ದೀಪಾವಳಿಯಲ್ಲಿ ದರ್ಶನ್‌ಗೆ ಡಬಲ್ ಖುಷಿ... ಮಗನಿಗಾಗಿ ಹೊರಬಂದೇ ಬಿಟ್ಟ `ಡಿ ಬಾಸ್`!
ಸುಮಾರು ಐದು ತಿಂಗಳಿನಿಂದ ಜೈಲಿನಲ್ಲಿ ಇದ್ದ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರಿಗೆ ನಿನ್ನೆ (ಅಕ್ಟೊಬರ್ 30) ಜಾಮೀನು ಸಿಕ್ಕಿದೆ. ಇಂದು ಅವರ ಪುತ್ರ ವಿನೀಶ್ ಹುಟ್ಟುಹಬ್ಬ. ಹಾಗಾಗಿ ‘ದಾಸ’ನಿಗೆ ಡಬಲ್ ಖುಷಿ.
ಪ್ರತಿಬಾರಿಯೂ ವಿನೀಶ್ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಿಸುತ್ತಾರೆ. ನಿನ್ನೆ ರಾತ್ರಿ ಜೈಲಿನಿಂದ ನೇರವಾಗಿ ಬೆಂಗಳೂರಿನ ಹೊಸಕೆರೆಹಳ್ಳಿಯಲ್ಲಿ ಇರುವ ವಿಜಯಲಕ್ಷ್ಮೀ ಅವರ ಮನೆಗೆ ಬಂದಿರುವ ದರ್ಶನ್ ಇಂದು ಅಲ್ಲೇ ಪುತ್ರ ವಿನೀಶ್ ಹುಟ್ಟುಹಬ್ಬ ಆಚರಿಸಲಿದ್ದಾರೆ.
ಮಧ್ಯಾಹ್ನವೇ ಮೆಚ್ಚಿನ ಮಗ ವಿನೀಶ್ ಬರ್ತ್ ಡೇ ಆಚರಿಸಿ, ಕೂಡಲೇ ಬೆನ್ನು ನೋವಿನ ಚಿಕಿತ್ಸೆಗಾಗಿ ದರ್ಶನ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ದರ್ಶನ್ ಪತ್ನಿ ವಿಜಯಲಕ್ಷ್ಮೀ, ಪುತ್ರ ವಿನೀಶ್, ಕುಟುಂಬದವರು ಮತ್ತು ಆಯ್ದ ಕೆಲವು ಆಪ್ತರ ಜೊತೆಗೆ ಸ್ವಲ ಹೊತ್ತು ಸಮಯ ಕಳೆದು ನಂತರ ಆಸ್ಪತ್ರೆಗೆ ತೆರಳಲಿದ್ದಾರೆ ಎಂದು ತಿಳಿದುಬಂದಿದೆ.
ಬೆನ್ನು ನೋವಿಗೆ ಚಿಕಿತ್ಸೆ ಪಡೆಯಲೆಂದೇ ಮಧ್ಯಂತರ ಜಾಮೀನು ಸಿಕ್ಕಿರುವುದರಿಂದ ಮತ್ತು ವಿಪರೀತ ಬೆನ್ನು ನೋವು ಇರುವುದರಿಂದ ದರ್ಶನ್ ಇಂದೇ ಆಸ್ಪತ್ರೆಗೆ ದಾಖಲಾಗಲಿದ್ದಾರೆ.
ತೀವ್ರ ತೆರನಾದ ಬೆನ್ನು ನೋವಿನಿಂದ ಬಳಲುತ್ತಿರುವ ದರ್ಶನ್ ಅವರಿಗೆ ಶಸ್ತ್ರಚಿಕಿತ್ಸೆ ಮಾಡುವ ಸಾಧ್ಯತೆ ಇದೆ.