BSNL ವ್ಯಾಪಾರಿಗಳು ಮತ್ತು DSAಗಳಿಗೂ ನೀಡುತ್ತಿದೆ ಲೈಫ್ ಟೈಂ ಕೊಡುಗೆ

ಟೆಕ್ ಸೈಟ್ ಕೇರಳ ಟೆಲಿಕಾಂ  ಪ್ರಕಾರ, ಬಿಎಸ್ಎನ್ಎಲ್  (BSNL) ತನ್ನ ಚಿಲ್ಲರೆ ವ್ಯಾಪಾರಿಗಳು ಮತ್ತು ಡಿಎಸ್ಎಗಳ (DSA) ಪ್ರಿಪೇಯ್ಡ್ ಸಂಪರ್ಕಗಳಿಗೆ ಲೈಫ್ ಟೈಂ ವಾಲಿಡಿಟಿ ನೀಡಲು ನಿರ್ಧರಿಸಿದೆ.

ಚಿಲ್ಲರೆ ವ್ಯಾಪಾರಿಗಳು ಮತ್ತು ಡಿಎಸ್ಎಗಳ ಸಿ-ಟಾಪ್ ಅಪ್ ಪ್ರಿಪೇಯ್ಡ್ ಸಂಪರ್ಕದ ಸಿಂಧುತ್ವವು ಜೀವಿತಾವಧಿವರೆಗೆ ಇರುತ್ತದೆ. ಅಂದರೆ ಇವರ ಬಳಿಯಿರುವ  ನಂಬರ್ ಅನ್ನು ಕಂಪನಿ  ಬೇರೆ ಯಾರಿಗೂ ನೀಡುವುದಿಲ್ಲ.   

 ಚಿಲ್ಲರೆ ವ್ಯಾಪಾರಿಗಳು ಮತ್ತು ಡಿಎಸ್‌ಎಗಳ ನಂಬರಿಗೆ ಬಿಎಸ್ಎನ್ ಎಲ್  ಲೈಫ್ ಟೈಂ ವ್ಯಾಲಿಡಿಟಿ ನೀಡುತ್ತದೆ. ಆದರೆ ಫೋನಿನ ಸಂಪರ್ಕವನ್ನು ಬಳಸಲು 90ದಿನಗಳಲ್ಲಿ ರೀಚಾರ್ಜ್ ಮಾಡಿಕೊಳ್ಳಬೇಕಾಗುತ್ತದೆ.

ಚಿಲ್ಲರೆ ವ್ಯಾಪಾರಿಗಳು ಮತ್ತು ಡಿಎಸ್ಎಗಳು ಅಂದರೆ ಇವರ ಮೂಲಕ ಗ್ರಾಹಕರು ತಮ್ಮ ರೀಚಾರ್ಜ್ (Recharge) ಮಾಡಿಸಿಕೊಳ್ಳುತ್ತಾರೆ. ಅಲ್ಲದೆ ಬಿಎಸ್ಎನ್ ಎಲ್ ಗೆ ಸಂಬಂಧಿಸಿದ ಬಿಲ್ ಗಳನ್ನು ಇವರ ಮೂಲಕ ಪಾವತಿಸಬಹುದು.  ಚಿಲ್ಲರೆ ವ್ಯಾಪಾರಿಗಳು ಮತ್ತು ಡಿಎಸ್‌ಎಗಳು ಹೊಸ ಸಂಪರ್ಕಗಳನ್ನು ಸಹ ಮಾರಾಟ ಮಾಡಬಹುದು.

ಈ ಯೋಜನೆ ಜನವರಿ 18ರಿಂದಲೇ ಜಾರಿಗೆ ಬಂದಿದೆ. BSNL ಜೊತೆ ವ್ಯಾಪಾರ ನಡೆಸುವ ವ್ಯಾಪಾರಿಗಳು ಮತ್ತು DSAಇದರ ಲಾಭವನ್ನು ಪಡೆಯಬಹುದಾಗಿದೆ.