ಈ ತಳಿಯ ನಾಯಿಗಳನ್ನು ಸಾಕಿದ್ರೆ ನಿಮ್ಮ ಮನೆಗೆ Z+ ಸೆಕ್ಯೂರಿಟಿ ಇದ್ದಂತೆ..! ಮಕ್ಕಳಿಗೂ ರಕ್ಷಣೆ ನೀಡುತ್ತವೆ..

ಮನುಷ್ಯರು ಮತ್ತು ನಾಯಿಗಳ ನಡುವಿನ ಪ್ರೀತಿಯ ಬಾಂಧವ್ಯ ಸಾವಿರಾರು ವರ್ಷಗಳಿಂದಲೂ ಇದೆ. ನಾಯಿಗಳನ್ನು ಮನುಷ್ಯನ ಅತ್ಯುತ್ತಮ ಸ್ನೇಹಿತ ಎನ್ನಲಾಗುತ್ತದೆ. ನಾವು ಸಾಕುವ ನಾಯಿಗಳು ನಿಷ್ಠೆ, ವಾತ್ಸಲ್ಯ ಮತ್ತು ನಮ್ಮ ವಾಸಸ್ಥಾವನ್ನು ರಕ್ಷಿಸುತ್ತದೆ..   

ನಾಯಿಗಳ ನಿಷ್ಠೆ ಮತ್ತು ಬುದ್ಧಿವಂತಿಕೆಯನ್ನು ತೋರುವ ಅನೇಕ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿರುವುದನ್ನು ನಾವು ನೋಡಿದ್ದೇವೆ. ಕಳ್ಳರನ್ನು ಓಡಿಸುವ ನಾಯಿಗಳು, ಮನೆಯೊಳಗೆ ನುಗ್ಗಲು ಯತ್ನಿಸುವ ಹಾವುಗಳನ್ನು ಕಚ್ಚುವುದು, ಹಾವನ್ನು ಕೊಂದು ಪ್ರಾಣ ಬಿಡುವುದನ್ನು ಕೇಳಿದ್ದೇವೆ.  

ಹಾಗಾಗಿ ನಿಮ್ಮ ಮನೆ ಅಥವಾ ಇತರ ಯಾವುದೇ ಆಸ್ತಿಯನ್ನು ರಕ್ಷಿಸಲು ನೀವು ನಾಯಿಗಳನ್ನು ಸಾಕಲು ಬಯಸಿದರೆ, ರಕ್ಷಣೆಗಾಗಿ ಕೆಲವು ಪ್ರಸಿದ್ಧ ನಾಯಿ ತಳಿಗಳಿವೆ. ಜರ್ಮನ್ ಶೆಫರ್ಡ್‌ನಿಂದ ಬಾಕ್ಸರ್‌ವರೆಗೆ ಈ ತಳಿಯ ಶ್ವಾನಗಳನ್ನು ನೀವು ಖರೀದಿಸಬಹುದು.   

ಜರ್ಮನ್ ಶೆಫರ್ಡ್ ನಾಯಿಗಳು ತಮ್ಮ ನಿಷ್ಠೆ, ತಮ್ಮ ಮಾಲೀಕರ ಸುರಕ್ಷತೆ ಮತ್ತು ಬುದ್ಧಿವಂತಿಕೆಗೆ ಹೆಸರುವಾಸಿಯಾಗಿವೆ. ಕಾವಲು ನಾಯಿಗಳಾಗಿದ್ದರೂ, ಮಕ್ಕಳೊಂದಿಗೆ ಚೆನ್ನಾಗಿರುತ್ತಾರೆ.  

ಡಾಬರ್‌ಮ್ಯಾನ್ ಎಂದು ಕರೆಯಲ್ಪಡುವ ಈ ತಳಿಯು ಶ್ವಾನಗಳು ತುಂಬಾ ಶಕ್ತಿಯುತ. ತಮ್ಮ ಮಾಲೀಕರಿಗೆ ಬಹಳ ನಿಷ್ಠವಾಗಿರುತ್ತವೆ. ಈ ತಳಿಯ ನಾಯಿಯನ್ನು ಅತ್ಯುತ್ತಮ ಕಾವಲು ನಾಯಿ ಎಂದು ಹೇಳಲಾಗುತ್ತದೆ.   

ಬಾಕ್ಸರ್‌ಗಳು ನಿಷ್ಠಾವಂತ ಮತ್ತು ರಕ್ಷಣಾತ್ಮಕ ಶ್ವಾನ ತಳಿ. ಈ ತಳಿಯ ನಾಯಿಗಳು ಮಕ್ಕಳೊಂದಿಗೆ ಚೆನ್ನಾಗಿ ಹೊಂದಿಕೊಳ್ಳುತ್ತವೆ. ತಮಾಷೆಯ ಸ್ವಭಾವವನ್ನು ಹೊಂದಿರುತ್ತವೆ. ಇವು ಕುಟುಂಬಗಳಿಗೆ ಸೂಕ್ತವಾದ ನಾಯಿಗಳು.  

ರೊಟ್ವೀಲರ್ಗಳು ಆತ್ಮವಿಶ್ವಾಸ ಮತ್ತು ಭಯವಿಲ್ಲದ ನಾಯಿಗಳು. ಈ ರೀತಿಯ ನಾಯಿಗಳು ತಮ್ಮ ಮಾಲೀಕರನ್ನು ಬಹಳವಾಗಿ ರಕ್ಷಿಸುತ್ತವೆ, ಉತ್ತಮ ಒಡನಾಡಿಯಾಗಿ.  

ಗ್ರೇಟ್ ಡೇನ್ ನೋಡಲು ದೊಡ್ಡದಾದರೂ, ತುಂಬಾ ಸೌಮ್ಯವಾಗಿರುತ್ತವೆ. ಸ್ವಭಾವತಃ ರಕ್ಷಣಾತ್ಮಕ ಬುದ್ದಿಯನ್ನು ಹೊಂದಿರುವ ಈ ತಳಿಯ ಶ್ವಾನಗಳು, ಮಕ್ಕಳೊಂದಿಗೆ ಉತ್ತಮವಾಗಿರುತ್ತವೆ..  

ಬೆಲ್ಜಿಯನ್ ಮಾಲಿನೋಯಿಸ್ ತಳಿಯ ನಾಯಿ ತುಂಬಾ ಆಕ್ಟಿವ್‌. ಯಾವಾಗಲೂ ಜಾಗರೂಕವಾಗಿರುತ್ತವೆ. ಮಾಲೀಕರ ಕುಟುಂಬವನ್ನು ರಕ್ಷಿಸುವಲ್ಲಿ ಸದಾ ಮುಂದು.   

ಬುಲ್ಮಾಸ್ಟಿಫ್ ತಳಿಯ ನಾಯಿಗಳು ತಮ್ಮ ಮಾಲೀಕರನ್ನು ಬಹಳ ಜಾಗೃತೆ ಮತ್ತು ಪ್ರೀತಿಯಿಂದ ನೋಡಿಕೊಳ್ಳುತ್ತವೆ. ಕಾವಲು ನಾಯಿಗಳಾಗಿದ್ದರೂ, ಶಾಂತ ಮತ್ತು ಸೌಮ್ಯ ಸ್ವಭಾವಕ್ಕೆ ಹೆಸರುವಾಸಿ.  

ಅಕಿತಾ... ಇದು ಜಪಾನಿನ ನಾಯಿ ತಳಿ. ರಕ್ಷಣೆ, ಧೈರ್ಯ ಮತ್ತು ನಿಷ್ಠೆಗೆ ಹೆಸರುವಾಸಿಯಾಗಿವೆ. ತಮ್ಮನ್ನು ಪೋಷಿಸುವ ಕುಟುಂಬಕ್ಕೆ ಸರಾಗವಾಗಿ ಹೊಂದಿಕೊಳ್ಳುತ್ತವೆ.