Top Kannada YouTuber: ದಚ್ಚು, ಕಿಚ್ಚನಿಗಿಂತಲೂ ಅತಿ ಹೆಚ್ಚು ಫಾಲೋವರ್ಸ್ ಹೊಂದಿರೋದು ಕನ್ನಡದ ಈ ಯೂಟ್ಯೂಬರ್! ಯಾರು ಗೊತ್ತಾ ಆ ಅಪ್ಪಟ ಕನ್ನಡಿಗ?

ಸ್ಯಾಂಡಲ್ವುಡ್ ನಟರಾದ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ಕಿಚ್ಚ ಸುದೀಪ್ ಅತಿ ಹೆಚ್ಚು ಫಾಲೋವರ್ಸ್’ಗಳನ್ನು ಹೊಂದಿರುವ ಸೆಲೆಬ್ರಿಟಿಗಳು, ಆದರೆ ಇತ್ತೀಚಿನ ದಿನಗಳಲ್ಲಿ ಇವರಿಬ್ಬರಿಗಿಂತ ಹೆಚ್ಚು ಕ್ರೇಜ್ ಕ್ರಿಯೇಟ್ ಮಾಡಿದ್ದಾರೆ ಕನ್ನಡ ಓರ್ವ ಯೂಟ್ಯೂಬರ್.

ದರ್ಶನ್ ಅವರಿಗೆ ಇನ್’ಸ್ಟಾಗ್ರಾಂನಲ್ಲಿ 2 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಇನ್ನು ಸುದೀಪ್ ಅವರನ್ನು 2.1 ಮಿಲಿಯನ್ ಜನ ಫಾಲೋ ಮಾಡುತ್ತಿದ್ದಾರೆ. ಆದರೆ ಈ ಯೂಟ್ಯೂಬರದ ಈ ಇಬ್ಬರಿಗಿಂತ ಹೆಚ್ಚು ಅಂದರೆ 2.2 ಮಿಲಿಯನ್ ಫಾಲೋವರ್ಸ್ ಹೊಂದಿದ್ದು, ಎಲ್ಲರ ಮನಗೆದ್ದಿದ್ದಾನೆ.

ಈ ಯೂಟ್ಯೂಬರ್ ಬೇರಾರು ಅಲ್ಲ, ಡಾ. ಬ್ರೋ ಖ್ಯಾತಿಯ ಗಗನ್ ಶ್ರೀನಿವಾಸ್. ಇವರು ಕರ್ನಾಟಕದ ಯೂಟ್ಯೂಬರ್ ಮತ್ತು ಟ್ರಾವೆಲ್ ವ್ಲಾಗರ್.

ನಮಸ್ಕಾರ ದೇವ್ರು ಅಂತಾನೆ ಮಾತು ಶುರು ಮಾಡುವ ಡಾ. ಬ್ರೋ ಕನ್ನಡಿಗರ ಮೆಚ್ಚಿನ ಯೂಟ್ಯೂಬರ್. ಪಾಕಿಸ್ತಾನ, ಚೀನಾ, ಸುಡಾನ್, ಆಫ್ರಿಕಾ ಸೇರಿದಂತೆ ಅನೇಕ ದೇಶಗಳನ್ನು ಸುತ್ತುತ್ತಾ ಕನ್ನಡದಲ್ಲೇ ಮಾಹಿತಿ ನೀಡುತ್ತಾ ವಿಶೇಷ ಪ್ರಯತ್ನದಿಂದ ಮುನ್ನೆಲೆಗೆ ಬಂದವರು ಗಗನ್.

ಇವರಿಗೆ ಸದ್ಯ ಇನ್’ಸ್ಟಾಗ್ರಾಂನಲ್ಲಿ 2.2 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಅಂದಹಾಗೆ ಕನ್ನಡಿಗರಿಗೆ ಅಂಗೈನಲ್ಲೇ ಇಡೀ ಪ್ರಪಂಚ ತೋರಿಸಲು ಮುಂದಾಗಿರುವ ಗಗನ್, ಇದೀಗ ಅಯೋಧ್ಯೆಯಲ್ಲಿ ವಿಶೇಷ ವ್ಲಾಗ್ ಮಾಡುತ್ತಿದ್ದಾರೆ. ರಾಮನ ಮೂಲದ ಬಗ್ಗೆ ಸವಿವರವಾಗಿ ಮಾಹಿತಿ ನೀಡುತ್ತಿರುವ ಗಗನ್ ಶ್ರೀನಿವಾಸ್, ಯೂಟ್ಯೂಬ್’ನಲ್ಲಿ 2.32 ಮಿಲಿಯನ್ ಸಬ್’ಸ್ಕ್ರೈಬರ್ಸ್’ನ್ನು ಹೊಂದಿದ್ದಾರೆ.