ಬಿಗ್ ಬಾಸ್ ನಿಂದ ಔಟ್ ಆದ ಧರ್ಮ ಕೀರ್ತಿರಾಜ್ ಪಡೆದ ಸಂಭಾವನೆ ಎಷ್ಟು?
ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ನಾಮಿನೇಷನ್ ಪ್ರತಿಕ್ರಿಯೆ ತುಂಬಾ ವಿಭಿನ್ನವಾಗಿತ್ತು. ಚೈತ್ರಾ ಕುಂದಾಪುರ, ಉಗ್ರಂ ಮಂಜು, ತ್ರಿವಿಕ್ರಮ್, ಮೋಕ್ಷಿತಾ, ಗೌತಮಿ, ಧರ್ಮ, ಹನುಮಂತ ತಲೆ ಮೇಲೆ ಎಲಿಮಿನೇಷನ್‌ ತೂಗುಗತ್ತಿ ಇತ್ತು.
ಮೋಕ್ಷಿತಾ ಹಾಗೂ ಹನುಮಂತ ಇಬ್ಬರನ್ನೂ ಸುದೀಪ್‌ ಶನಿವಾರದ ಸಂಚಿಕೆಯಲ್ಲಿ ಸೇಫ್ ಮಾಡಿದ್ದಾರೆ. ಚೈತ್ರಾ ಕುಂದಾಪುರ, ಉಗ್ರಂ ಮಂಜು, ತ್ರಿವಿಕ್ರಮ್, ಗೌತಮಿ, ಧರ್ಮ ಅವರಲ್ಲಿ ಯಾರು ಹೊರ ಬರಬಹುದೆಂಬ ಕುತೂಹಲ ಹೆಚ್ಚಿತ್ತು.
ನವಗ್ರಹ ಸಿನಿಮಾ ಮೂಲಕ ಖ್ಯಾತಿ ಪಡೆದ ಹಿರಿಯ ನಟ ಕೀರ್ತಿ ರಾಜ್ ಅವರ ಮಗ ಧರ್ಮ ಕೀರ್ತಿರಾಜ್ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟಾಗ ಬೆಟ್ಟದಷ್ಟು ನಿರೀಕ್ಷೆಗಳು ಮೂಡಿದ್ದವು. ಆದರೆ ಬಳಿಕ ಧರ್ಮ ಅಷ್ಟಾಗಿ ಸದ್ದು ಮಾಡಲಿಲ್ಲ. ತಾಳ್ಮೆಯ ಅಸ್ತ್ರ ಪ್ರಯೋಗ ಬಿಗ್ ಬಾಸ್ ಮನೆಯಲ್ಲಿ ವರ್ಕೌಟ್‌ ಆಗಲಿಲ್ಲ.
ಸೈಲೆಂಟ್ ಆಗಿಯೇ ಇರುತ್ತಿದ್ದ ಧರ್ಮ ಕೀರ್ತಿರಾಜ್ ಅವರಿಗೆ ಹಲವು ಬಾರಿ ಸುದೀಪ್‌ ಕಿವಿ ಮಾತು ಹೇಳಿದ್ದರು. ಸ್ಪರ್ಧಿಗಳ ಜೊತೆ ಉತ್ತಮ ಸ್ನೇಹ ಹೊಂದಿದ್ದರು. ಆದರೆ ಅತಿಯಾದ ಒಳ್ಳೆತನ ಧರ್ಮ ಅವರಿಗೆ ಮುಳುವಾಯ್ತು.
ಈ ವಾರ ಬಿಗ್ ಬಾಸ್ ಮನೆಯಿಂದ ರ್ಮ ಕೀರ್ತಿ ರಾಜ್ ಹೊರಗೆ ಹೋಗಿದ್ದಾರೆ ಎನ್ನಲಾಗ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಧರ್ಮ ಕೀರ್ತಿ ರಾಜ್ ಔಟ್ ಎನ್ನುವ ಪೋಸ್ಟ್‌ ಹರಿದಾಡುತ್ತಿದೆ.
ಧರ್ಮ ಕೀರ್ತಿರಾಜ್ ಅವರ ಈ ತಾಳ್ಮೆಯ ಮಂತ್ರ ಒಂದಷ್ಟು ಜನರನ್ನು ಸೆಳೆದಿತ್ತು. ಆದರೆ ಬಿಗ್ ಬಾಸ್ ಮನೆ ಭಾವನೆಗಳ ಹೂರಣ. ಹೀಗಾಗಿ ಇಲ್ಲಿ ಧರ್ಮ ಸೈಲೆನ್ಸ್‌ ಹೆಚ್ಚು ವರ್ಕ್‌ ಆಗಲಿಲ್ಲ.
ಧರ್ಮ ಕೀರ್ತಿರಾಜ್ ಬಿಗ್ ಬಾಸ್ ಮನೆಯಿಂದ ಎಲಿಮಿನೇಟ್‌ ಆದ ಸುದ್ದಿ ಬೆನ್ನಲ್ಲೇ ಅವರ ಸಂಭಾವನೆ ವಿಚಾರ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ.
ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಧರ್ಮ ಕೀರ್ತಿರಾಜ್ ಸಂಭಾವನೆ ಪ್ರತಿ ವಾರಕ್ಕೆ 50,000 ರೂಪಾಯಿ ಎನ್ನಲಾಗಿದೆ. ಧರ್ಮ ಕೀರ್ತಿರಾಜ್ 8 ವಾರಗಳ ಕಾಲ ಬಿಗ್ ಬಾಸ್ ಮನೆಯಲ್ಲಿದ್ದರು.
ಧರ್ಮ ಕೀರ್ತಿರಾಜ್ ಒಟ್ಟು ಸಂಭಾವನೆ 4,00,000 ರೂಪಾಯಿ ಹಾಗೂ ಬಹುಮಾನದ ಮೊತ್ತ 2,00,000 ರೂಪಾಯಿ ಸೇರಿ ಒಟ್ಟು 6,00,000 ರೂಪಾಯಿ ಹಣವನ್ನು ಬಿಗ್ ಬಾಸ್‌ನಿಂದ ಪಡೆದಿದ್ದಾರೆ ಎನ್ನಲಾಗುತ್ತಿದೆ. (NOTE:ಇದು ಅಧಿಕೃತ ಮಾಹಿತಿಯಲ್ಲ.)