Hair Growth Tips: ಯಾವುದೇ ದುಬಾರಿ ಟ್ರೀಟ್‌ಮೆಂಟ್‌ ಬೇಡ..ಜಸ್ಟ್‌ ಎಣ್ಣೆಗೆ ಈ ಪಾದರ್ಥ ಬೆರಸಿ ತಲೆಗೆ ಹಚ್ಚಿ, ದಟ್ಟ ಹಾಗೂ ದಪ್ಪ ಕೂದಲು ನಿಮ್ಮದಾಗುತ್ತೆ!
ಕೂದಲಿನ ಬೆಳವಣಿಗೆಗೆ ಹೆಚ್ಚಿನ ಆದ್ಯತೆ ನೀಡಬೇಕು. ಕೂದಲ ಆರೈಕೆಗೆ ಸಮಯ ಕೊಡದಿದ್ದರೆ ನಿಮ್ಮ ಕೂದಲು ಬಹುಬೇಗ ಹಾಳಾಗುತ್ತದೆ. ಕೂದಲಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ದಾಸವಾಳದ ಎಣ್ಣೆಯಿಂದ ನಿವಾರಿಸಬಹುದು. ಅದು ಹೇಗೆ ತಿಳಿಯಲು ಮುಂದೆ ಓದಿ...
ಕೆಲವು ತೈಲಗಳು ಕೂದಲಿನ ಹೊಳಪು ಮತ್ತು ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ರಾಸಾಯನಿಕ ಆಧಾರಿತ ತೈಲಗಳನ್ನು ಬಳಸುವ ಬದಲು, ನಿಮ್ಮ ಕೂದಲಿಗೆ ಸೌಮ್ಯವಾದ, ಹೆಚ್ಚು ಪರಿಣಾಮಕಾರಿಯಾದ ಗಿಡಮೂಲಿಕೆ ತೈಲಗಳನ್ನು ಅನ್ವಯಿಸುವುದು ಉತ್ತಮ. ಇವಗಳಿಂದ ನಿಮ್ಮ ಕೂದಲಿನ ಮೇಲೆ ಯಾವುದೇ ಅಡ್ಡ ಪರಿಣಾಮಗಳಾಗುವುದಿಲ್ಲ. ಅಷ್ಟೆ ಅಲ್ಲ ಇದರಿಂದ ನಿಮ್ಮ ಕೂದಲಿನ ಆರೋಗ್ಯವೂ ಬಹುಬೇಗ ಸುಧಾರಿಸುತ್ತದೆ.
ಕೂದಲಿನ ಆರೋಗ್ಯವನ್ನು ಕಾಪಾಡಿಕೊಳ್ಳಲು ನೀವು ಬಳಸಬಹುದಾದ ಅತ್ಯುತ್ತಮ, ಪರಿಣಾಮಕಾರಿ ಎಣ್ಣೆಗಳಲ್ಲಿ ದಾಸವಾಳದ ಎಣ್ಣೆ ಕೂಡ ಒಂದು. ನಿಮ್ಮ ಮನೆಯಲ್ಲಿ ಬೆಳೆಯುವ ಸುಂದರವಾದ ದಾಸವಾಳದ ಹೂವು ನಿಮ್ಮ ಕೂದಲನ್ನು ಆರೋಗ್ಯಕರವಾಗಿರಿಸುತ್ತದೆ. ವಿಶೇಷವಾಗಿ ಕೆಂಪು ದಾಸವಾಳದ ಹೂವುಗಳನ್ನು ಅನೇಕ ತೈಲಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಹೀಗಾಗಿ ಕೂದಲಿಗೆ ದಾಸವಾಳದ ಎಲೆ ಮತ್ತು ಹೂವುಗಳಿಂದ ತಯಾರಿಸಿದ ಎಣ್ಣೆಯನ್ನು ಬಳವುದರಿಂದ ಹಲವಾರು ಪ್ರಯೋಜನಗಳಿವೆ.
ಹೈಬಿಸ್ಕಸ್ ಎಣ್ಣೆ ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿದೆ. ವಿಟಮಿನ್ ಎ ಸಿ, ಅಮೈನೋ ಆಮ್ಲವು ನಿಮ್ಮ ಕೂದಲನ್ನು ಪುನಃಸ್ಥಾಪಿಸಲು ಸಹಾಯ ಮಾಡುತ್ತದೆ . ದಾಸವಾಳದ ಎಣ್ಣೆ ಕೂದಲಿನ ಹೊಳಪನ್ನು ಹೆಚ್ಚಿಸುವುದಷ್ಟೆ ಅಲ್ಲದ ಕೂದಲಿನ ಬೆಳವಣಿಗೆಯಲ್ಲೂ ಸಹಾಯ ಮಾಡುವುದಷ್ಟೆ ಅಲ್ಲದೆ ಇದು ನಿಮ್ಮ ತಲೆಯ ಹೊಟ್ಟನ್ನು ಸಹ ನಿಯಂತ್ರಿಸಲು ಸಹಾಯ ಮಾಡುತ್ತದೆ.
ದಾಸವಾಳದ ಎಣ್ಣೆ ಕೂದಲ ಬೆಳವಣಿಗೆಯಲ್ಲಿ ಅತ್ಯಂತ ಪರಿಣಾಮಕಾರಿ. ಇದರಲ್ಲಿರುವ ಅಮೈನೋ ಆಮ್ಲಗಳು ಮತ್ತು ವಿಟಮಿನ್ ಸಿ ಕೂದಲಿನ ಬೇರುಗಳನ್ನು ಬಲಪಡಿಸುತ್ತದೆ. ದಾಸವಾಳದ ಎಣ್ಣೆಯನ್ನು ಕೂದಲಿಗೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿದರೆ ರಕ್ತ ಸಂಚಾರ ಹೆಚ್ಚುತ್ತದೆ ಈ ಮೂಲಕ ಕೂದಲಿನ ಬೆಳವಣಿಗೆ ಸಹ ಹೆಚ್ಚಾಗುತ್ತದೆ.
ಇನ್ನೂ ಕೆಲವರಿಗೆ ಸಾಮಾನ್ಯವಾಗಿ ಕಾಡುವ ಸಮಸ್ಯೆ ಏನೆಂದರೆ, ಉದ್ದ ಕೂದಲು ಇದ್ದರೂ ಸಹ ದಪ್ಪವಾಗಿರುವಿದಿಲ್ಲ. ಇದರರ್ಥ ಕೂದಲಿನ ಸಾಂದ್ರತೆಯು ತುಂಬಾ ಕಡಿಮೆ ಇದೆ ಎಂದು, ಇದರಿಂದ ಕೂದಲು ತುಂಬಾ ದುರ್ಬಲವಾಗಿರುತ್ತವೆ.
ದಾಸವಾಳದ ಎಣ್ಣೆಯನ್ನು ಬಳಸಿ ದುರ್ಬಲ ಕೂದಲನ್ನು ಸಹ ಬಲಪಡಿಸಬಹುದು. ಇದು ಜೀವಸತ್ವಗಳು, ಖನಿಜಗಳು ಮತ್ತು ಪ್ರೋಟೀನ್ ಅಂಶವನ್ನು ಹೊಂದಿರುತ್ತದೆ. ಮೂಲದಿಂದ ಕೂದಲನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಇದರಿಂದ ಕೂದಲು ಒಡೆಯುವ ಸಮಸ್ಯೆ ನಿವಾರಣೆಯಾಗುತ್ತದೆ.
ಮಾರುಕಟ್ಟೆಯಲ್ಲಿ ದಾಸವಾಳ ಕೂದಲಿನ ಎಣ್ಣೆಯನ್ನು ಖರೀದಿಸಬಹುದು. ಅಥವಾ ನೀವು ಅದನ್ನು ಮನೆಯಲ್ಲಿಯೇ ಮಾಡಬಹುದು. ಅದಕ್ಕೆ ಮೊದಲು ನಾಲ್ಕೈದು ದಾಸವಾಳದ ಹೂವುಗಳು, ದಾಸವಾಳದ ಎಲೆಗಳು, 10 ಕರಿಬೇವಿನ ಎಲೆಗಳು, 120 ಮಿಲಿ ತೆಂಗಿನ ಎಣ್ಣೆಯನ್ನು ತೆಗೆದುಕೊಳ್ಳಿ. ದಾಸವಾಳದ ಎಲೆಗಳು ಮತ್ತು ಕರಿಬೇವಿನ ಎಲೆಗಳನ್ನು ಪೇಸ್ಟ್ ಮಾಡಿ. ನಂತರ ಒಂದು ಪಾತ್ರೆಯಲ್ಲಿ ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿ ಮತ್ತು ಈ ಪೇಸ್ಟ್ ಅನ್ನು ಎಣ್ಣೆಗೆ ಸೇರಿಸಿ ಮತ್ತು ನಾಲ್ಕೈದು ನಿಮಿಷಗಳ ಕಾಲ ಕುದಿಸಿ. ಎಣ್ಣೆ ತಣ್ಣಗಾದ ನಂತರ ಅದನ್ನು ಸೋಸಿಕೊಂಡು ಎಣ್ಣೆಯನ್ನು ತಲೆಗೆ ಹಚ್ಚಿಕೊಳ್ಳಿ. ನಿತ್ಯವೂ ಈ ಎಣ್ಣೆಯನ್ನು ತಲೆಗೆ ಹಚ್ಚಿ ಮಸಾಜ್ ಮಾಡುವುದರಿಂದ ಕೂದಲು ಬೆಳೆಯುವುದಲ್ಲದೆ ಕಾಂತಿಯೂ ಸಿಗುತ್ತದೆ.