Gold Price Today: ಆಭರಣ ಪ್ರಿಯರಿಗೆ ಸಿಹಿ ಸುದ್ದಿ..ಆಗಸ್ಟ್ 1 ರಿಂದ ಚಿನ್ನದ ಬೆಲೆಯಲ್ಲಿ ಶೇಕಡಾ 9 ರಷ್ಟು ಕುಸಿತ..!
2024ರ ಬಜೆಟ್‌ನಲ್ಲಿ ಸರ್ಕಾರವು ಚಿನ್ನದ ಆಮದು ಸುಂಕವನ್ನು ಕಡಿತಗೊಳಿಸಿದಾಗಿನಿಂದ ಸಾಮಾನ್ಯ ಜನರು ಚಿನ್ನದ ಬೆಲೆ ಅಗ್ಗ ಆಗುವು ಸಮಯಕ್ಕಾಗಿ ಕಾದು ಕೂತಿದ್ದಾರೆ. ಎಲ್ಲಾ ಕಸ್ಟಮ್ಸ್ ವಿಧಿವಿಧಾನಗಳನ್ನು ಪೂರ್ಣಗೊಳಿಸಿದ ನಂತರ, ಅಗ್ಗದ ಚಿನ್ನವು ಅಂತಿಮವಾಗಿ ಭಾರತಕ್ಕೆ ಬಂದಿದ್ದು, ಆಗಸ್ಟ್ 1 ರಿಂದ ಕಡಿಮೆ ಆಮದು ಸುಂಕದೊಂದಿಗೆ ಚಿನ್ನದ ಮಾರಾಟ ಪ್ರಾರಂಭವಾಗುವ ನಿರೀಕ್ಷೆಯಿದೆ. ಅಂದರೆ ಇಂದಿನಿಂದ(ಆಗಷ್ಟ್‌ 01) ಚಿನ್ನ ಅಗ್ಗವಾಗಿ ಸಿಗಬಹುದು. ಚಿನ್ನದ ಮೇಲಿನ ಆಮದು ಸುಂಕವನ್ನು ಸರ್ಕಾರ ನೇರವಾಗಿ ಶೇ.9ರಷ್ಟು ಕಡಿತಗೊಳಿಸಿದೆ.
ಜುಲೈ 23 ರಂದು ಬಜೆಟ್ ಮಂಡಿಸುವಾಗ ಹಣಕಾಸು ಸಚಿವರಾದ ನಿರ್ಮಲಾ ಸೀತಾರಾಮನ್‌ ಚಿನ್ನದ ಆಮದು ಸುಂಕವನ್ನು ಶೇ 15 ರಿಂದ ಶೇ 6ಕ್ಕೆ ಇಳಿಸಿದ್ದರು. ಆಮದು ಸುಂಕ ಕಡಿತದ ಪರಿಣಾಮ ತಕ್ಷಣವೇ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಇಳಿಕೆ ಕಾಣಲು ಆರಂಭಿಸಿತು, ಹೊರಗಿನಿಂದ ಅಗ್ಗದ ಚಿನ್ನವನ್ನು ಆಮದು ಮಾಡಿಕೊಳ್ಳಲು ಸ್ವಲ್ಪ ಸಮಯ ಹಿಡಿಯಿತು. ವಿವಿಧ ಕಸ್ಟಮ್ಸ್ ಫಾರ್ಮಾಲಿಟಿಗಳ ನಂತರ ಆಮದು ಮಾಡಿದ ಚಿನ್ನವು ದೇಶಕ್ಕೆ ಬರುತ್ತದೆ. ನಿಸ್ಸಂಶಯವಾಗಿ ಇದು ಸ್ವಲ್ಪ ಸಮಯ ತೆಗೆದುಕೊಂಡಿತು, ಆದರೆ ಆಗಸ್ಟ್ 1 ರಿಂದ, ಪರಿಷ್ಕೃತ ಆಮದು ಸುಂಕದೊಂದಿಗೆ ಚಿನ್ನವು ದೇಶಕ್ಕೆ ಆಗಮಿಸುತ್ತದೆ ಮತ್ತು ಅದರ ಮಾರಾಟವು ಚಿಲ್ಲರೆ ಮಾರುಕಟ್ಟೆಯಲ್ಲಿ ಪ್ರಾರಂಭವಾಗುತ್ತದೆ ಎಂದು ನಂಬಲಾಗಿದೆ.
ಕಸ್ಟಮ್ಸ್ ಔಪಚಾರಿಕತೆಗಳನ್ನು ಪೂರ್ಣಗೊಳಿಸಲು ಸುಮಾರು ಒಂದು ವಾರ ತೆಗೆದುಕೊಂಡಿತು ಮತ್ತು ಆಗಸ್ಟ್ 1 ರಿಂದ ಕಡಿಮೆ ಆಮದು ಸುಂಕದೊಂದಿಗೆ ಚಿನ್ನವು ಎಷ್ಟು ಅಗ್ಗವಾಗಲಿದೆ ಶೇರ್‌ ಮಾರುಕಟ್ಟೆ ತಙ್ನರು ಹೇಳಿದ್ದಾರೆ. ಆಮದು ಸುಂಕದಲ್ಲಿ ಶೇಕಡಾ 9 ರಷ್ಟು ಕಡಿತ ಮಾಡಿದ್ದರೆ, ಗ್ರಾಹಕರು ಸಹ ಸರಿಸುಮಾರು ಅದೇ ಬೆಲೆಗೆ ಚಿನ್ನವನ್ನು ಪಡೆಯುತ್ತಾರೆ. ರೂಪಾಯಿ ಲೆಕ್ಕದಲ್ಲಿ ನೋಡಿದರೆ 10 ಗ್ರಾಂಗೆ ಸುಮಾರು 5 ರಿಂದ 6 ಸಾವಿರ ರೂಪಾಯಿಗಳಷ್ಟು ಚಿನ್ನ ಅಗ್ಗವಾಗುತ್ತದೆ.
ಆಭರಣ ವ್ಯಾಪಾರಿಗಳು ಇನ್ನು ಮುಂದೆ ಗ್ರಾಹಕರಿಂದ ಚಿನ್ನದ ಮೇಲೆ ಪ್ರೀಮಿಯಂ ವಿಧಿಸಲು ಸಾಧ್ಯವಾಗುವುದಿಲ್ಲ. ಅಂದರೆ ಇಲ್ಲಿಯವರೆಗೆ ಕೆಲವು ಆಭರಣ ವ್ಯಾಪಾರಿಗಳು ಕಪ್ಪು ಚಿನ್ನವನ್ನು ಆಮದು ಮಾಡಿಕೊಳ್ಳುವ ಮೂಲಕ 15 ಪ್ರತಿಶತ ಪ್ರೀಮಿಯಂ ಆಮದು ಸುಂಕವನ್ನು ವಿಧಿಸುತ್ತಿದ್ದರು. ಆದರೆ, ಆಮದು ಸುಂಕ ಕಡಿತದ ನಂತರ, ಇದು ವಿಧಿಸಲು ಸಾಧ್ಯವಿಲ್ಲ.
ಆಮದು ಸುಂಕದೊಂದಿಗೆ ಚಿನ್ನ ಈಗ ದೇಶವನ್ನು ಪ್ರವೇಶಿಸಲಿದೆಯಾದರೂ, ಬಜೆಟ್‌ನಿಂದ ಚಿನ್ನದ ಮೇಲಿನ ಕಸ್ಟಮ್ ಸುಂಕ ಕಡಿತದ ಪರಿಣಾಮ ಗೋಚರಿಸಲಾರಂಭಿಸಿದೆ. IBJA ಪ್ರಕಾರ, ಬಜೆಟ್‌ಗೆ ಒಂದು ದಿನ ಮೊದಲು, 24 ಕ್ಯಾರೆಟ್ ಚಿನ್ನದ ದರವು 10 ಗ್ರಾಂಗೆ 73,218 ರೂ ಇತ್ತು, ಇಂದು ಅಂದರೆ ಆಗಸ್ಟ್ 31 ರಂದು 10 ಗ್ರಾಂಗೆ 69,309 ರೂ.ಗೆ ಮಾರಾಟವಾಗುತ್ತಿದೆ. ಅಂದರೆ ಬಜೆಟ್ ಮಂಡನೆಯಾದಾಗಿನಿಂದ ಬುಲಿಯನ್ ಮಾರುಕಟ್ಟೆಯಲ್ಲಿ ಚಿನ್ನದ ಚಿಲ್ಲರೆ ಬೆಲೆಯಲ್ಲಿ 3,909 ರೂಪಾಯಿ ಇಳಿಕೆಯಾಗಿದೆ.