ಬಿಗ್ ಬಾಸ್ ಶಾಕಿಂಗ್‌ ಎಲಿಮಿನೇಷನ್.. ನೇರ ಮಾತಿನಿಂದಲೇ ಜನರ ಮನಗೆದ್ದ ಈ ಸ್ಪರ್ಧಿಯೇ ಔಟ್.. ಒಬ್ರು ಹೋದ್ರು ಇಬ್ರು ಬಂದ್ರು!
Bigg Boss Kannada 11 Elimination: ಕನ್ನಡ ಬಿಗ್ ಬಾಸ್ ನಲ್ಲಿ ಶಾಕಿಂಗ್‌ ಎಲಿಮಿನೇಷನ್ ನಡೆದಿದೆ. ಯಾರೂ ಊಹಿಸಿರದ ಸ್ಪರ್ಧಿ ಔಟ್ ಆಗಿ ಮನೆಯಿಂದ ಆಚೆ ಬಂದಿದ್ದಾರೆ.
ಕಿಚ್ಚ ಸುದೀಪ್ ಏಳನೇ ವಾರ ಪಂಚಾಯ್ತಿ ನಡೆಸಿದ್ದಾರೆ. ಚೈತ್ರ ಕುಂದಾಪುರಗೆ ಹಿಗ್ಗಮುಗ್ಗ ಕ್ಲಾಸ್‌ ತೆಗೆದುಕೊಂಡಿದ್ದಾರೆ. ಇದರ ಜೊತೆಗೆ ಎಲಿಮಿನೇಷನ್ ಪ್ರಕ್ರಿಯೆ ಕೂಡ ನಡೆದಿದೆ.
ಅನುಷಾ, ಭವ್ಯ, ಮಂಜು, ಧನರಾಜ್, ಧರ್ಮ, ಗೌತಮಿ, ಹನುಮಂತ, ಮೋಕ್ಷಿತಾ, ಸುರೇಶ್ ಮತ್ತು ಶಿಶಿರ್ ಈ ವಾರದ ಎಲಿಮಿನೇಷನ್ ರೇಸ್‌ನಲ್ಲಿದ್ದರು.
ಇವರಲ್ಲಿ ಗೋಲ್ಡ್‌ ಸುರೇಶ್ ಅದ್ಭುತ ಆಟಕ್ಕೆ ಕಿಚ್ಚನ ಚಪ್ಪಾಳೆ ಪಡೆದರು. ಇದರ ಜೊತೆಗೆ ಸುರೇಶ್ ಅವರೇ ಮೊದಲು ಸೇಫ್‌ ಆದರು.
ಬಿಗ್ ಬಾಸ್ ಕನ್ನಡ 11 ಶನಿವಾರದ ಎಪಿಸೋಡ್‌ನಲ್ಲಿ ಮೋಕ್ಷಿತಾ, ಸುರೇಶ್ ಸೇಫ್‌ ಆಗಿದ್ದಾರೆ. ಸುದೀಪ್ ಮೊದಲು ಸುರೇಶ್, ನಂತರ ಮೋಕ್ಷಿತಾ ಅವರನ್ನು ಸೇವ್‌ ಮಾಡಿದರು.
ಕೆಲ ವರದಿಗಳ ಪ್ರಕಾರ ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಅಚ್ಚರಿಯ ಎಲಿಮಿನೇಷನ್ ನಡೆದಿದೆ. ಬಿಗ್ ಬಾಸ್ ಮನೆಯಲ್ಲಿ ನೇರ ಮಾತಿನಿಂದಲೇ ಅನೇಕರ ಟಾರ್ಗೆಟ್‌ ಆಗಿದ್ದ ಈ ಸ್ಪರ್ಧಿ ಮನೆಯಿಂದ ಹೊರ ನಡೆದಿದ್ದಾರೆ.
ಅನುಷಾ ರೈ ಬಿಗ್ ಬಾಸ್ ಕನ್ನಡ ಸೀಸನ್ 11 ರಿಂದ ಎಲಿಮಿನೇಟ್ ಆಗಿದ್ದಾರೆ ಎಂದು ಕೆಲ ವರದಿಗಳು ತಿಳಿಸಿವೆ. ಅತಿ ಕಡಿಮೆ ವೋಟ್‌ ಪಡೆದ ಕಾರಣ ಅನುಷಾ ರೈ ಮನೆಯಿಂದ ಆಚೆ ಬಂದಿದ್ದಾರೆ ಎನ್ನಲಾಗಿದೆ.
ಇಂದು ರಾತ್ರಿ ಪ್ರಸಾರವಾಗಲಿರುವ ಬಿಗ್ ಬಾಸ್ ಕನ್ನಡ ಸೀಸನ್ 11 ರ ಸಂಚಿಕೆಯಲ್ಲಿ ಕಿಚ್ಚ ಸುದೀಪ್ ಮನೆಯಿಂದ ಎಲಿಮಿನೇಟ್ ಆಗುವ ಸ್ಪರ್ಧಿಯ ಹೆಸರನ್ನು ಅಧಿಕೃತವಾಗಿ ಪ್ರಕಟಿಸಲಿದ್ದಾರೆ.