂದ ಆಚೆ ಹೋಗಿದ್ದರು. ಇದೀಗ ರಜತ್‌ ಕೂಡ ಸುಲಭವಾಗಿ ಆವೇಶಕ್ಕೆ ಒಳಗಾಗುತ್ತಿದ್ದಾರೆ.
ಟಾಸ್ಕ್‌ ಬಳಿಕ ವಾರದ ಕಳಪೆ ಮತ್ತು ಉತ್ತಮ ಪಟ್ಟ ಕೊಡುವ ಸಮಯದಲ್ಲಿಯೂ ರಜತ್‌ ಮತ್ತೇ ಅದೆ ಕೆಟ್ಟ ಪದ ಬಳಸಿ ಸುರೇ ಅವರನ್ನ ನಿಂದಿಸಿದ್ದಾರೆ.
ಈ ಹಿನ್ನೆಲೆ ಸುದೀಪ್‌ ವಾರದ ಪಂಚಾಯ್ತಿಯಲ್ಲಿ ವಿಚಾರವನ್ನು ಪ್ರಸ್ತಾಪ ಮಾಡಬಹುದು ಎಂಬುದು ಹಲವು ಬಿಗ್‌ ಬಾಸ್‌ ವೀಕ್ಷಕರ ಅಭಿಪ್ರಾಯ.
ಅಲ್ಲದೇ ಇದೇ ರೀತಿ ಪದೆ ಪದೇ ಕೆಟ್ಟ ಪದಗಳನ್ನು ಬಳಸಿದರೆ ಮುಂದೊಂದು ದಿನ ರಜತ್‌ ಅವರ ಆಟದ ಮೇಲೆ ನೆಗೆಟಿವ್‌ ಎಫೆಕ್ಟ್‌ ಬೀಳಬಹುದು ಎಂಬುದು ಬಿಗ್‌ ಬಾಸ್‌ ವೀಕ್ಷಕರ ಅಭಿಪ್ರಾಯ.