Best Juices for Weight Loss: ತೂಕ ನಷ್ಟಕ್ಕೆ ಪ್ರತಿದಿನವೂ ಈ ಜ್ಯೂಸ್ ಸೇವಿಸಿರಿ

ಪ್ರತಿದಿನವೂ ಬೀಟ್‍ರೂಟ್ ಜ್ಯೂಸ್ ಸೇವಿಸಿದರೆ ದೇಹದಲ್ಲಿನ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ ಮತ್ತು ಮೆಟಾಬಲಿಸಮ್‍ಗೆ ಸಹಕಾರಿ. ಇದರಲ್ಲಿರುವ ನೈಟ್ರೇಟ್ ದೇಹದಲ್ಲಿ ನೈಟ್ರಿಕ್ ಆಮ್ಲವಾಗಿ ಪರಿವರ್ತನೆಗೊಂಡು ತೂಕ ಕಡಿಮೆ ಮಾಡುತ್ತದೆ.  

ಪುದೀನಾ ಪೋಷಕಾಂಶಗಳ ಕಣಜವಾಗಿದ್ದು, ಇದರಲ್ಲಿ ಕಬ್ಬಿಣ, ಪೊಟ್ಯಾಶಿಯಂ, ಮ್ಯಾಂಗನೀಸ್ ಹೇರಳವಾಗಿದೆ. ಇದು ಹಿಮೋಗ್ಲೋಬಿನ್ ಪ್ರಮಾಣ ಹೆಚ್ಚಿಸುತ್ತದೆ, ಮೆದುಳಿನ ಚಟುವಟಿಕೆಯನ್ನುಚುರುಕುಗೊಳಿಸುತ್ತದೆ. ಇದರಲ್ಲಿರುವ ಆಂಟಿ ಆಕ್ಸಿಡೆಂಟ್‍ಗಳು ಜೀರ್ಣಕ್ರಿಯೆಗೆ ಸಹಕಾರಿ. ಹೊಟ್ಟೆಯ ಸ್ನಾಯುವನ್ನು ಮೃದುಗೊಳಿಸಿ ಜೀರ್ಣಕ್ರಿಯೆ ಸುಲಭಗೊಳಿಸುತ್ತದೆ. ಹೀಗಾಗಿ ನೀವು ಸುಲಭವಾಗಿ ತೂಕ ನಷ್ಟ ಮಾಡಿಕೊಳ್ಳಬಹುದು.

ನಿಮ್ಮ ದೈನಂದಿನ ಡಯಟ್‍ನಲ್ಲಿ ಕ್ಯಾರೆಟ್ ಜ್ಯೂಸ್ ಸೇರಿಸಿದರೆ ತೂಕ ಕಡಿಮೆಯಾಗುತ್ತದೆ. ಕ್ಯಾರೆಟ್ ಸಾಕಷ್ಟು ಪೊಟ್ಯಾಸಿಯಂನ್ನು ಹೊಂದಿದೆ. ಇದು ತೂಕವನ್ನು ಕಳೆದುಕೊಳ್ಳಲು ಸಹಕಾರಿಯಾಗಿದೆ.

ತೂಕ ನಷ್ಟ ಮಾಡಿಕೊಳ್ಳಲು ಸೌತೆಕಾಯಿ ಜ್ಯೂಸ್ ತುಂಬಾ ಸಹಕಾರಿ. ಸೌತೆಕಾಯಿ, ಪಾಲಕ ಎಲೆ, ಶುಂಠಿಯನ್ನು ಸಣ್ಣದಾಗಿ ಹೆಚ್ಚಿ, ಬ್ಲೆಂಡರ್‌ನಲ್ಲಿ ಹಾಕಿ ಮಿಶ್ರಣ ಮಾಡಿ. ನಂತರ ನಿಂಬೆ ರಸ, ಕಲ್ಲುಪ್ಪು ಸೇರಿಸಿ ಸೇವಿಸಿರಿ.

ಪಾಲಾಕ್‍ನಲ್ಲಿ ಸಾಕಷ್ಟು ಕಬ್ಬಿಣ, ಮೆಗ್ನೀಶಿಯಂ ಮತ್ತು ವಿಟಮಿನ್‍ಗಳಿವೆ. ಇದು ತೂಕವನ್ನು ಕಡಿಮೆ ಮಾಡುವುದರ ಜೊತೆಗೆ ರಕ್ತದೊತ್ತಡವನ್ನು ಸಹ ನಿಯಂತ್ರಿಸುತ್ತದೆ.