ಚಿತ್ರರಂಗಕ್ಕೆ ಬಿಗ್‌ ಶಾಕ್‌.. ಖ್ಯಾತ ನಟ ಗಣೇಶ್ ನಿಧನ..!
Delhi Ganesh: ತಮಿಳು ಇಂಡಸ್ಟ್ರಿಯ ಖ್ಯಾತ ನಟ ಡೆಲ್ಲಿ ಗಣೇಶ್ ಅವರು ನಿಧನ ಹೊಂದಿದ್ದಾರೆ, ಸದ್ಯ ಈ ಸುದ್ದಿ ಚಿತ್ರರಂಗಕ್ಕೆ ಸಿಡಿಲು ಬಡಿದಂತಾಗಿದೆ.
ಖ್ಯಾತ ನಟ ಡೆಲ್ಲಿ ಗಣೇಶ್ ಅವರು ನವೆಂಬರ್ 10 ರ ತಡರಾತ್ರಿ 11 ಗಂಟೆ ಸರಿ ಸುಮಾರಿಗೆ ಹಸು ನೀಗಿದ್ದಾರೆ.
ವಯೋಸಹಜ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದ ಡೆಲ್ಲಿ ಗಣೇಶ್ ಅವರು ತಮ್ಮ 80 ವಯಸ್ಸಿನಲ್ಲಿ ಬಾರದ ಲೋಕ ಸೇರಿದ್ದಾರೆ.
ಡೆಲ್ಲಿ ಗಣೇಶ್ ಅವರು 40 ವರ್ಷಕ್ಕೂ ಹೆಚ್ಚು ಸಿನಿಮಾ ರಂಗದಲ್ಲಿ ಕೆಲಸ ಮಾಡಿದ್ದು, 400 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ನಾಯಕ ಪಾತ್ರ ಹಾಗೂ ಹಾಸ್ಯನಟನ ಪಾತ್ರಗಳಲ್ಲಿ ಅಷ್ಟೆ ಅಲ್ಲದೆ, ಡೆಲ್ಲಿ ಗಣೇಶ್ ಅವರು ವಿಲನ್ ಪಾತ್ರಗಳಲ್ಲಿ ಕೂಡ ಬಣ್ಣ ಹಚ್ಚಿದ್ದಾರೆ.
1976 ರಲ್ಲಿ ಸಿನಿಮಾ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟಿದ್ದ ಅವರು ತಮಿಳು, ತೆಲುಗು, ಮಲಯಾಳಂ ಸೇರಿ ಹಲವು ಭಾಷೆಗಳ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಸಿನಿಮಾಗಳಲ್ಲಿ ಅಷ್ಟೆ ಅಲ್ಲದೆ 25ಕ್ಕೂ ಹೆಚ್ಚು ಟಿವಿ ಧಾರಾವಾಹಿಗಳಲ್ಲಿಯೂ ಸಹ ಡೆಲ್ಲಿ ಗಣೇಶ್ ನಟಿಸಿದ್ದಾರೆ.
ಡೆಲ್ಲಿ ಗಣೇಶ್ ಅವರ ಸಾವಿಗೆ ಚಿತ್ರರಂಗದ ಗಣ್ಯರು ಇದೀಗ ಸಂತಾಪ ಸೂಚಿಸುತ್ತಿದ್ದಾರೆ.