ಬಿಗ್ ಬಾಸ್ ವೇದಿಕೆ ಮೇಲೆ ನಿಂತು ಸುದೀಪ್ ಕುಡಿಯೋ ಆ ಕಪ್ಪು ಡ್ರಿಂಕ್‌ ಏನು ಗೊತ್ತಾ?
ಕಿಚ್ಚ ಸುದೀಪ್ ಬಿಗ್ ಬಾಸ್ ಕನ್ನಡ ಸೀಸನ್‌ 11 ರ ವೀಕೆಂಡ್‌ ಎಪಿಸೋಡ್‌ಗಳನ್ನು ನಡೆಸಿಕೊಡುವಾಗ ಮಧ್ಯೆ ಮಧ್ಯೆ ಒಂದು ಕಪ್ಪು ಡ್ರಿಂಕ್‌ ಅನ್ನು ಕುಡಿಯುತ್ತಾರೆ. ಅದೇನು ಇಲ್ಲಿದೆ ಉತ್ತರ...
ಸುದೀಪ್ ಅವರಿಗೆ ಕನ್ನಡ ಮಾತ್ರವಲ್ಲದೇ ಬೇರೆ ಭಾಷೆಗಳಲ್ಲಿಯೂ ಫ್ಯಾನ್ಸ್ ಇದ್ದಾರೆ. ಸುದೀಪ್ ತೆಲುಗು 'ಬಿಗ್ ಬಾಸ್' ರಿಯಾಲಿಟಿ ಶೋಗೆ ಒಮ್ಮೆ ಅತಿಥಿಯಾಗಿ ಹೋಗಿದ್ದರು.
ನಿರೂಪಕ ನಾಗಾರ್ಜುನ ಬದಲು ಕಿಚ್ಚ ಸುದೀಪ್ ಅವರನ್ನು ಸ್ಟೇಜ್ ಮೇಲೆ ಕಂಡ ತೆಲುಗು ಬಿಗ್ ಬಾಸ್ ಸ್ಪರ್ಧಿಗಳು ಶಾಕ್‌ ಆಗಿದ್ದರು. ಇದಾದ ಬಳಿಕ ಸ್ಟೇಜ್ ಮೇಲೆ ನಿಂತು ಸುದೀಪ್ ಕುಡಿಯೋದೇನು? ಎಂದು ತೆಲುಗು ವೀಕ್ಷಕರು ಪ್ರಶ್ನೆ ಮಾಡುತ್ತಿದ್ದರು.
ಈಗ ಇದಕ್ಕೆ ಖುದ್ದು ಸುದೀಪ್ ಉತ್ತರಿಸಿದ್ದಾರೆ. ತೆಲುಗಿನಲ್ಲಿಯೇ ಸುದೀಪ್ ಉತ್ತರಿಸಿದ್ದಾರೆ. ಭಾನುವಾರದ (ನವೆಂಬರ್ 3) ಬಿಗ್ ಬಾಸ್ ಕನ್ನಡ 11 ಸಂಚಿಕೆಯಲ್ಲಿ ಸುದೀಪ್ ಈ ಬಗ್ಗೆ ಮಾತನಾಡಿದ್ದಾರೆ.
ತೆಲುಗು ಬಿಗ್ ಬಾಸ್ ನೋಡುತ್ತಿರುವ ಎಷ್ಟೋ ಜನ ಫ್ಯಾನ್ಸ್ ಒಂದು ಪ್ರಶ್ನೆ ಕೇಳುತ್ತಿರುತ್ತಾರೆ. ಸುದೀಪ್‌ಸ್ಟೇಜ್‌ ಮೇಲೆ ನಿಂತು ಕುಡೀತಾರಲ್ಲ ಅದು ಏನು ಅಂತ. ʻʻನಾನು ಸ್ವಲ್ಪ ರಮ್, ವಿಸ್ಕಿ ಹಾಕಿ ಕುಡಿಯುತ್ತೀನಿʼʼ ಎಂದು ಸುದೀಪ್ ತಮಾಷೆ ಮಾಡಿದ್ದರು.
ಬಳಿಕ ಸ್ಪರ್ಧಿಗಳ ಸಹಾಯದಿಂದ ತೆಲುಗಿನಲ್ಲೇ, ʻʻಕೊಂಚ ರಮ್ ಉಂದಿ, ಕೊಂಚ ವಿಸ್ಕಿ ಉಂದಿ, ಕೊಂಚ ಟಕೀಲಾ ಉಂದಿ ಅನಿ ಥಿಂಕ್ ಚೈ ವದ್ದು. ಕಾಫಿ ಉಂದಿ. ಕಾನಿ ಈ ಕಂಟೆಸ್ಟೆಂಟ್ಕೋ ನಾಕು ಸಾರಾಯಿ ಕಾವಾಲಿ. ಇಕ್ಕಡ ಲೇದುʼʼ ಎಂದು ಸುದೀಪ್ ಹೇಳಿದ್ದಾರೆ.
ಸುದೀಪ್ ಅವರ ಈ ಮಾತು ಕೇಳಿ ಬಿಗ್ ಬಾಸ್ ಸ್ಪರ್ಧಿಗಳು ಬಿದ್ದು ಬಿದ್ದು ನಗಾಡಿದ್ದಾರೆ. ಸುದೀಪ್ ಬಿಗ್ ಬಾಸ್ ವೇದಿಕೆ ಮೇಲೆ ನಿಂತು ಕುಡಿಯೋದು ಬ್ಲಾಕ್‌ ಕಾಫಿ.