ಧನ ತ್ರಯೋದಶಿಯಂದು ಚಿನ್ನ ಬೆಳ್ಳಿ ಮಾತ್ರವಲ್ಲ ಈ ವಸ್ತುಗಳನ್ನು ಖರೀದಿಸಿದರೂ ಸಿಗುವುದು ಶುಭ ಫಲ

ಧನತ್ರಯೋದಶಿ ದಿನದ ಬಗ್ಗೆ ಅನೇಕ ನಂಬಿಕೆಗಳಿವೆ. ಈ ದಿನ ಪಾತ್ರೆಗಳನ್ನು ಖರೀದಿಸುವ ನಂಬಿಕೆಯೂ ಇದೆ. ಈ ದಿನ ಜನರು ಚಿನ್ನ ಮತ್ತು ಬೆಳ್ಳಿ, ವಾಹನ , ಮನೆ,  ಪಾತ್ರೆಗಳು ಇತ್ಯಾದಿಗಳನ್ನು ಖರೀದಿಸುತ್ತಾರೆ. ಚಿನ್ನ ಮತ್ತು ಬೆಳ್ಳಿ ಖರೀದಿಸಿದರೆ ಶುಭ ಎನ್ನುವ ಮಾತು ಸಾಮಾನ್ಯವಾಗಿ ಕೇಳಿ ಬರುತ್ತದೆ.  ಆದರೆ ಈ ಕೆಳಗಿನ ವಸ್ತುಗಳನ್ನು ಖರೀದಿಸಿದರು ಕೂಡಾ ಚಿನ್ನ ಬೆಳ್ಳಿ ಖರೀದಿಸಿದಂತೆ ಶುಭ ಫಲ ಸಿಗುತ್ತದೆ.   

ಹಿಂದೂ ಧರ್ಮದಲ್ಲಿ, ಪೊರಕೆಯನ್ನು ಲಕ್ಷ್ಮೀ  ದೇವಿಯ ರೂಪವೆಂದು ಪರಿಗಣಿಸಲಾಗುತ್ತದೆ. ಈ ದಿನ ಮನೆಯಲ್ಲಿ ಹೊಸ ಪೊರಕೆ ತರುವ ಸಂಪ್ರದಾಯವೂ ಇದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಧನತ್ರಯೋದಶಿ ದಿನದಂದು ಪೊರಕೆಯನ್ನು ಖರೀದಿಸುವುದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ನಿಮಗೆ ಚಿನ್ನ ಮತ್ತು ಬೆಳ್ಳಿಯನ್ನು ಖರೀದಿಸಲು ಸಾಧ್ಯವಾಗದಿದ್ದರೆ,  ಈ ದಿನದಂದು ಪೊರಕೆ ಖರೀದಿಸಿ. 

ಗೋಮತಿ ಚಕ್ರವು ಲಕ್ಷ್ಮೀ ದೇವಿಗೆ ಅತ್ಯಂತ ಪ್ರಿಯವಾದುದು. ಧನತ್ರಯೋದಶಿ ದಿನದಂದು ಗೋಮತಿ ಚಕ್ರವನ್ನು ಮನೆಗೆ ತಂದು ಪೂಜಿಸಿದರೆ,  ಲಕ್ಷ್ಮೀ  ಪ್ರಸನ್ನಳಾಗುತ್ತಾಳೆ. ನೀವು ಹಣವನ್ನು ಇಡುವ ಸ್ಥಳದಲ್ಲಿ ಈ ಗೋಮತಿ ಚಕ್ರಗಳನ್ನು ಇಟ್ಟರೆ ಹಣದ ಕೊರತೆ ಎದುರಾಗುವುದಿಲ್ಲ.   

ಈ ದಿನದಂದು ಕೊತ್ತಂಬರಿ ಬೀಜವನ್ನು ಖರೀದಿಸುವುದು ಕೂಡಾ ತುಂಬಾ ಶುಭ. ಈ ದಿನ ಕೊತ್ತಂಬರಿ ಬೀಜವನ್ನು ತಂದು ಲಕ್ಷ್ಮೀ ದೇವಿಗೆ ಅರ್ಪಿಸಿ. ಇದರ ನಂತರ, ಅದನ್ನು ಮನೆಯ ತೋಟ, ಹೊಲ ಅಥವಾ ಕುಂಡದಲ್ಲಿ ಬಿತ್ತಬೇಕು. ಇದರೊಂದಿಗೆ,  ಮನೆಯ ಎಲ್ಲಾ ಸಮಸ್ಯೆಗಳು ಬಗೆಹರಿಯುವುದು. 

ಧನ ತ್ರಯೋದಶಿ ದಿನದಂದು ಹಿತ್ತಾಳೆಯ ಪಾತ್ರೆಗಳನ್ನು ಖರೀದಿಸುವ ಸಂಪ್ರದಾಯವಿದೆ. ಈ ರೀತಿ ಮಾಡುವುದರಿಂದ ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿ ನೆಲೆಸುತ್ತದೆ. ದಂತಕಥೆಯ ಪ್ರಕಾರ, ಧನ್ವಂತರಿ ದೇವರು ಸುಮದ್ರ ಮಂಥನದ ಸಮಯದಲ್ಲಿ ಕಾಣಿಸಿಕೊಂಡಾಗ, ಅವನ ಕೈಯಲ್ಲಿ ಹಿತ್ತಾಳೆಯ ಲೋಹದಿಂದ ಮಾಡಿದ ಮಕರಂದದ ಪಾತ್ರೆ ಇತ್ತು. ಆದ್ದರಿಂದ, ಈ ದಿನ ಹಿತ್ತಾಳೆಯನ್ನು ಖರೀದಿಸುವುದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ.