Deepika Das: ಎಂಟು ವರ್ಷದ ಹಿಂದೆ ನಾಗಿಣಿ ಅವತಾರ ತಂದುಕೊಟ್ಟ ಖ್ಯಾತಿಯನ್ನು ನೆನೆದ ನಟಿ!

 ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ ನಾಗಿಣಿ ಸೀರಿಯಲ್ ಮೂಲಕ ಕಿರುತೆರೆ ಪಯಣವನ್ನು ಆರಂಭಿಸಿದ ದೀಪಿಕಾ ದಾಸ್ ಅವರಿಗೆ ಒಳ್ಳೆಯ ಖ್ಯಾತಿಯನ್ನು ತಂದು ಕೊಟ್ಟಿತು. ಈ ಧಾರಾವಾಹಿಯಲ್ಲಿ ಅಮೃತಾ ಹಾಗೂ ನಾಗಿಣಿ ಪಾತ್ರದಲ್ಲಿ ನಟಿಸಿದ್ದರು.

ಕಿರುತೆರೆ ನಟಿ ದೀಪಿಕಾ ದಾಸ್‌ ನಾಗಿಣಿ ಧಾರಾವಾಹಿ ಆರಂಭವಾಗಿ ಇಂದಿಗೆ 8 ವರ್ಷವಾಗಿದ್ದು, ಇದರ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡುವ ಮೂಲಕ ಸಂತಸ ಹಂಚಿಕೊಂಡಿದ್ದಾರೆ. 

ನಟಿ ದೀಪಿಕಾ ಅಭಿನಯದ ನಾಗಿಣಿ ಧಾರವಾಹಿ 2016 ಫ್ರಬ್ರವರಿ 8ರಂದು ಪ್ರಸಾರ ಆರಂಬಿಸಿ ಸುಮಾರು 1060ಕ್ಕೂ ಅಧಿಕ ಸಂಚಿಕೆಗಳು ಮೂಡಿ ಬಂದಿತ್ತು. ಇದರಲ್ಲಿ ಈ ನಟಿ ಅಂತೂ ನಾಗಿಣಿ ಅವತಾರದಲ್ಲಿ ಥೇಟ್ ಹಾವಿನ ರೂಪವನ್ನೇ ತಾಳಿದ್ದರು. 

ನಟಿ ದೀಪಿಕಾಗೆ ನಾಗಿಣಿ ಧಾರವಾಹಿಯಲ್ಲಿ ಜೋಡಿಯಾಗಿ ಅರ್ಜುನ್ ಪಾತ್ರದಲ್ಲಿ ನಟ ದೀಕ್ಷಿತ್ ಅವರು ಬಣ್ಣ ಹಚ್ಚಿದ್ದು, ಆದರೆ ಹಿಂದಿಯಲ್ಲಿ ಪ್ರಸಾರವಾಗಿದ್ದ ನಾಗಿಣಿ ಧಾರಾವಾಹಿ ರಿಮೇಕ್ ಇದಾಗಿತ್ತು. ಆದರೂ ಈ ಸೀರಿಯಲ್‌ ಕನ್ನಡದಲ್ಲಿ ಸಿಕ್ಕಾಪಟ್ಟೆ ಹಿಟ್ ಆಗಿತ್ತು. 

ದೀಪಿಕಾ ದಾಸ್‌ ನಂತರ ಬಂದ ನಾಗಿಣಿ 2 ಧಾರಾವಾಹಿಯಲ್ಲೂ ಗೆಸ್ಟ್ ರೋಲ್ ನಲ್ಲಿ ಕಾಣಿಸಿಕೊಂಡಿದ್ದರು. ಅಭಿಮಾನಿಗಳು ಕೂಡ ನಾಗಿಣಿ 3 ಮಾಡಿ ಅದರಲ್ಲಿ ನೀವು ಮತ್ತೆ ನಮ್ರತಾ ಇಬ್ಬರೂ ಲೀಡ್ ರೋಲ್ ನಲ್ಲಿ ನಟಿಸಿ ಎಂದು ತಮ್ಮ ಬೇಡಿಕೆಯನ್ನು ಇಟ್ಟಿದ್ದಾರೆ. 

ಕನ್ನಡದ ಬೆಡಗಿ ದೀಪಿಕಾ ದಾಸ್ 2014 ರಲ್ಲಿ ತೆರೆಕಂಡ ಸ್ಯಾಮುವೆಲ್ ಟೋನಿ ನಿರ್ದೇಶನದ ದೂದ್ ಸಾಗರ್ ಚಿತ್ರದಿಂದ ಸಿನಿಪಯಣ ಆರಂಭಿಸಿ, ಬಳಿಕ ತೆಲುಗಿನ ಓ ಮನಸೇ ಚಿತ್ರದಲ್ಲಿ ನಟಿಸಿದ್ದರು. 2017 ರಲ್ಲಿ ತೆರೆಕಂಡ ಡ್ರೀಮ್ ಗರ್ಲ್ ಚಿತ್ರದಲ್ಲಿ ಕೂಡ ನಾಯಕಿಯಾಗಿ ಬಣ್ಣ ಬಚ್ಚಿದರು.

ನಟಿ ದೀಪಿಕಾ ನಾಗಿಣಿ ಸೀರಿಯಲ್‌ ಬಳಿಕ ಬಿಗ್ ಬಾಸ್ ಕನ್ನಡ ಸೀಸನ್ 7ರಲ್ಲಿ ಭಾಗಿಯಾಗಿದ್ದ ದೀಪಿಕಾ ದಾಸ್, ಎರಡನೇ ಬಾರಿಗೆ ಬಿಗ್ ಬಾಸ್ ಕನ್ನಡ ಸೀಸನ್ 9ಕ್ಕೆ ಎಂಟ್ರಿ ಕೊಟ್ಟಿದ್ದರು. ಇತ್ತೀಚೆಗೆ  ಅಂತರಪಟ ಧಾರಾವಾಹಿಯಲ್ಲಿ ಗೆಸ್ಟ್ ರೋಲ್ ನಲ್ಲಿ ಕಾಣಿಸಿಕೊಂಡಿದ್ದರು.

ದೀಪಿಕಾಗೆ ಟ್ರಾವೆಲ್ ಮಾಡುವುದೆಂದರೆ ಬಹಳ ಇಷ್ಟವಿದ್ದು, ಸದ್ಯ ದುಬೈ, ಲಂಡನ್, ಸ್ಕಾಟ್ ಲ್ಯಾಂಡ್, ಆಫ್ರಿಕಾ, ಹೀಗೆ ಸಾಕಷ್ಟು ಕಡೆಗಳಿಗೆ ಭೇಟಿ ನೀಡಿದ್ದಾರೆ. ಟ್ರಕ್ಕಿಂಗ್ ಕೂಡ ಮಾಡುತ್ತಾ ದೀಪಿಕಾ ದಾಸ್ ಅವರು ಎಂಜಾಯ್ ಮಾಡುತ್ತಿದ್ದಾರೆ.