Cloths Have No Gender - ಈ ದೇಶದಲ್ಲಿ ಸ್ಕರ್ಟ್ ಧರಿಸಿ ಶಾಲೆಗೆ ಬರುತ್ತಿದ್ದಾರಂತೆ ಪುರುಷ ಶಿಕ್ಷಕರು, ಕಾರಣ ತುಂಬಾ ಸ್ವಾರಸ್ಯಕರವಾಗಿದೆ

1. ಸ್ಕರ್ಟ್ ಧರಿಸಿ ಶಾಲೆಗೆ ಏಕೆ ಬರುತ್ತಿದ್ದಾರೆ ಶಿಕ್ಷಕರು - 'ಡೈಲಿ ಮೇಲ್'ನಲ್ಲಿ ಪ್ರಕಟಗೊಂಡ ವರದಿಯ ಪ್ರಕಾರ, ಅಕ್ಟೋಬರ್ 2020ರಲ್ಲಿ ವಿದ್ಯಾರ್ಥಿಯೊಬ್ಬ ಶಾಲೆಗೇ ಸ್ಕರ್ಟ್ ಧರಿಸಿ ಬಂದ ಕಾರಣ ಆತನನ್ನು ಕ್ಲಾಸ್ ನಿಂದ ಹೊರಹಾಕಲಾಗಿತ್ತು. ಜೊತೆಗೆ ಆತನನ್ನು ಮಾನಸಿಕ ಅಸ್ವಸ್ಥ ಎಂದು ಹೇಳಿ ಮನೋವೈದ್ಯರ ಬಳಿ ಕಳುಹಿಸಲಾಗಿತ್ತು. ಇದೀಗ ಆ ವಿದ್ಯಾರ್ಥಿಯನ್ನು ಬೆಂಬಲಿಸಿರುವ ಶಿಕ್ಷಕರು ಇಡೀ ದೇಶಾದ್ಯಂತ ಕ್ಯಾಂಪೇನ್ ನಡೆಸುತ್ತಿದ್ದಾರೆ. ಕೇವಲ ಶಿಕ್ಷಕರಷ್ಟೇ ಅಲ್ಲ ಬೇರೆ ಜನರು ಕೂಡ ಸ್ಕರ್ಟ್ ಧರಿಸುತ್ತಿದ್ದಾರೆ.

2. ದಿ ಕ್ಲಾಥ್ಸ್ ಹ್ಯಾವ್ ನೋ ಜೆಂಡರ್ - ಜೆಂಡರ್ ಏಕ್ವಾಲಿಟಿಯನ್ನು ಬೆಂಬಲಿಸಿ (Gender Equality Movement) ಈ ಆಂದೋಲನವನ್ನು ನಡೆಸಲಾಗುತ್ತಿದೆ ಹಾಗೂ ಇದೀಗ ಸಂಪೂರ್ಣ ಸ್ಪೇನ್ ನಲ್ಲಿ 'ದಿ ಕ್ಲಾತ್ಸ್ ಹ್ಯಾವ್ ನೋ ಜೆಂಡರ್' ಕ್ಯಾಂಪೇನ್ ನಡೆಸಲಾಗುತ್ತಿದೆ. ಸದ್ಯ ಈ ಕ್ಯಾಂಪೇನ್ ಗೆ ದೇಶಾದ್ಯಂತದ ಜನರಿಂದ ಬೆಂಬಲ ಸಿಗುತ್ತಿದೆ.

3. ಸ್ಕರ್ಟ್ ಧರಿಸಿ ವಿದ್ಯಾರ್ಥಿ ಶಾಲೆಗೇ ಏಕೆ ಬಂದಿದ್ದ - ಶಾಲೆಯಿಂದ ಹೊರಹಾಕಲಾದ ಬಳಿಕ ವಿದ್ಯಾರ್ಥಿ ತನ್ನ ಕಥೆಯನ್ನು ಟಿಕ್ ಟಾಕ್  (TikTok)  ಮೂಲಕ ಹಂಚಿಕೊಂಡಿದ್ದಾನೆ ಹಾಗೂ ಈ ರೀತಿ ಮಾಡುವುದರ ಮೂಲಕ ತಾನು ಮಹಿಳಾವಾದ ಹಾಗೂ ವಿವಿಧತೆಯನ್ನು ಬೆಂಬಲಿಸಿದ್ದೆ ಎಂದಿದ್ದಾನೆ.

4. ಕ್ಯಾಂಪೇನ್ ಆರಂಭಿಸಿದ್ದು ಯಾರು? -  ಸ್ಕರ್ಟ್ ಧರಿಸಿದ ಕಾರಣ ವಿದ್ಯಾರ್ಥಿಯನ್ನು ಶಾಲೆಯಿಂದ ಹೊರಹಾಕಲಾದ ಬಳಿಕ ಮಾಥ್ಸ್ ಟೀಚರ್ ಆಗಿರುವ ಜೋಸ್ ಪಿನಾಸ್ ನವೆಂಬರ್ ತಿಂಗಳಿನಲ್ಲಿ 'ದಿ ಕ್ಲಾತ್ಸ್ ಹ್ಯಾವ್ ನೋ ಜೆಂಡರ್' (#LaRopaNoTieneGenero) ಕ್ಯಾಂಪೇನ್ ಆರಂಭಿಸಿದ್ದರು. ಆದರೆ, ಕಳೆದ ತಿಂಗಳು ವಿರ್ಜೆನ್ ಡಿ ಸೆಸೆಡಾನ್ ಪ್ರೈಮರಿ ಸ್ಕೂಲ್ ಟೀಚರ್ ಗಳಾದ ಮ್ಯಾನ್ಯುಯೆಲ್ ಒರ್ಟೇಗಾ ಹಾಗೂ ಬೋರಜಾ ವೆಲ್ಲಾಕ್ಕೆಜ್ ಶಾಲೆಗೇ ಸ್ಕರ್ಟ್ ಧರಿಸಿ ಬಂದ ಬಳಿಕ ಈ ಆಂದೋಲನ ಹೆಚ್ಚು ಚರ್ಚೆಗೆ ಗ್ರಾಸವಾಗಿದೆ. 

5. ಕಳೆದ ಒಂದು ತಿಂಗಳಿನಿಂದ ಸ್ಕರ್ಟ್ ಧರಿಸಿ ಶಾಲೆಗೇ ಬರುತ್ತಿದ್ದಾರೆ ಶಿಕ್ಷಕರು - ಈ ಕುರಿತು ಮಾತನಾಡಿರುವ 37 ವರ್ಷದ ಮ್ಯಾನ್ಯುಯೇಲ್ (Mr Ortega) ಹಾಗೂ 36 ವರ್ಷದ ಬೋರ್ಜಾ ವೇಲಾಕ್ಕೊಜ್ (Mr Velazquez), ಕಳೆದ ಒಂದು ತಿಂಗಳಿನಿಂದ ನಾವು ಶಾಲೆಗೇ ಸ್ಕರ್ಟ್ ಧರಿಸಿ ಬರುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಈ ಆಂದೋಲನವನ್ನು ಆರಂಭಿಸಿದ ಜೋಸ್ ಪಿನಾಸ್ (Jose Pinas), ಕಳೆದ ವರ್ಷದಿಂದಲೇ ಶಾಲೆಗೆ ಸ್ಕರ್ಟ್ ಧರಿಸಿ ಬರುತ್ತಿದ್ದಾರೆ. ಚೀಪ್ ಪಬ್ಲಿಸಿಟಿ ಪಡೆಯುವುದು ಇದರ ಹಿಂದಿನ ಉದ್ದೇಶವಾಗಿರದೇ ಲೈಂಗಿಕ ತಾರತಮ್ಯ ನಿವಾರಣೆಯ ಒಂದು ಪ್ರಯತ್ನ ಇದಾಗಿದೆ ಎನ್ನುತ್ತಾರೆ.