ಹಿಮವಾಗಿ ಮಾರ್ಪಟ್ಟ ಸಾಗರದ ನೀರು, ಮಧ್ಯದಲ್ಲಿ ಸಿಲುಕಿ ಹಾಕಿಕೊಂಡಿರುವ 18 ಹಡಗುಗಳು

ರಷ್ಯಾದ ಕರಾವಳಿಯಲ್ಲಿ ಆರ್ಕ್ಟಿಕ್ ಸಮುದ್ರದ ಅನಿರೀಕ್ಷಿತ ಅಕಾಲಿಕ ಘನೀಕರಣದಿಂದಾಗಿ ಸುಮಾರು 18 ಸರಕು ಹಡಗುಗಳನ್ನು ಅಲ್ಲಿ ಸಿಲುಕಿಸಿದೆ.   

ಮಾಸ್ಕೋ ಟೈಮ್ಸ್‌ನಲ್ಲಿ ಪ್ರಕಟವಾದ ವರದಿಗಳ ಪ್ರಕಾರ, 30 ಸೆಂ.ಮೀ ದಪ್ಪದ ಮಂಜುಗಡ್ಡೆಯ ರಚನೆಯಿಂದಾಗಿ ಹೆಚ್ಚಿನ ಹಡಗುಗಳು ಲ್ಯಾಪ್ಟೆವ್ ಸಮುದ್ರ ಮತ್ತು ಪೂರ್ವ ಸೈಬೀರಿಯನ್ ಸಮುದ್ರಗಳಲ್ಲಿ ಸಿಲುಕಿಕೊಂಡಿವೆ. ಏತನ್ಮಧ್ಯೆ, ಪರಿಸ್ಥಿತಿಯನ್ನು ನಿಭಾಯಿಸಲು ರಷ್ಯಾ ಸಹಾಯ ಹಸ್ತ ಚಾಚಿದೆ. 

ವರದಿಗಳ ಪ್ರಕಾರ, ಕೆಲವು ಹಡಗುಗಳು ಹಲವಾರು ದಿನಗಳಿಂದ  ಸಿಕ್ಕಿಹಾಕಿಕೊಂಡಿವೆ. ಇಂತಹ ಪರಿಸ್ಥಿತಿಯಲ್ಲಿ ಊಟ-ತಿಂಡಿಯ ಜತೆಗೆ ಔಷಧಗಳನ್ನೂ ಅಲ್ಲಿಗೆ ರವಾನಿಸಲಾಗಿದೆ. ಮಾರ್ಗವನ್ನು ಸಾಮಾನ್ಯಗೊಳಿಸಲು ರಷ್ಯಾ ಪ್ರಸ್ತುತ ಎರಡು ತೈಲ ಟ್ಯಾಂಕರ್‌ಗಳು ಮತ್ತು ಸರಕು ದೋಣಿಗಳು ಸೇರಿದಂತೆ ಎರಡು ವಿಶೇಷ ಐಸ್ ಬ್ರೇಕರ್‌ಗಳನ್ನು ಕಳುಹಿಸಿದೆ. ಆದರೆ, ಹದಗೆಟ್ಟ ಹವಾಮಾನವು ಮಾರ್ಗವನ್ನು ಸಾಮಾನ್ಯಗೊಳಿಸುವ ಕಾರ್ಯಕ್ಕೆ ದೊಡ್ಡ ಅಡ್ಡಿಯಾಗುತ್ತಿದೆ.   

ಈ ಸಾಗರದ ಘನೀಕರಣವು ಸಾಮಾನ್ಯ ಪ್ರಕ್ರಿಯೆಯಂತೆ. ಆದರೆ ಈ ಬಾರಿ ಅಕಾಲಿಕ ಮತ್ತು ಅನಿರೀಕ್ಷಿತ ಘನೀಕರಣದ ಕಾರಣದಿಂದಾಗಿ, ಅಂದಾಜಿನಂತೆ ಯಾವುದು ನಡೆದಿಲ್ಲ. ಈ ಹಡಗುಗಳಲ್ಲಿ ಕೋಟಿ-ಕೋಟಿ ಮೌಲ್ಯದ ಸರಕು ತುಂಬಿದೆ ಎನ್ನಲಾಗುತ್ತಿದೆ. 

ಸಾಗರದ ಅನಿರೀಕ್ಷಿತ ಘನೀಕರಣದಿಂದಾಗಿ, ಭಾರಿ ನಷ್ಟ ಎದುರಾಗಿದೆ. ಮಾರ್ಗವನ್ನು ಸಾಮಾನ್ಯಗೊಳಿಸುವ ಕೆಲಸವು ಮತ್ತಷ್ಟು ವೇಗವನ್ನು ಹೆಚ್ಚಿಸದಿದ್ದರೆ, ಈ ಹಡಗುಗಳು ಹಲವಾರು ತಿಂಗಳುಗಳವರೆಗೆ ಸಿಕ್ಕಿಬೀಳಬಹುದು ಎಂದು ತಜ್ಞರು ಹೇಳುತ್ತಾರೆ.