ದಿಶಾ ಪಟಾನಿ ಕೈ ಮೇಲೆ ಪ್ರಭಾಸ್ ಟ್ಯಾಟೂ! ಫ್ಯಾನ್ಸ್‌ಗೆ ಸಿಗುತ್ತಾ ಗುಡ್‌ ನ್ಯೂಸ್‌?
ಬಾಲಿವುಡ್ ನಟಿ ದಿಶಾ ಪಟಾನಿ ವರುಣ್ ತೇಜ್ ಅಭಿನಯದ ಲೋಫರ್ ಚಿತ್ರದ ಮೂಲಕ ತೆಲುಗು ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟರು. ಆ ನಂತರ ಬಾಲಿವುಡ್‌ಗೆ ತೆರಳಿ ಸಾಕಷ್ಟು ಹೆಸರು ಮಾಡಿದ್ದಾರೆ.
ಇತ್ತೀಚೆಗೆ, ದಿಶಾ ಪಟಾನಿ ಪ್ಯಾನ್ ಇಂಡಿಯಾ ಸೂಪರ್‌ಸ್ಟಾರ್ ಪ್ರಭಾಸ್ ಅಭಿನಯದ 'ಕಲ್ಕಿ 2898 AD' ನಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ದಿಶಾ ಪಟಾನಿ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಕ್ರೇಜ್‌ ಹೊಂದಿದ್ದಾರೆ. ಆದುದರಿಂದಲೇ ಆಕೆಗೆ ಸಂಬಂಧಿಸಿದ ಯಾವುದೇ ಸಣ್ಣ ವಿಷಯವೂ ಕ್ಷಣಮಾತ್ರದಲ್ಲಿ ವೈರಲ್‌ ಆಗುತ್ತದೆ.
ಇತ್ತೀಚೆಗಷ್ಟೇ ದಿಶಾ ಪಟಾನಿ ಅವರ ಎಡಗೈ ಮೇಲೆ 'PD' ಎಂದು ಬರೆದಿರುವ ಟ್ಯಾಟೂ ಭಾರೀ ವೈರಲ್‌ ಆಗಿದೆ. ಅನೇಕ ನೆಟಿಜನ್‌ಗಳು ಇದನ್ನು 'ಪ್ರಭಾಸ್ ದಿಶಾ' ಎಂದು ಡಿಕೋಡ್ ಮಾಡಿದ್ದಾರೆ.
ಇದರೊಂದಿಗೆ ದಿಶಾ ಪಟಾನಿ ಅವರು ಪ್ರಭಾಸ್ ಅವರನ್ನು ಪ್ರೀತಿಸುತ್ತಿದ್ದಾರೆ ಎಂದು ಕೆಲವರು ಟ್ರೋಲ್‌ ಮಾಡುತ್ತಿದ್ದಾರೆ.
ಆದರೆ ಅಂಥಾದ್ದೇನೂ ಇಲ್ಲ ಎಂದು ಇತ್ತೀಚೆಗಷ್ಟೇ ಫುಲ್ ಕ್ಲಾರಿಟಿ ಕೊಟ್ಟಿದ್ದಾರೆ ಇದೇ ದಿಶಾ ಪಟಾನಿ.
ಅಮೆಜಾನ್ ಪ್ರೈಮ್ ಡೇ 2024 ಪ್ರಚಾರದ ವೇಳೆ ಈ ತಾತ್ಕಾಲಿಕ ಹಚ್ಚೆ ಹಾಕಿಸಿಕೊಂಡಿದ್ದೇನೆ ಎಂದು ದಿಶಾ ಪಟಾನಿ ಸ್ಪಷ್ಟನೆ ನೀಡಿದ್ದಾರೆ. ಈ ಲೆಕ್ಕಾಚಾರದಲ್ಲಿ ದಿಶಾ ಪಟಾನಿ ಕೈ ಮೇಲಿರುವ ಈ ಟ್ಯಾಟೂ ಅರ್ಥ ʻಪ್ರೈಮ್ ಡೇʼ ಆಗಿದೆ.