Best Stocks to Buy: 1 ವರ್ಷದಲ್ಲಿ ಹೂಡಿಕೆದಾರರಿಗೆ ಬಂಪರ್ ರಿಟರ್ನ್ಸ್ ನೀಡಲಿರುವ 5 ಷೇರುಗಳು!

ಸೆಪ್ಟೆಂಬರ್ ಅಂತ್ಯದ ತ್ರೈಮಾಸಿಕದ ಅಂಕಿಅಂಶಗಳನ್ನು ಕಂಪನಿಗಳು ಬಿಡುಗಡೆ ಮಾಡುತ್ತಿವೆ. ಇಂತಹ ಪರಿಸ್ಥಿತಿಯಲ್ಲಿ ದೀರ್ಘಾವಧಿಯ ದೃಷ್ಟಿಕೋನದಿಂದ ಗುಣಮಟ್ಟದ ಸ್ಟಾಕ್‍ಗಳಲ್ಲಿ ಹಣ ಗಳಿಸಲು ಅವಕಾಶವಿದೆ. ದೀರ್ಘಾವಧಿಯ ದೃಷ್ಟಿಕೋನದಿಂದ ಕೆಲವು ಷೇರುಗಳಲ್ಲಿ ಹೂಡಿಕೆ ಮಾಡಲು ಬ್ರೋಕರೇಜ್ ಹೌಸ್‌ಗಳು ಹೂಡಿಕೆದಾರರಿಗೆ ಸಲಹೆ ನೀಡಿವೆ. ಈಗಾಗಲೇ ಹೂಡಿಕೆದಾರರಿಗೆ ಬಂಪರ್ ಲಾಭ ನೀಡಿರುವ 5 ಷೇರುಗಳು ಮುಂದಿನ 12 ತಿಂಗಳಲ್ಲಿ ಶೇ.49ವರೆಗೆ ಬಂಪರ್ ರಿಟರ್ನ್ಸ್ ನೀಡುವ ಸಾಧ‍್ಯತೆ ಇದೆ.

ಬ್ರೋಕರೇಜ್ ಸಂಸ್ಥೆ ನುವಾಮಾ ವೆಲ್ತ್ HPCL ಷೇರುಗಳ ಖರೀದಿಸಲು ಸಲಹೆ ನೀಡಿದೆ. ಇದರ ಟಾರ್ಗೆಟ್ ಪ್ರೈಸ್ 302 ರೂ. ನೀಡಲಾಗಿದೆ. ನವೆಂಬರ್ 7ರಂದು ಈ ಷೇರಿನ ಬೆಲೆ 209.80 ರೂ.ನಂತೆ ವಹಿವಾಟು ನಡೆಸುತ್ತಿದೆ. ಇದರಲ್ಲಿ ಹೂಡಿಕೆ ಮಾಡಿದ್ರೆ ಮುಂದಿನ ದಿನಗಳಲ್ಲಿ ಪ್ರತಿ ಷೇರಿಗೆ 99 ರೂ. ಅಥವಾ ಸುಮಾರು ಶೇ.49ರಷ್ಟು ಲಾಭ ಪಡೆಯಬಹುದು ಎಂದು ಹೇಳಲಾಗಿದೆ.

ನುವಾಮಾ ವೆಲ್ತ್ ಸಂಸ್ಥೆಯು Macrotech Developers ಷೇರುಗಳನ್ನು ಖರೀದಿಸಲು ಸಲಹೆ ನೀಡಿದೆ. ಈ ಷೇರಿನ ಟಾರ್ಗೆಟ್ ಪ್ರೈಸ್ 1,395 ರೂ. ನೀಡಲಾಗಿದೆ. ನವೆಂಬರ್ 7ರಂದು ಈ ಷೇರಿನ ಬೆಲೆ 926.65 ರೂ. ಇತ್ತು. ಹೂಡಿಕೆದಾರರು ಮುಂಬರುವ ಸಮಯದಲ್ಲಿ ಈ ಷೇರಿನ ಮೇಲೆ 443 ರೂ. ಅಥವಾ ಶೇ.46ರಷ್ಟು ಲಾಭ ಪಡೆಯಬಹುದು.

Kansai Nerolac ಷೇರುಗಳ ಮೇಲೆ ಹಣ ಹೂಡಿಕೆ ಮಾಡಲು ಬ್ರೋಕರೇಜ್ ಸಂಸ್ಥೆ ಆನಂದ್ರಾತಿ ಸಲಹೆ ನೀಡಿದೆ. ಈ ಷೇರಿನ ಟಾರ್ಗೆಟ್ ಬೆಲೆಯನ್ನು 610 ರೂ.ಗೆ ನಿಗದಿಪಡಿಸಲಾಗಿದೆ. ನ.7ರಂದು ಈ ಸ್ಟಾಕ್ 455.45 ರೂ.ನಂತೆ ವಹಿವಾಟು ನಡೆಸಿದೆ. ಹೂಡಿಕೆದಾರರು ಮುಂಬರುವ ದಿನಗಳಲ್ಲಿ ಇದರ ಪ್ರತಿ ಷೇರಿಗೆ 162 ರೂ. ಅಥವಾ ಶೇ.36ರಷ್ಟು ಲಾಭ ಪಡೆಯುವ ಸಾಧ್ಯತೆಯಿದೆ.

ಬ್ರೋಕರೇಜ್ ಸಂಸ್ಥೆ ಆನಂದ್ರಾತಿ Dalmia Bharat ಷೇರುಗಳ ಖರೀದಿಸಲು ಸಲಹೆಯನ್ನು ನೀಡಿದೆ. ನ.7ರಂದು ಈ ಷೇರು 1,763.80 ರೂ.ನಂತೆ ವಹಿವಾಟು ನಡೆಸುತ್ತಿತ್ತು. ಈ ಸ್ಟಾಕ್‌ನ ಟಾರ್ಗೆಟ್ ಪ್ರೈಸ್ 2160 ರೂ. ನೀಡಲಾಗಿದೆ. ಹೀಗಾಗಿ ಇದೀಗ ಹೂಡಿಕೆ ಮಾಡುವವರು ಪ್ರತಿ ಷೇರಿಗೆ 418 ರೂ. ಅಥವಾ ಶೇ.24ರವರೆಗೆ ಲಾಭ ಪಡೆಯುವ ಸಾಧ್ಯತೆಯಿದೆ.