ಮಾನ್ಸೂನ್‌ನಲ್ಲಿ ಒಮ್ಮೆಯಾದರೂ ಕರ್ನಾಟಕದ ಈ 5 ಸ್ಥಳಗಳಿಗೆ ಭೇಟಿ ನೀಡಲೇಬೇಕು
ಪ್ರವಾಸ ಕೆಲವರ ಹವ್ಯಾಸವಾದರೆ, ಇನ್ನೂ ಕೆಲವರಲ್ಲಿ ಮೂಡ್ ಚೇಂಜ್ ಮಾಡಬಲ್ಲ ಮ್ಯಾಜಿಕ್. ಈ ಮಾನ್ಸೂನ್‌ನಲ್ಲಿ ನೀವು ಪ್ರವಾಸಕ್ಕಾಗಿ ಪ್ಲಾನ್ ಮಾಡುತ್ತಿದ್ದರೆ ಕರ್ನಾಟಕದಲ್ಲಿರುವ ಈ 5 ತಾಣಗಳಿಗೆ ತಪ್ಪದೇ ಭೇಟಿ ನೀಡಿ. ಆ ಸ್ಥಳಗಳು ಯಾವುವೆಂದರೆ...
ಹಚ್ಚ ಹಸಿರಿನ ಬೆಟ್ಟಗಳಿಂದ ಕೂಡಿದ ಕೂರ್ಗ್: ಕೂರ್ಗ್ ಕಾಫಿ-ಉತ್ಪಾದಿಸುವ ಪ್ರಸಿದ್ಧ ಗಿರಿಧಾಮ. ಕೂರ್ಗ್‌ನ ಹಚ್ಚ ಹಸಿರಿನ ಬೆಟ್ಟಗಳಿಗೆ ಮನಸೋಲದವರೇ ಇಲ್ಲ. ನೀವು ಮಾನ್ಸೂನ್‌ನಲ್ಲಿ ಮಡಿಕೇರಿ, ಕೂರ್ಗ್ ಗೆ ಭೇಟಿ ನೀಡಬಹುದು.
ಜಲಪಾತಗಳ ನಾಡು ಆಗುಂಬೆ: ಜಲಪಾತಗಳ ನಾಡು ಆಗುಂಬೆ ಯು ತನ್ನ ರಮಣೀಯ ಸೌಂದರ್ಯ ಮತ್ತು ಜೀವವೈವಿಧ್ಯಕ್ಕೆ ಹೆಸರುವಾಸಿಯಾಗಿದೆ. ದಕ್ಷಿಣದ ಚಿರಾಪುಂಜಿ ಎಂತಲೇ ಖ್ಯಾತಿ ಪಡೆದಿರುವ ಆಗುಂಬೆ ಸಹ ಪ್ರಸಿದ್ದ ಪ್ರವಾಸಿ ತಾಣಗಳಲ್ಲಿ ಒಂದಾಗಿದೆ.
ಹಂಪಿ: ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾದ ಹಂಪಿಯನ್ನು ಅವಶೇಷಗಳ ನಗರ ಎಂದು ಕರೆಯಲಾಗುತ್ತದೆ. ಇತಿಹಾಸವನ್ನು ಆನಂದಿಸುವ ಪ್ರವಾಸಿಗರು ಕರ್ನಾಟಕದ ಆಳವಾದ ಕಣಿವೆಗಳು ಮತ್ತು ಬೆಟ್ಟಗಳಲ್ಲಿ ಅಡಗಿರುವ ಈ ಸ್ಥಳಕ್ಕೆ ಭೇಟಿ ನೀಡಬಹುದು.
ದಾಂಡೇಲಿ ವನ್ಯಜೀವಿ ಅಭಯಾರಣ್ಯ: ನೀವು ಸಫಾರಿ ಪ್ರಿಯರಾಗಿದ್ದರೆ ಮಾನ್ಸೂನ್‌ನಲ್ಲಿ ದಾಂಡೇಲಿ ವನ್ಯಜೀವಿ ಅಭಯಾರಣ್ಯಕ್ಕೆ ಭೇಟಿ ನೀಡಬಹುದು. ಸುಮಾರು 334.52 ಚದರ ಮೈಲಿಗಳಷ್ಟು ದೊಡ್ಡದಾಗಿರುವ ಈ ತಾಣವನ್ನು ಪ್ರಕೃತಿ ಪ್ರೇಮಿಗಳು ರಿಪೂರ್ಣ ರಜೆಯ ತಾಣವೆಂದು ಭಾವಿಸುತ್ತಾರೆ.
ನಂದಿ ಹಿಲ್ಸ್: ಬೆಂಗಳೂರಿಗೆ ತುಂಬಾ ಸಮೀಪದಲ್ಲಿರುವ ನಂದಿ ಹಿಲ್ಸ್ ಕೆಲವರಿಗೆ ವಾರಾಂತ್ಯದ ತಾಣವೂ ಹೌದು. ನೀವು ಈ ಮಾನ್ಸೂನ್‌ನಲ್ಲಿ ಒಂದು ದಿನದ ಪ್ರವಾಸಕ್ಕಾಗಿ ಪ್ಲಾನ್ ಮಾಡುತ್ತಿದ್ದರೆ ಇದೂ ಕೂಡ ಒಂದು ಅತ್ಯುತ್ತಮ ಆಯ್ಕೆಯಾಗಿದೆ.