Health Tips: ವೀರ್ಯಾಣು ಸಂಖ್ಯೆ ಹೆಚ್ಚಿಸಿಕೊಳ್ಳಲು ಪುರುಷರು ಈ ಆಹಾರ ಸೇವಿಸಿ

ಮಲಗುವಾಗ ನಮ್ಮ ದೇಹವು ಹೆಚ್ಚಿನ ಅಗತ್ಯ ಕೆಲಸವನ್ನು ಮಾಡುತ್ತದೆ. ಈ ಪೈಕಿ ವೀರ್ಯದ ರಚನೆಯು ಒಳಗೊಂಡಿದೆ. ಪ್ರತಿದಿನ 8 ಗಂಟೆಗಳ ನಿದ್ರೆ ಮಾನವ ದೇಹಕ್ಕೆ ಬಹಳ ಮುಖ್ಯ. ವೀರ್ಯದ ಪ್ರಮಾಣ ಹೆಚ್ಚಿಸಲು ನಮ್ಮ ದೇಹವು ಸಾಕಷ್ಟು ಪ್ರಮಾಣದಲ್ಲಿ ವಿಶ್ರಾಂತಿ ಪಡೆಯುವುದು ಅಗತ್ಯ. ಹೀಗಾಗಿ ದಿನಕ್ಕೆ ಕನಿಷ್ಠ 8 ಗಂಟೆ ನಿದ್ರೆ ಮಾಡುವ ಅಭ್ಯಾಸವನ್ನು ರೂಢಿಸಿಕೊಳ್ಳಬೇಕು. 

ಒತ್ತಡ ನಮ್ಮ ಜೀವ ಮತ್ತು ಜೀವನಕ್ಕೆ ತುಂಬಾ ಮಾರಣಾಂತಿಕ. ಇದನ್ನು ಸ್ವಲ್ಪ ಸಮಯದವರೆಗೆ ನಿಭಾಯಿಸಬಹುದು, ಆದರೆ ವೀರ್ಯವು ಅದನ್ನು ತಡೆದುಕೊಳ್ಳುವುದು ಕಷ್ಟ. ಉದ್ವೇಗವು ವೀರ್ಯವನ್ನು ಉತ್ಪಾದಿಸುವ ಹಾರ್ಮೋನ್ ಅನ್ನು ಕಡಿಮೆ ಮಾಡುತ್ತದೆ. ಹೀಗಾಗಿ ಉದ್ವಿಗ್ನತೆ ಮುಕ್ತವಾಗಿರಲು ಪ್ರಯತ್ನಿಸಬೇಕು. ಧ್ಯಾನ, ಯೋಗ ಮತ್ತು ವ್ಯಾಯಾಮ ಇದಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ.

ಫೋಲಿಕ್ ಆಮ್ಲ (ವಿಟಮಿನ್ B9) ವೀರ್ಯದ ಪ್ರಮಾಣ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದು ವೀರ್ಯದ ಗುಣಮಟ್ಟವನ್ನು ಸಹ ಹೆಚ್ಚಿಸುತ್ತದೆ. ಹಸಿರು ತರಕಾರಿಗಳು, ದ್ವಿದಳ ಧಾನ್ಯಗಳು, ಧಾನ್ಯಗಳು ಮತ್ತು ಕಿತ್ತಳೆ ರಸಗಳಲ್ಲಿ ಫೋಲಿಕ್ ಆಮ್ಲವು ಹೇರಳವಾಗಿ ಕಂಡುಬರುತ್ತದೆ. ಹೀಗಾಗಿ ಪ್ರತಿದಿನದ ನಿಮ್ಮ ಆಹಾರದಲ್ಲಿ ಫೋಲಿಕ್ ಆಮ್ಲವನ್ನು ಸೇರಿಸಿಕೊಳ್ಳಬೇಕು.

ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂ ವೀರ್ಯದ ಗುಣಮಟ್ಟವನ್ನು ಹೆಚ್ಚಿಸುತ್ತದೆ. ಇವು ವೀರ್ಯದ ತೆಳುವಾಗುವ ಸಮಸ್ಯೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಹೀಗಾಗಿ ನಿಮ್ಮ ಆಹಾರದಲ್ಲಿ ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂ ಸೇರಿಸಿಕೊಳ್ಳಬೇಕು. ಪೂರಕಗಳಾಗಿಯೂ ನೀವು ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂ ತೆಗೆದುಕೊಳ್ಳಬಹುದು. ದಿನದಲ್ಲಿ ಸ್ವಲ್ಪ ಸಮಯ ಬಿಸಿಲಿನಲ್ಲಿ ಕಳೆಯುವ ಮೂಲಕ ವಿಟಮಿನ್ ಡಿ ಪಡೆಯಬಹುದು. ಮೊಸರು, ಬಾಳೆಹಣ್ಣು, ಟೋನ್ಡ್ ಹಾಲು, ಸಾಲ್ಮನ್‌ ಮೀನನ್ನು ಅತಿಯಾಗಿ ಸೇವಿಸುವ ಮೂಲಕ ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಅಗತ್ಯವನ್ನು ಪೂರೈಸಬಹುದು. ಇದರ ನಿಯಮಿತ ಸೇವನೆಯಿಂದ ವೀರ್ಯದ ಗುಣಮಟ್ಟ ಉತ್ತಮವಾಗುತ್ತದೆ.

ಆಂಟಿ-ಆಕ್ಸಿಡೆಂಟ್ ಭರಿತ ಆಹಾರಗಳ ಸೇವನೆಯು ದೇಹದಲ್ಲಿನ ಜೀವಕೋಶಗಳಿಗೆ ಹಾನಿಮಾಡುವ ಫ್ರೀ ರಾಡಿಕಲ್‌ಗಳನ್ನು ನಾಶಪಡಿಸುತ್ತದೆ. ವಿವಿಧ ರೀತಿಯ ವಿಟಮಿನ್‌ಗಳು & ಖನಿಜಗಳು ಉತ್ಕರ್ಷಣ ನಿರೋಧಕಗಳಂತೆ ಕೆಲಸ ಮಾಡುತ್ತದೆ. ಆಂಟಿ-ಆಕ್ಸಿಡೆಂಟುಗಳು ವೀರ್ಯದ ಸಮಸ್ಯೆ ಕಡಿಮೆ ಮಾಡಿ ವೀರ್ಯಾಣುಗಳ ಸಂಖ್ಯೆಯನ್ನು ವೇಗವಾಗಿ ಹೆಚ್ಚಿಸುತ್ತವೆ. ಆಹಾರದಲ್ಲಿ ಜಿನ್ಸೆಂಗ್, ಅಶ್ವಗಂಧ, ಒಮೆಗಾ 3 ಕೊಬ್ಬಿನಾಮ್ಲಗಳಿಂದ ಸಮೃದ್ಧವಾಗಿರುವ ಕುಂಬಳಕಾಯಿ ಬೀಜಗಳು, ಬೆರ್ರಿಗಳನ್ನು ಸೇವಿಸಬೇಕು.