Rajkumar Birthday: ರಾಜ್ ಕುಮಾರ್ 5 ಮಕ್ಕಳು.. 11 ಮೊಮ್ಮಕ್ಕಳು ಹೇಗಿದ್ದಾರೆ ನೋಡಿದ್ದೀರಾ? ಪುತ್ರರಂತೆ ಅಳಿಯ ಸಹ ಫೇಮಸ್‌ ನಟ !
ನಟಸಾರ್ವಭೌಮ ಡಾ. ರಾಜ್‌ಕುಮಾರ್ ಇವರು ಜನಿಸಿದ್ದು ಏಪ್ರಿಲ್ 24, 1929ರಲ್ಲಿ. ರಾಜ್ ಕುಮಾರ್ ಅವರಿಗೆ 5 ಮಕ್ಕಳು ಮತ್ತು 11 ಮೊಮ್ಮಕ್ಕಳು.
ಡಾ.ರಾಜ್ ಕುಮಾರ್ ಅವರ ಪತ್ನಿ ಪಾರ್ವತಮ್ಮ ರಾಜ್ ಕುಮಾರ್. ಮೊದಲ ಮಗ ನಾಗರಾಜ ಪುಟ್ಟುಸ್ವಾಮಿ ಅವರೇ ಕನ್ನಡಿಗರ ನೆಚ್ಚಿನ ಶಿವರಾಜ್ ಕುಮಾರ್. ರಾಜ್ ಕುಮಾರ್ ಅವರ ಎರಡನೇ ಮಗಳು ಲಕ್ಷ್ಮಿ, ಮೂರನೇ ಪುತ್ರ ರಾಘವೇಂದ್ರ ರಾಜ್ ಕುಮಾರ್. ನಾಲ್ಕನೇ ಮಗಳು ಪೂರ್ಣಿಮಾ ಮತ್ತು ಐದನೇ ಪುತ್ರ ಪುನೀತ್ ರಾಜ್ ಕುಮಾರ್.
ಶಿವರಾಜ್ ಕುಮಾರ್, ರಾಘವೇಂದ್ರ ರಾಜ್ ಕುಮಾರ್, ಪುನೀತ್ ರಾಜ್ ಕುಮಾರ್ ಸ್ಟಾರ್ ನಟರಾಗಿ ಹೆಸರು ಮಾಡಿದ್ದಾರೆ. ಪಾರ್ವತಮ್ಮ ರಾಜ್ ಕುಮಾರ್ ನಿರ್ಮಾಪಕಿಯಾಗಿದ್ದರು.
ಶಿವಣ್ಣನ ಮೊದಲ ಮಗಳು ನಿರೂಪಮಾ, ಚಿಕ್ಕ ಮಗಳು ನಿವೇದಿತಾ. ನಿರೂಪಮಾ ವೈದ್ಯೆ. ನಿವೇದಿತಾ ವೆಬ್ ಸೀರಿಸ್‌ ನಿರ್ಮಾಣ ಮಾಡುತ್ತ ನಿರ್ಮಾಪಕಿಯಾಗಿದ್ದಾರೆ. ನಿವೇದಿತಾ ಅಂಡಮಾನ್‌ ಸಿನಿಮಾದಲ್ಲಿ ಬಾಲನಟಿಯಾಗಿದ್ದರು. ಶಿವಣ್ಣ ಪತ್ನಿ ಗೀತಾ ಕಾಸ್ಟ್ಯೂಮ್ ಡಿಸೈನರ್ ಆಗಿದ್ದಾರೆ.
ರಾಜ ಕುಮಾರ್ ಅವರ ಪುತ್ರಿ ಲಕ್ಷ್ಮೀಯವರನ್ನು ಪಾರ್ವತಮ್ಮ ಅವರ ಸಹೋದರ ಗೋವಿಂದ ರಾಜು ಅವರಿಗೆ ಮದುವೆ ಮಾಡಿಕೊಟ್ಟಿದ್ದಾರೆ. ಗೋವಿಂದರಾಜು ಸಹ ಸಿನಿಮಾ ನಿರ್ಮಾಪಕರಾಗಿದ್ದಾರೆ. ಇವರಿಗೆ ಇಬ್ಬರು ಪುತ್ರಿಯರು ಹಾಗೂ ಓರ್ವ ಮಗನಿದ್ದಾರೆ. ಸರಸ್ವತಿ, ಪಾರ್ವತಿ ಮತ್ತು ಶಾಮ್.
ರಾಘವೇಂದ್ರ ರಾಜ್ ಕುಮಾರ್ ಅವರ ಮೊದಲ ಮಗ ವಿನಯ್ ರಾಜ್ ಕುಮಾರ್ ನಟನಾಗಿ ಗಮನ ಸೆಳೆದಿದ್ದಾರೆ. ಎರಡನೇ ಮಗ ಯುವ ರಾಜ್ ಕುಮಾರ್ ಸಹ ಚಿತ್ರರಂಗಕ್ಕೆ ಹೀರೋ ಆಗಿ ಎಂಟ್ರಿಕೊಟ್ಟಿದ್ದಾರೆ.
ಕನ್ನಡದ ಖ್ಯಾತ ನಟ ರಾಮ್ ಕುಮಾರ್ ಅವರನ್ನು ರಾಜ್ ಕುಮಾರ್ ಪುತ್ರಿ ಪೂರ್ಣಿಮಾ ಮದುವೆ ಆಗಿದ್ದಾರೆ. ಇವರ ಮಕ್ಕಳೇ ಧೀರೆನ್ ರಾಮ್ ಕುಮಾರ್ ಮತ್ತು ಧನ್ಯಾ ರಾಮ್ ಕುಮಾರ್. ಇವರಿಬ್ಬರೂ ಈಗ ಸಿನಿಮಾ ಇಂಡಸ್ಟ್ರಿಗೆ ಪದಾರ್ಪಣೆ ಮಾಡಿದ್ದಾರೆ.
ಪುನೀತ್ ರಾಜ್ ಕುಮಾರ್ ಪತ್ನಿ ಅಶ್ವಿನಿ ನಿರ್ಮಾಪಕಿಯಾಗಿ ಗುರುತಿಸಿಕೊಂಡಿದ್ದಾರೆ. ಪುನೀತ್ ಅವರಿಗೆ ಇಬ್ಬರು ಪುತ್ರಿಯರು ವಂದನಾ ಹಾಗೂ ಧೃತಿ.