ʼದೆಹಲಿ ಅಪರಾಧಗಳುʼ : ಭಾರತವನ್ನೇ ಬೆಚ್ಚಿಬೀಳಿಸಿದ ಭೀಕರ ಪ್ರಕರಣಗಳಿವು..!

ಶ್ರದ್ಧಾ ವಾಕರ್ ಹತ್ಯೆ | 2022 :

28 ವರ್ಷದ ಅಫ್ತಾಬ್ ಅಮೀನ್ ಪೂನಾವಾಲಾ ಎಂಬ ಯುವಕ 26 ವರ್ಷದ ಶ್ರದ್ಧಾ ವಿಕಾಸ್ ವಾಕರ್‌ನನ್ನು ಬಹಳ ಕ್ರೂರವಾಗಿ ಹತ್ಯೆಗೈದಿದ್ದಾನೆ. ಮುಂಬೈನಲ್ಲಿ ಭೇಟಿಯಾಗಿ ಇಬ್ಬರಲ್ಲೂ ಲವ್‌ ಕುದುರಿ ಲಿವ್‌ ಇನ್‌ ಸಂಬಂಧದಲ್ಲಿದ್ದ ಶ್ರದ್ಧಾ ಪ್ರೇಮ ಪ್ರಯಣ ಭೀಕರ ಕೊಲೆಯಲ್ಲಿ ಅಂತ್ಯವಾಯಿತು. ಒಟ್ಟಿಗೆ ವಾಸಿಸುತ್ತಿದ್ದ ಜೋಡಿ ಮೇ 18 ರಂದು ಜಗಳವಾಡಿದರು. ಕೋಪದ ಭರದಲ್ಲಿ ಪೂನಾವಾಲಾ ವಾಕರ್‌ನನ್ನು ಕೊಂದಿದ್ದ. ಅಮೇರಿಕನ್ ಕ್ರೈಮ್ ಶೋ ಡೆಕ್ಸ್ಟರ್‌ನಿಂದ ಸ್ಫೂರ್ತಿ ಪಡೆದ ಅಪ್ತಾಬ್‌ ವಾಕರ್‌ನ ಶವವನ್ನು ಕತ್ತರಿಸಿ ಹತ್ತಿರದ ಅರಣ್ಯ ಪ್ರದೇಶದಲ್ಲಿ ದೇಹದ ಭಾಗಗಳನ್ನು ಬಿಸಾಡಿದ್ದ. ಇತ್ತೀಚೆಗೆ ಈ ಕೃತ್ಯ ಬೆಳಕಿಗೆ ಬಂದಿದೆ. ಪೂನಾವಾಲಾ ಈಗ ಪೊಲೀಸ್ ಕಸ್ಟಡಿಯಲ್ಲಿದ್ದಾರೆ, ಅಧಿಕಾರಿಗಳು ವಾಕರ್ ಅವರ ದೇಹದ ತುಂಡುಗಳನ್ನು ಹುಡುಕುತ್ತಿದ್ದಾರೆ.

ನಿರ್ಭಯಾ ಪ್ರಕರಣ | 2012 :

ನಿರ್ಭಯಾ ಪ್ರಕರಣವು 2012 ರ ಹಿಂದಿನ ಸಾಮೂಹಿಕ ಅತ್ಯಾಚಾರ ಮತ್ತು ಕೊಲೆ ಪ್ರಕರಣವಾಗಿದೆ. ಈ ದುರಂತ ಘಟನೆಯು ಡಿಸೆಂಬರ್ 16 2012 ರಂದು ಸಂಭವಿಸಿತು, ಜ್ಯೋತಿ ಸಿಂಗ್ ಅಥವಾ ನಿರ್ಭಯಾ ಅವರು 22 ವರ್ಷ ವಯಸ್ಸಿನ ಫಿಸಿಯೋಥೆರಪಿ ಇಂಟರ್ನ್ ಓದುತ್ತಿದ್ದಳು. ಆಕೆಯ ಸ್ನೇಹಿತರೇ ಪ್ರಯಾಣಿಸುತ್ತಿದ್ದ ಖಾಸಗಿ ಬಸ್ಸಿನಲ್ಲಿ ಅತ್ಯಾಚಾರ ಎಸಗಿ ಚಿತ್ರಹಿಂಸೆ ನೀಡಿದ್ದರು. ಹಲ್ಲೆಯ ಎರಡು ದಿನಗಳ ನಂತರ ನಿರ್ಭಯಾ ಸಾವನ್ನಪ್ಪಿದ್ದಳು. ಈ ಘಟನೆಯಲ್ಲಿ ಬಸ್ಸಿನ ಚಾಲಕ ಸೇರಿದಂತೆ ಆರು ಮಂದಿ ಭಾಗವಹಿಸಿದ್ದರು. ಅತ್ಯಾಚಾರಿಗಳಲ್ಲಿ ಒಬ್ಬರು ಬಾಲಾಪರಾಧಿಯಾಗಿದ್ದ. 

ಆರುಷಿ ತಲ್ವಾರ್ ಹತ್ಯೆ | 2008 :

ಆರುಷಿ ತಲ್ವಾರ್ ಅವರ ಹತ್ಯೆ ನೋಯ್ಡಾದಲ್ಲಿ ನಡೆದ ಪ್ರಕರಣ. ವಾಸ್ತವವಾಗಿ ಇದೊಂದು ಜೋಡಿ ಕೊಲೆ ಪ್ರಕರಣ. 15-16 ಮೇ 2008 ರ ರಾತ್ರಿ, 13 ವರ್ಷದ ಆರುಷಿ ಮತ್ತು 45 ವರ್ಷದ ಹೇಮರಾಜ್ ಬಂಜಾಡೆ ಕೊಲೆಯಾದರು. ಮೇ 16 ರಂದು, ಆರುಷಿಯ ಶವ ಆಕೆಯ ಮಲಗುವ ಕೋಣೆಯಲ್ಲಿ ಪತ್ತೆಯಾಗಿದೆ ಮತ್ತು ಆರಂಭದಲ್ಲಿ, ಆಕೆಯನ್ನು ಮನೆ ಕೆಲಸಗಾರ ಹೇಮರಾಜ್ ಕೊಲೆ ಮಾಡಿದ್ದ ಎಂದು ನಂಬಲಾಗಿತ್ತು.

ಮರುದಿನ ಆತನ ದೇಹವೂ ಪತ್ತೆಯಾಗಿತ್ತು. ಡಾ ರಾಜೇಶ್ ತಲ್ವಾರ್ ಮತ್ತು ಡಾ ನೂಪುರ್ ತಲ್ವಾರ್ ನಂತರ ಪ್ರಾಥಮಿಕ ಶಂಕಿತರಾದರು. ಇಬ್ಬರು ಹಾಸಿಗೆಯ ಮೇಲೆ ಒಟ್ಟಾಗಿರುವುದನ್ನು ಕಂಡ ಆರುಷಿ ತಂದೆ ರಾಜೇಶ್ ಅವರಿಬ್ಬರನ್ನು ಬರ್ಬರವಾಗಿ ಹತ್ಯೆ ಮಾಡಿದ್ದರು. ನವೆಂಬರ್ 2013 ರಲ್ಲಿ ಆರೋಪಿಗಳಿಗೆ ಜೀವಾವಧಿ ಶಿಕ್ಷೆ ವಿಧಿಸಲಾಯಿತು, ಆದರೂ ಶಿಕ್ಷೆಯನ್ನು ಪ್ರಶ್ನಿಸಲಾಗಿ 2017 ರಲ್ಲಿ ಅಲಹಾಬಾದ್ ಹೈಕೋರ್ಟ್ ಪೋಷಕರನ್ನು ಖುಲಾಸೆಗೊಳಿಸಿತು.

ನಿತಾರಿ ಅತ್ಯಾಚಾರ ಮತ್ತು ಹತ್ಯೆ | 2006 : 

ನಿಥಾರಿ ಹತ್ಯೆಗಳು ನಡೆದಿರುವುದು ದೆಹಲಿಯಲ್ಲಿ ಅಲ್ಲ, ನೋಯ್ಡಾದಲ್ಲಿ. ಈ ಪ್ರಕರಣವು 2006 ರ ಹಿಂದಿನದು ಮತ್ತು ಸರಣಿ ಕೊಲೆ ಪ್ರಕರಣ. ವರದಿಗಳ ಪ್ರಕಾರ, ಲೈಂಗಿಕ ದೌರ್ಜನ್ಯ, ನೆಕ್ರೋಫಿಲಿಯಾ ಮತ್ತು ನರಭಕ್ಷಕತೆಯ ಅಂಶಗಳನ್ನು ಒಳಗೊಂಡಿದೆ. ಕೊಲೆಗಳು ವಾಸ್ತವವಾಗಿ ಅಂಗಾಂಗ ಕಸಿ ದಂಧೆಯ ಒಂದು ಭಾಗ ಎಂದು ಕೆಲವರು ಹೇಳುತ್ತಾರೆ. ಭಾರತ ಕಂಡ ಅತ್ಯಂತ ಆಘಾತಕಾರಿ ಪ್ರಕರಣಗಳಲ್ಲಿ ಇದೂ ಒಂದು. 

ವರದಿಗಳ ಪ್ರಕಾರ, ನೋಯ್ಡಾದ ನಿಥಾರಿ ಗ್ರಾಮದಲ್ಲಿ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ 31 ಮಕ್ಕಳನ್ನು ಬರ್ಬರವಾಗಿ ಹತ್ಯೆ ಮಾಡಲಾಗಿತ್ತು. ಚರಂಡಿಯನ್ನು ಅಗೆಯುವಾಗ 19 ತಲೆಬುರುಡೆಗಳು ಪತ್ತೆಯಾಗಿದ್ದವು. 30ಕ್ಕೂ ಹೆಚ್ಚು ಹತ್ಯೆಗಳು ನಡೆದಿವೆ ಎಂದು ಪೊಲೀಸರು ಅಂದಾಜಿಸಿದ್ದಾರೆ. ಮೊನೀಂದರ್ ಸಿಂಗ್ ಮತ್ತು ಅವರ ಸೇವಕ ಸುರಿಂದರ್ ಕೋಲಿ ಇಬ್ಬರು ಪ್ರಮುಖ ಆರೋಪಿಗಳಾಗಿದ್ದರು. ಪ್ರಕರಣದಲ್ಲಿ ಇಬ್ಬರಿಗೂ ವಿವಿಧ ಹಂತಗಳಲ್ಲಿ ಮರಣದಂಡನೆ ವಿಧಿಸಲಾಯಿತು, ಆದರೆ ಯಾವುದೇ ಶಿಕ್ಷೆಯನ್ನು ಜಾರಿಗೊಳಿಸಲಾಗಿಲ್ಲ.

ತಂದೂರ್ ಕೊಲೆಗಳು | 1995 :

ನೈನಾ ಸಹಾನಿ ಕೊಲೆ ಪ್ರಕರಣ, ಇದು ಜನಪ್ರಿಯವಾಗಿ ತಿಳಿದಿರುವಂತೆ ತಂದೂರ್ ಕೊಲೆ 1995 ರ ಹಿಂದಿನದು. ಆರೋಪಿ ಸುಶೀಲ್ ಶರ್ಮಾ ತನ್ನ ಪತ್ನಿ ನೈನಾ ಸಾಹ್ನಿಯನ್ನು ವ್ಯಭಿಚಾರ ಮತ್ತು ಮತ್ಲೂಬ್ ಕರೀಮ್ ಎಂಬ ವ್ಯಕ್ತಿಯೊಂದಿಗೆ ವಿವಾಹೇತರ ಸಂಬಂಧದ ಶಂಕೆಯ ಮೇಲೆ ಕೊಲೆ ಮಾಡಿದ್ದ. ಜುಲೈ 2, 1995 ರ ರಾತ್ರಿ, ಶರ್ಮಾ ತನ್ನ ಹೆಂಡತಿ ನೈನಾಳನ್ನು ಗುಂಡಿಕ್ಕಿ ಕೊಂದನು. ನಂತರ ತನ್ನ ಸ್ನೇಹಿತ ಕೇಶವ್ ಕುಮಾರ್ ಸಹಾಯದಿಂದ ಬಾಘಿಯಾ ಎಂಬ ರೆಸ್ಟೋರೆಂಟ್‌ನ ತಂದೂರಿನಲ್ಲಿ ಆಕೆಯ ದೇಹವನ್ನು ಕತ್ತರಿಸಿ ಸುಟ್ಟು ವಿಲೇವಾರಿ ಮಾಡಲು ಯತ್ನಿಸಿದ್ದನು. 7 ನವೆಂಬರ್ 2003 ರಂದು, ಶರ್ಮಾ ಅಪರಾಧಿ ಮತ್ತು ಮರಣದಂಡನೆಯನ್ನು ನೀಡಲಾಯಿತು, ಆದಾಗ್ಯೂ, 2013 ರಲ್ಲಿ ಶರ್ಮಾ ತನ್ನ ಹೆಂಡತಿಯ ದೇಹವನ್ನು ಕತ್ತರಿಸಿದ ಯಾವುದೇ ಪುರಾವೆಗಳನ್ನು ಉಲ್ಲೇಖಿಸಿ ಸುಪ್ರೀಂ ಕೋರ್ಟ್ ಶಿಕ್ಷೆಯನ್ನು ಬದಲಾಯಿಸಿತು.