Photos: ಬೆಸ್ಟ್ ಫ್ರೆಂಡ್ ಜೊತೆ ಸಲಿಂಗ ಮದುವೆಯಾದ 4 ವಿಶ್ವಕಪ್ ಗೆದ್ದ ಸ್ಟಾರ್ ಕ್ರಿಕೆಟ್ ಆಟಗಾರ್ತಿ!

ಆಸ್ಟ್ರೇಲಿಯಾ ಮಹಿಳಾ ಕ್ರಿಕೆಟ್ ತಂಡದ ಆಲ್ ರೌಂಡರ್ ಜೆಸ್ಸಿಕಾ ಜೊನಾಸ್ಸೆನ್ ತನ್ನ ಸ್ನೇಹಿತೆ ಸಾರಾಜ್ ವೇರ್ನ್ ಅವರೊಂದಿಗೆ ಹವಾಯಿಯ ಮ್ಯಾಜಿಕ್ ದ್ವೀಪದಲ್ಲಿ ವಿವಾಹವಾಗಿದ್ದಾರೆ.

4 ಬಾರಿ ವಿಶ್ವಕಪ್  ಗೆದ್ದಿರುವ ಜೆಸ್ಸಿಕಾ, ಮಹಿಳಾ ಪ್ರೀಮಿಯರ್ ಲೀಗ್’ನಲ್ಲಿಯೂ ಸಹ ಭಾಗವಹಿಸಿದ್ದರು. ಇನ್ನು ತಮ್ಮ ಮದುವೆಯ ಫೋಟೋಗಳನ್ನು ಟ್ವಿಟ್ಟರ್’ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

“ಸರ್ಪೈಸ್…! 3 ನೇ ಬಾರಿಗೆ ಅದೃಷ್ಟ. ಅಂತಿಮವಾಗಿ ನನ್ನ ಅತ್ಯುತ್ತಮ ಸ್ನೇಹಿತೆಯನ್ನು ವಿವಾಹವಾದೆ. ಏಪ್ರಿಲ್ 6 ಯಾವಾಗಲೂ ನನ್ನ ಹೃದಯದಲ್ಲಿ ವಿಶೇಷ ಸ್ಥಾನವನ್ನು ಹೊಂದಿರುವ ದಿನ ”ಎಂದು ಜೆಸ್ಸಿಕಾ ಜೊನಾಸ್ಸೆನ್ ಟ್ವಿಟ್ಟರ್’ನಲ್ಲಿ ಫೋಟೋ ಶೇರ್ ಮಾಡಿ ಹೇಳಿದ್ದಾರೆ.

ಈ ಫೋಟೋಗಳಲ್ಲಿ ಜೆಸ್ಸಿಕಾ ಮತ್ತು ಸಾರಾ ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ.

ಈ ಫೋಟೋವನ್ನು ಹಂಚಿಕೊಂಡ ತಕ್ಷಣ, ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ. ಈಗಾಗಲೇ ಸುಮಾರು 1.8 ಲಕ್ಷಕ್ಕೂ ಹೆಚ್ಚು ಜನರು ಈ ಫೋಟೋಗಳನ್ನು ನೋಡಿದ್ದು, 3000 ಹೆಚ್ಚು ಲೈಕ್ಸ್ ಬಂದಿವೆ.

ಇವರ ಫೋಟೋಗಳಿಗೆ ಅಭಿನಂದನೆ ತಿಳಿಸಿರುವ ಫ್ಯಾನ್ಸ್ ಹೀಗೆ ಹೇಳಿದ್ದಾರೆ. “ಗ್ರೇಟ್, ನಿಮ್ಮಿಬ್ಬರಿಗೂ ಅಭಿನಂದನೆಗಳು” ಎಂದು ಒಬ್ಬರು ಹೇಳಿದರೆ, ಇನ್ನೊಬ್ಬರು " ಸಂತೋಷದ ದಾಂಪತ್ಯ ಜೀವನ ನಿಮ್ಮದಾಗಲಿ" ಎಂದು ಹರಸಿದ್ದಾರೆ.