ತನಗಿಂತ 6 ವರ್ಷ ಹಿರಿಯ ವೈದ್ಯೆ ಮೇಲೆ ಲವ್… ಕಡೆಗೂ ಕಾಡಿಬೇಡಿ ಮದುವೆಯಾದ ಟೀಂ ಇಂಡಿಯಾದ ಸರ್ವಶ್ರೇಷ್ಠ ಬ್ಯಾಟ್ಸ್’ಮನ್ ಇವರೇ!
24 ವರ್ಷಗಳ ಕಾಲ ಅಂತರಾಷ್ಟ್ರೀಯ ಕ್ರಿಕೆಟ್ ಅನ್ನು ಆಳಿದ ಸಚಿನ್ ತೆಂಡೂಲ್ಕರ್, ಜೀವನದಲ್ಲಿ ಭಯಪಡುವ ಸಮಯ ಕೂಡ ಬಂದಿತ್ತಂತೆ. ಆದರೆ ಆ ಭಯಕ್ಕೆ ಕಾರಣ ಅಂಜಲಿ ತೆಂಡೂಲ್ಕರ್. ಅಂದಹಾಗೆ ಇಂದು ಮಾದರಿ ಸೆಲೆಬ್ರಿಟಿ ಜೋಡಿಯಾಗಿ ಮಿಂಚುತ್ತಿರುವ ಇವರಿಬ್ಬರು ಮೊದಲ ಭೇಟಿಯಾಗಿದ್ದು ಏರ್‌ಪೋರ್ಟ್‌’ನಲ್ಲಿ.
ಅಂಜಲಿ ತನ್ನ ತಾಯಿಯನ್ನು ವಿಮಾನ ನಿಲ್ದಾಣದಿಂದ ಕರೆದುಕೊಂಡು ಹೋಗಲು ಬಂದಾಗ, ಸಚಿನ್ ಕಣ್ಣಿಗೆ ಬಿದ್ದಿದ್ದಾರೆ. ಆ ಸಂದರ್ಭದಲ್ಲಿ ಸಚಿನ್’ಗೆ 17 ವರ್ಷ ವಯಸ್ಸು. ಇಂಗ್ಲೆಂಡ್ ಪ್ರವಾಸದಿಂದ ತವರಿಗೆ ಹಿಂದಿರುಗುತ್ತಿದ್ದ ಸಮಯವದು. ಒಂದೊಮ್ಮೆ ಸಂದರ್ಶನದಲ್ಲಿ, “ಸಚಿನ್ ಅವರನ್ನು ಭೇಟಿಯಾಗುವ ತನಕ ಅವರು ಯಾರೆಂದೇ ನನಗೆ ಗೊತ್ತಿರಲಿಲ್ಲ” ಎಂದು ಅಂಜಲಿ ಹೇಳಿದ್ದರು.
2015ರಲ್ಲಿ ಸಚಿನ್ ತೆಂಡೂಲ್ಕರ್ ಅವರ ಆತ್ಮಕಥನ ‘ಪ್ಲೇಯಿಂಗ್ ಇಟ್ ಮೈ ವೇ’ ಬಿಡುಗಡೆ ವೇಳೆ ಅಂಜಲಿ ಒಂದು ಕುತೂಹಲಕಾರಿ ವಿಷಯವನ್ನು ಹೇಳಿದ್ದರು. “ಸಚಿನ್ ನನ್ನನ್ನು ಮೊದಲ ಬಾರಿಗೆ ಮನೆಗೆ ಆಹ್ವಾನಿಸಿದಾಗ ಅವರು ಆತಂಕಗೊಂಡಿದ್ದರು. ಅಷ್ಟೇ ಅಲ್ಲದೆ, ಅವರ ಪೋಷಕರಿಗೆ ನಮ್ಮ ಸಂಬಂಧದ ಬಗ್ಗೆ ತಿಳಿಯಬಾರದು ಎಂದು ನನ್ನನ್ನು ಪತ್ರಕರ್ತೆ ಎಂದು ಪರಿಚಯಿಸಲು ಯೋಜಿಸಿದ್ದರು” ಎಂದಿದ್ದಾರೆ.
ಅಂಜಲಿ ತೆಂಡೂಲ್ಕರ್ ಮಾತನಾಡಿ, "ನಾನು ಅವರ ಮನೆಗೆ ಹೋಗಬೇಕು ಎಂದಾಗ ಸಚಿನ್ ಕೊಂಚ ಹಿಂಜರಿದರು. ಹಾಗಾಗಿ ಅವರು ತಮ್ಮ ಮನೆಯಲ್ಲಿದ್ದವರಿಗೆ ನಾನು ಪತ್ರಕರ್ತೆ ಎಂದು ಹೇಳುತ್ತೇನೆ ಎಂದು ಪ್ಲಾನ್ ಮಾಡಿದ್ದರು. ನೀವು ಪತ್ರಕರ್ತೆಯಂತೆ ನಟಿಸಿ, ಏನು ಹೇಳಿದರೂ ಸರಿ ಎಂದಿದ್ದರು. ಹಾಗೆಯೇ ನಾನು ಸಲ್ವಾರ್ ಕಮೀಜ್ ಧರಿಸಿ ಸಚಿನ್ ಮನೆಗೆ ಹೋಗಿದ್ದೆ” ಎಂದು ಹಳೆಯ ದಿನಗಳನ್ನು ನೆನಪಿಸಿಕೊಂಡರು.
ಅಂದಹಾಗೆ ಅಂಜಲಿ ತಮ್ಮ ಲವ್ ಸ್ಟೋರಿ ಬಗ್ಗೆ ಹೇಳಿದ್ದು, “ನಾವು ಮದುವೆಯಾಗದ ಸಮಯದಲ್ಲಿ ಫೋನ್ ಕರೆ ದರಗಳು ತುಂಬಾ ದುಬಾರಿಯಾಗಿತ್ತು. ಅದಕ್ಕೇ ಸಚಿನ್’ಗೆ ಪತ್ರ ಬರೆಯುತ್ತಿದ್ದೆ. ಮೆಡಿಸಿನ್ ಓದುತ್ತಿದ್ದಾಗ ಕೆಲವೊಮ್ಮೆ ಸಚಿನ್ ಜೊತೆ ಮಾತನಾಡಲು ಕಾಲೇಜಿನಿಂದ ದೂರವಿರುವ ಫೋನ್ ಬೂತ್ ಗೆ ಹೋಗುತ್ತಿದ್ದೆ” ಎಂದಿದ್ದಾರೆ.
ಅಂದಹಾಗೆ, ಸಚಿನ್ ತೆಂಡೂಲ್ಕರ್ ಅವರ ಪತ್ನಿ ಅಂಜಲಿ ತೆಂಡೂಲ್ಕರ್ ಅವರಿಗಿಂತ ಸುಮಾರು 6 ವರ್ಷ ದೊಡ್ಡವರು. ಇವರಿಬ್ಬರ ಪ್ರೀತಿಗೆ ವಯಸ್ಸಿನ ಮಿತಿ ಅಡ್ಡಿಯೇ ಆಗಿರಲಿಲ್ಲ. ಇನ್ನು ಅಂಜಲಿ ಸುಮಾರು 5 ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ಈ ಜೋಡಿ 1995ರಲ್ಲಿ ದಾಂಪತ್ಯಕ್ಕೆ ಕಾಲಿಟ್ಟಿತ್ತು.