ಸುದೀಪ್, ದರ್ಶನ್’ಗಿಂತಲೂ ಅಧಿಕ ಫ್ಯಾನ್ ಫಾಲೋವರ್ಸ್ ಹೊಂದಿರೋದು ಕನ್ನಡದ ಈ ಯೂಟ್ಯೂಬರ್! ಯಾರೆಂದು ತಿಳಿಯಿತೇ?

ಸ್ಯಾಂಡಲ್ವುಡ್’ನಲ್ಲಿ ಅತಿ ಹೆಚ್ಚು ಫ್ಯಾನ್ ಫಾಲೋವರ್ಸ್ ಹೊಂದಿರುವ ಸೆಲೆಬ್ರಿಟಿಗಳಲ್ಲಿ ಕಿಚ್ಚ ಸುದೀಪ್ ಮತ್ತು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕೂಡ ಒಬ್ಬರು. ಆದರೆ ಇವರಿಬ್ಬರನ್ನು ಮೀರಿ ಕನ್ನಡದ ಓರ್ವ ಯೂಟ್ಯೂಬರ್ ಬೆಳೆದಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿದ್ದಾರೆ.

ನಟ ದರ್ಶನ್ ಅವರಿಗೆ ಇನ್’ಸ್ಟಾಗ್ರಾಂನಲ್ಲಿ 2.1 ಮಿಲಿಯನ್ ಫಾಲೋವರ್ಸ್ ಇದ್ದರೆ, ಸುದೀಪ್ ಅವರನ್ನು 2.2 ಮಿಲಿಯನ್ ಮಂದಿ ಫಾಲೋ ಮಾಡುತ್ತಿದ್ದಾರೆ. ಆದರೆ ಈ ಯೂಟ್ಯೂಬರ್ ಮಾತ್ರ ಇವರಿಬ್ಬರನ್ನು ಮೀರಿಸಿ, ಅಂದರೆ 2.5 ಮಿಲಿಯನ್ ಫಾಲೋವರ್ಸ್’ಗಳನ್ನು ಹೊಂದಿದ್ದಾರೆ.

ಅಷ್ಟಕ್ಕೂ ಆತ ಯಾರೆಂದು ನೀವು ಊಹೆ ಮಾಡಿರಬಹುದು. ಕೆಲವರ ಊಹೆ ನಿಜವೂ ಆಗಿರಬಹುದು. ಅಂದಹಾಗೆ ಆ ಯೂಟ್ಯೂಬರ್ ಬೇರಾರು ಅಲ್ಲ, ಡಾ. ಬ್ರೋ ಖ್ಯಾತಿಯ ಗಗನ್ ಶ್ರೀನಿವಾಸ್. ಇವರು ಕರ್ನಾಟಕದ ಪ್ರಖ್ಯಾತ ಯೂಟ್ಯೂಬರ್ ಮತ್ತು ಟ್ರಾವೆಲ್ ವ್ಲಾಗರ್.

“ನಮಸ್ಕಾರ ದೇವ್ರು” ಎನ್ನುತ್ತಾ ಮಾತು ಶುರುಹಚ್ಚುವ ಈ ಅಪ್ಪಟ ಕನ್ನಡಿಗ, ದೇಶದ ಮೂಲೆ ಮೂಲೆಗೂ ಪ್ರಯಾಣಿಸುತ್ತಾ, ಅಲ್ಲಿನ ವಿಶೇಷತೆಗಳನ್ನು ಅಚ್ಚ ಕನ್ನಡದಲ್ಲೇ ಕನ್ನಡಿಗರಿಗೆ ತಲುಪಿಸುವ ಕೆಲಸ ಮಾಡುತ್ತಿದ್ದಾರೆ.

ಈಗಾಗಲೇ ಪಾಕಿಸ್ತಾನ, ಚೀನಾ, ಸುಡಾನ್, ಆಫ್ರಿಕಾ, ಚೀನಾ, ಇಂಡೋನೇಷಿಯಾ, ಜಕಾರ್ತಾ, ರಷ್ಯಾ ಸೇರಿದಂತೆ ಅನೇಕ ದೇಶಗಳನ್ನು ಸುತ್ತಿರುವ ಗಗನ್, ಕನ್ನಡಿಗರ ನೆಚ್ಚಿನ ಯೂಟ್ಯೂಬರ್ ಎಂದೇ ಹೇಳಬಹುದು.

ಕನ್ನಡಿಗರಿಗೆ ಅಂಗೈನಲ್ಲೇ ಇಡೀ ಪ್ರಪಂಚ ತೋರಿಸುತ್ತೇನೆ ಎಂದು ಪಣತೊಟ್ಟಿರುವ ಗಗನ್, ಅಯೋಧ್ಯೆಯಲ್ಲಿ ವಿಶೇಷ ವ್ಲಾಗ್ ಮಾಡಿ ಎಲ್ಲರ ಗಮನಸೆಳೆದಿದ್ದರು. ಅಂದಹಾಗೆ ಇವರು ಯೂಟ್ಯೂಬ್’ನಲ್ಲಿ 2.48 ಮಿಲಿಯನ್ ಸಬ್’ಸ್ಕ್ರೈಬರ್ಸ್’ನ್ನು ಹೊಂದಿದ್ದಾರೆ.